airplanebooksbriefcase business cogs cross election entertainment fish house law lockmedicalpeopleselfservices socialtax

Teknikkimut Avatangiisinullu Ingerlatsivimmut overassistenti

Kommune Kujallermi Teknikkimut Avatangiisinullu ingerlatsivik, Qaqortumi overassitentitut atorfinittussamik pissarsiorpoq piaartumik aallarnerfigalugu isumaqatigiissuteqarnerluunniit malillugu.

Ingerlatsivik teknikkimut pisortamit siulersorneqartoq qulinik teknikereqarpoq pingasunillu allaffimmioqarluni.
Kingusinnerpaamik ulloq:
1. august 2017
Sumiiffik / immikkoortortaq:
Qaqortoq
Aningaasarsiat:
Isumaqatigiissutit naapertortuuttut malillugit

Suliassat makku suliarisassavatit:

  • Qimmit qitsuillu nalunaarsorneqarneri

  • Ullut 14-nikkaarlugit akissarsiassat nalunaarutigisarnissai

  • Eqqagassat ikuallaavimmukartut tigooraaffimmukartullu nalunaarsornissai. 

  • Bussinik ingerlatsinerit nalunaarsornissai

  • Eqqagassalerineq anartarfilerinerlu

  • Akiligassat tamalaat

     

    Piumasaqaatit:

  • Naleqquttumik allaffissornikkut ilinniagaqarsimassasutit ajornanngippallu suliassaqarfiit ilaat misilittagaqarfigissagitit.

  • Namminersorlutit aaqqissuulluakkamik sulisinnaassasutit.

  • Sullissiumatuujussasutit suleqatikkuminarlutit qiimasuullutillu.

  • Suliassat suliarinerini isumassarsiullaqqissusermik pitsaassusermillu takutitsisassasutit.

  • Qarasaasiamik atuisinnaasutit.

  • Kalaallisut qallunaatullu allattariarsornikkut oqaluttariarsornikkullu erseqqissumik takorlooruminartumillu oqariartuuteqarsinnaasutit.

     

    Ilinnut neqeroorutigisinnaasavut:

  • Kommunimi illoqarfitsigut annertuumik ineriartorfiusumi sulineq soqutiginartoq.

  • Suliffik pikkunartunik suliassaqarfiusoq.

  • Inuttut suliatigullu ineriartornissamut periarfissat pitsaasut.

  • Suleqatit suleqatigiinnerlu pitsaasut.

 

Akissarsiat atorfinitsitaanermilu atugassarititaasut

Naalakkerusisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Atorfimmut inissiamik innersuussisoqarsinnaanngilaq.

 

Paasissutissat allat

Atorfik pillugu paasissutissanik sukumiinerusunik pissarsiniaruit, immikkoortortami pisortamut saaffiginnissinnaavutit Margrethe Lundblad-Hansen-imut, oqarasuaat +299 70 41 00 imaluunniit mailikkut: malu@kujalleq.gl 

 

Qinnuteqaat

Qinnuteqaat, ilinniagarisimasat pillugit paasissutissartalik, siornatigut suliffigisimasat, soraarummeersimanermut uppernarsaatit assigiissaallu assilineqarneri, innersuussutit il. il. kingusinnerpaamik 1. august 2017 kommunimit tiguneqareersimassapput.

Kommune Kujalliup nittartagaani paasissutissanik sukumiinerusunik ujarlersinnaavutit: www.kujalleq.gl.

 

Qinnuteqaat nassiunneqarsinnaavoq uunga:

Kommune Kujalleq 

HR-afdeling

Postboks 514

3920 Qaqortoq

E-mail: job@kujalleq.gl