Narsami Isumaginninnermi siunnersortimik

Kommune Kujallermi Annertuumik innarluutilinnik sullissiussamik Narsami
Inunnik isumaginninnermut siunnersortimik pissarsiorneq
ALLAGARSIUTEQQITAQ

Kommune Kujalleq annertuumik innarlutilinnik sullissisussamik isumaginninninnermik siunnersortimik pikkorissumik tunniusimasumillu pissarsiorpoq 01. februar 2019 isumaqatigiissuteqarnikkulluunnit atorfinittussamik.
Kingusinnerpaamik ulloq:
27. december 2018
Sumiiffik / immikkoortortaq:
Narsaq
Ulloq sulilerfissaq:
1. februar 2019
Aningaasarsiat:
Isumaqatigiissutit atuuttut naapertorlugit

Atorfik Qaqortumi aallaaveqarlunilu qitiusumik inissisimavoq.

 

Kommune Kujallermi sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu.

 

Ingerlatsiviup qulakkiissavaa innuttaasunut annertuumik innarluutilinnut tunngatillugu sullissineq innarluutilinnut inatsit atuuttoq najoqqutaralugu ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.

 

Piumasaqaatit:

  • Inunnik isumaginninnermi siunnersorsitut bacheloritut - inunnik isumaginninnermi siunnersoritut imal.   - inunnik isumaginninnermi akunnermiliuttutut ilinniarsimasuunissaq.
  • Innarluutilinnut tunngasuni tamakkiisumik sullissinermik misilittagaqarneq, tamannali aalajangiisuunngilaq.
  • Annerttumik innarluutillit pillugit inatsisinik malittarisassanillu ilisimaarinnittuuneq
  • Pitsaasumik suleqatiginnissuseqarnermik piginnaasaqartoq, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaaneq.
  • Allaffissornikkut aningaasaqarnikkullu suliassanik misilittagaqarnissaq.
  • Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullunilu sulissussinermik piginnaaneqarneq.

 

Atorfiup imarisai ilaatigut makkuupput:

  • Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.
  • Qanoq iliuusissamut pilersaarutinik piareersaasinnaaneq.
  • Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
  • Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Inunnik isumaginnittoqarfik ilaatigut makkuninnga neqerooruteqarpoq:

Innarluutilinnik tunngasunut suliassat ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut.

 

Sapaatip akunneranut akunnerit 40-t suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.

 

Akissarsiat atorfinitsitaanermilu atugassarititaasut, Naalakkersuisut AK-llu akornanni isumaqatigiissutaat Isumaginninnermut suliassalerinermullu suliaqartut Namminersorlutik Oqartussani kommuninilu atorfeqartut atuutsinneqartut naapertorlugit pissapput.

 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. 

 

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit isumaginninnermi siunnersortit aqutsisuat  Nauja Ottossen Knudsen  e-mail: nokn@kujalleq.gl imaluunniit oqarasuaat 64 53 82 atorlugu.

 

Qinnuteqaat Kommune Kujallermut kingusinnerpaamik ataasinngorneq 27. december 2018 nal. 12.00 tunniuneqareersimassaaq.

 

Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput:


Kommune Kujalleq

HR-afdeling

Postbox 541

3920 Qaqortoq.

job@kujalleq.gl  

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq