Aningaasaqarnermut suliaqartussamik

Kommune Kujalleq aningaasaqarnermut tunngasunut/Immikkoortortami pisortatut sulisussarsiorpoq:

Kommune Kujalleq aningaasaqarnermut tunngasunut sulisussarsiorpoq marsip aallaqqaataat 2019 aallarnerfigalugu imaluunnit immikkut isumaqatigiissuteqarnikkut atorfinittussamik.
Kingusinnerpaamik ulloq:
21. januar 2019
Sumiiffik / immikkoortortaq:
Qaqortoq
Ulloq sulilerfissaq:
1. marts 2019
Aningaasarsiat:
Isumaqatigiissutit atuuttut naapertorlugit

Akisussaaffeqarfiit.

Inuussutissarsiornermut Suliffeqarnermullu Ingerlatsivimmi aningaasaqarnerup akisussaaqataaffiginissaa isumagissavat, matumanilu suliassaat tassaallutik pitsaanerpaamik sunniuteqarluartumillu suliffissarsiortunik suliassaqartitsiniarneq, ilinniartitaaneq suliffissallu pillugit siunnersuineq, piginnaanngorsaaneq, sulisinnaasunik pikkorissaaneq, sulisinnaasut qaffassarnissaat ilinniarsimanngitsunillu ilinniartitseqqiineq, tassungalu ilanngullu ilinniagaqalernissaq suliffeqalernissarluunniit siunertaralugit inuit ataasiakkaat pilersaarusiuunneqarnerat peqataaffigissallugu.

Aningaasaqarnermut tunngasunik piginnaasaqarnissat paasisimasaqarnissallu naatsorsuutigaarput aamma suliffeqarnermut ilinniartitaanermullu tunngatillugu inatsisit atuuttut ilisimasaqarfiginissaat kissaatiginarluni, taamatuttaarlu ingerlatsivinni ileqqorissaarnermut naapertuuttumik suliassat sullissinerlu ingerlassinnaassagitit.

 

Suliassat

  • Ingerlatsiviup pisortaa peqatigalugu pingaarnertut aningaasaqarnerup, naatsorsuutinik nalunaarsuinerup missingersuutillu akisussaaffiginissaat, taakkua ilagalugit aningaasarsiat, utertitassat pikkorissarnermilu ajunngitsorsiassat nalunaarsornerannut nalunaarusiornerit periutsillu qulakkeernissaat. Tamatuma kinguneraa ingerlatsiviup pisortaa peqatigalugu susassaqarfimmut tamarmiusumut aningaasaqarnerup, missingersuusiornerup eqqortumillu naatsorsuutinik nalunaarsuinerup qulakkeernissaa akisussaaffigissagakku.
  • Akiligassallit nalunaarsornissaat
  • Akiliussigallarnerit naligiissarnissaat
  • Kontuni aningaasaliissutit allanngutsaaliornissaat
  • Missingersuutinik kukkunersiuineq/nuussinissamut siunnersuusiorneq
  • Utertitat naatsorsukkat taakkulu kukkunersiornissaat
  • Naatsorsuutinik kontunilu nalunarsuinermi assigisaannilu suleqatit ikiornissaat

 

 

Akissaatit atorfininnermilu atugassarititaasut immikkoortortani aqutsisut pillugit SIK-p/HK-p isumaqatigiissutaat najoqqutaraat.

 

Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.

 

Inissaqartitsisoqarsinnaavoq malittarisassat qaqugukkulluunniit atuuttut malillugit qularnaveeqqusiissutinut / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfik pillugu paasissutissat allat uunga saaffiginninnikkut pissarsiarineqarsinnaapput: Palle Frederiksen, oqar. 64 75 30 imaluunniit e-mailiatigut: pafr@kujalleq.gl

 

Qinnuteqaat pineqaatinneqarsimannginnermik uppernarsaatitalik, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, oqaaseqaatit assigisaallu kommunimiit tiguneqareersimassapput kingusinnerpaamik jannuaarip ulluisa 21-iat 2019 nal. 12:00 uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq