Aqutsisoq

Atuareernerup kingorna paaqqinniffik ”SISI” aqutsisussarsiorpoq:

Atuareernerup kingorna paaqqinniffik “SISI” 01. Marts 2019 imaluunniit isumaqatigiissuteqarnikkut atorfinittussamik Perorsaasutut imaluunniit assingusumik ilinniagalimmik aqutsisussarsiorpoq.
Kingusinnerpaamik ulloq:
30. januar 2019
Sumiiffik / immikkoortortaq:
Qaqortoq
Ulloq sulilerfissaq:
1. marts 2019
Aningaasarsiat:
Isumaqatigiissutit atuuttut naapertorlugit

Atuareernerup kingorna paaqqinniffik “SISI” atuartunut minnernut 1 – 3 klasse-nut, ammasarpoq ulluinnarni 07:30 – 16:30.

 

“SISI”-mi aqutsisutut kiisalu perorsaasutut atorfiit saniatigut atorfeqartinneqarput: isumaginninnermi ikiortit pingasut eqqiaasorlu ataaseq. Aqutsisup sulisut peqatigalugit aamma atuarfik qanimut suleqatigalugit ulluiannarni atuarfiup atuartuisa “SISI”-miinneranni sullineqarnerat aaqqissuussaassaraa.

 

Aqutsisussamut perorsaasussamullu naatsorsuutigaarput:

  • Perorsaasutut imaluunniit assingusumik ilinniagalik
  • Suliffimmut tunniussimasoq
  • Piffissamik eqquilluartoq imminullu tatigisoq
  • Suliffimmi aalajaatsuunissaq
  • Perorsaanermut soqutigisaqarneq
  • Suliffimminullu ineriartortitsieqataanissaq

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfininneq aningaasarsiaqarnerlu ilinniakkat tunngavigalugu isumaqatigiissut malillugu pissaaq. 

 

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Annertunerusumik paasisaqarusukkuit uunga saaffiginnissinnaavutit Tasersuup Atuarfiani pisortaq Sarah Rødgaard telefon 64 50 20 imaluunniit e-mail saro@kujalleq.gl imaluunniit pisortap tullia Anders Stephensen telefon 64 50 25 imaluunniit e-mail anst@kujalleq.gl

 

Qinnuteqaat, pineqaatissimannginnermik uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik jannuaarip ulluisa 30-iat 2019 nal. 12:00 kommunimit tiguneqareersimassapput, nassiunneqassallutik: 

nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq