Inuusuttunut siunnersortinit marluk

Qaqortumi Neriusaaq inuusuttunut siunnersortinik pissarsiorpoq

Qaqortumi Neriusaaq marlunnik inuusuttunut siunnersortissarsiorpoq 2019-imi februarip aallaqqaataani imaluunniit erseqqinnerusumik isumaqatigiissuteqarnikkut atorfinittussanik.
Kingusinnerpaamik ulloq:
4. januar 2019
Sumiiffik / immikkoortortaq:
Qaqortoq
Ulloq sulilerfissaq:
1. februar 2018
Aningaasarsiat:
Isumaqatigiissutit atuuttut naapertorlugit

Neriusaaq Ilaqutariinnik Sullissivimmut atavoq, tassaniippullu pisortaq, psykologit angalasartut, ilaqutariinnut siunnersorti, taamalu inuusuttunut siunnersortip Ilaqutariinnik Sullissivimmiit sullitai suleqatit peqatigalugit sullitissavai. Neriusaami inuusuttunut siunnersortit aamma Isumaginnittoqarfimmi nalunaaruteqartartunut atapput taamalu taakkunannga suliassinneqarsinnaallutik.

 

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit?  Suleqatigiit akornanni sulisinnaavit ammasuullutillu? Aamma Eqinnaatsuuit?

 

Taamaappat soqutiginartumik ilinnut atorfimmik neqerooruteqarpugut, ulloq 2019-imi februarip aallaqqaataat aallarnerfigalugu imaluunniit immikkut isumaqatigiissuteqarnikkut atorfinitsissinnaallutit.

Atorfik Ilaqutariinnut Neriusaami inissisimavoq immikkoortortamilu aqutsisoq qullersarineqassalluni.

 

Inuusuttunut siunnersortip pingaarnertut makku akisussaaffigissavai:

  • Inuusuttunut siunnersorti Ilaqutariinnullu Sullissivik aamma ornittagaq Neriusaaq suleqatigissallugit.
  • Pinaveersaartitsinerni, suliniutini, qaammarsaanerni allanilu peqataalluassaaq.
  • Meeqqat, inuusuttuaqqat kiisalu ilaqutaat angalaaqatigisassallugit. Assersuutigalugu savaateqarfinnut assigisaannullu.
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.
  • Atuarfik angajoqqaallu suleqatigalugit iliuusissatut pilersaarusiorneq.
  • Meeqqanut ataasiakkaanut sutigut tamatigut tatigisassatut inissisimassaaq.
  • Politiinik suleqateqarneq meeqqallu killisiorneqarnerannut peqataaneq.
  • Nalunaarusiornerit.
  • Ilaqutariinnut Sullivimmi ataatsimiinnernut sulisoqatigiillu atuartinneqartarnerannut peqataasassalluni.
  • Kommune Kujallermi inuusuttunut siunnersortit allat suleqatigissallugit.
  • Nalunaaruteqarnissamut pisussaaffik sakkortunerusoq

 

Naatsorsuutigaarput:

  • Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.
  • Kalaallisut oqaaseqartuunissat danskisullu paasinnissinnaasuunissat.
  • Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat,  imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

 

Atorfininneq aningaasarsiaqarnerlu ilinniakkat tunngavigalugu isumaqatigiissut malillugu pissaaq. 

 

Atorfik pillugu paasissutissat annertunerusut Qaqortumi Ilaqutariinnut Sullissiviup pisortaanut Naja Lund Kielsenimut uku aqqutigalugit saaffiginninnikkut pissarsiarineqarsinnaapput: oqarasuaat +299 70 41 00 imaluunniit 64 54 22, e-mail: naki@kujalleq.gl.

 

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik 2019-imi januariip ulluisa sisamaanni  kommunimit tiguneqareersimassapput, uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq