airplanebooksbriefcase business cogs cross election entertainment fish house law lockmedicalpeopleselfservices socialtax

Pedeimut ikiorti

Nanortallip atuarfia pedelimut ikiortissarsiorpoq:

Nanortallip atuarfia pedelimut ikiortissarsiorpoq februarip ulluisa aallaqqaataani 2019 imaluunniit isumaqatigiissuteqarnikkut atorfinittussamik.

Kingusinnerpaamik ulloq:
25. januar 2019
Sumiiffik / immikkoortortaq:
Nanortalik
Ulloq sulilerfissaq:
1. februar 2019
Aningaasarsiat:
Isumaqatigiissutit atuuttut naapertorlugit

Assassorissanut misilittagaqaruit, aalaakaaguit suliassatillu nammineq nakkutigisinnaagukkit nuannaartuuguillu immaqa illiuvutit pisariaqartitarput.

 

Pedelimut ikiortip suliassai tassaapput:

  • Atuarfiup iluani silataanilu aserfallatsaaliineq.
  • Atuarfiup eqqaani eqqiluitsuutitsineq.
  • Allakkisarneq.
  • Suliassat assigiinngitsut - soorlu aputaajaaneq siorarterinerlu.

 

Piumasaqaatit:

  • Assassorissanut misilittagartut salliutineqassapput.
  • Biilernermut allagartaq.
  • Suleqatikkuminartoq.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Aningaasarsiat atorfeqartitaanermilu atugassarititaasut.

Naalakkersuisut, Finansministeriap kiisalu Sulinermik Inuussutissarsiuteqartut Kattuffiata isumaqatigiissutaat atuuttut naapertorlugit atorfinitsitsisoqarlunilu akissarsiaqartitsisoqassaaq.

 

Atorfinninermut tunngatillugu inissaqartitsisoqanngilaq.

 

Paasisaqarnerujumaguit attavigisinnaavat Nanortallip atuarfiani pisortaagallartoq Vivi Kleist  tlf. 613325 imaluunniit e-mail vikl@kujalleq.gl .

 

Qinnuteqaat ilinniagarisimasanik, siusinnerusukkut suliffigisimanik paasissutissartalik, soraarummeernermut uppernarsaanik oqaaseqaataajunnartunik il.il. ilanngussivigalugu kommunimit tiguneqareersimassaaq kingusinnerpaamik 25. januar 2019 nal. 12:00 uungalu nassiunneqassalluni:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq