airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasoq aamma Inunnik isumaginninnermut ikiorti

Narsami innarluutilinnut najugaqarfik sulisussarsiorpoq.

Ulloq unnuarlu innarluutillit najugaqarfiat Ineqarfik ”Nuka” , najugaqartunut arfilinnut
naatsorsuusaq , sulisussarsiorpoq 1.Marts 2019 immaqaluunniit isumaqatigiissuteqarnikkut
ukuninnga :

• Perorsaasutut ilinniagalik
• Inunnik isumaginninnermut ikiorti
Kingusinnerpaamik ulloq:
25. januar 2019
Sumiiffik / immikkoortortaq:
Narsaq
Ulloq sulilerfissaq:
1. marts 2019
Aningaasarsiat:
Isumaqatigiissutit atuuttut naapertorlugit

Najugaqarfik nuannersuuvoq inuttut najugaqartunullu tunngasunik ilikkagaqarnissamut tulluartoq, ineriartorfiulluartoq, unammillernartumik soqutigisaqartunullu misiliissalluni piukkunnarluartuulluni minnerunngitsumik perorsaanermik soqutigisaqartunut suliffigissallugu

orniginartoq.

 

Qinnuteqartunut piumasaqaatit:

  • Isumaginninnermi tarnikkut nappaatilinnik sullissinerup tungaatigut misilittagalik

  • Najugaqarfimmi perorsaanerup tungaatigut sulineq sunneeqqataaffigissallugu, ineriartortitseqataaffigalugu

  • Kajumissuseqarneq, nutaamik eqqarsarsinnaaneq eqeersimaarnerlu

  • Piffissaq eqqorlugu suliartortarneq aalaajaanerlu

  • Avataani suleqatinut ammasuuneq

     

    Ilinnut neqeroorutigisinnaasavut:

  • Najugaqarfik nuannersoq najugaqartunut atugassarititaasunik pitsaanerpaanik pilersitsinissamik qitiutitsisoq
  • Najugaqarfik nuannersoq sulisunut atugassarititaasunik ataatsimoorussamik akisussaaffeqarfiusoq
  • Sulinermi atugassarititaasut illit misilittakkannik atuiffiusinnaasut
  • Sapaatip akunneranut akunnerit 40-it suliffiussapput, ullukkut unnukkullu suliffiit nikerartarlutik kiisalu sapaatip akunnerisa naaneri allortarlugit nalliuttunilu suliffigineqartassallutik
  • Akissarsiat atorfinitsitaanermullu tunngatillugu isumatigiissutit atuuttut najoqqutarineqassapput

 

Atorfinninermut tunngatillugu inissaqartitsisoqanngilaq .

 

Atorfik pillugu paasissutissat ersarinnerusut uunga saaffiginninnikkut pissarsiarineqarsinnaapput   ; Innarluutilinnut sullissiveqarfimmi immikkut aqutsisoq Martha Fontain Kristensen email;makr@kujalleq.gl oqarasuaat 381536 immaqaluunniit Innarluutilinnut sullissinermi ataqatigiissaarisoq Kathrine Kanuthsen email;ankn@kujalleq.gl oqarasuaat 645360 .

  

Qinnuteqaat, pinerluuteqarsimannginnermut uppernarsaat ilanngullugu, ilinniarsimanermullu uppernarsaatit siusinnerusukkullu suliffigisimasat pillugit paasissutissanik oqaaseqaatinillu ilalik kingusinnerpaamik 25.januar 2019 Kommune Kujalleq-mi tiguneqareersimassapput, uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq