airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasumik aamma isumaginninnermi ikiortimik

Qaqortumi ulloq unnuarlu Najugaqarfik Uiloq perorsaasumik aammalu isumaginninnermi ikiortimik sulisussarsiorpoq

Innarluutillit najugaqarfiat Uiloq ulloq unnuarlu sulisulik, sulisussarsiorpoq 01. februar 2019 atorfinittussamik imaluunniit isumaqatigiissuteqarnikkulluunniit sulilertussamik:
Kingusinnerpaamik ulloq:
11. januar 2019
Sumiiffik / immikkoortortaq:
Qaqortoq
Ulloq sulilerfissaq:
1. februar 2019
Aningaasarsiat:
Isumaqatigiissutit atuuttut naapertorlugit

Najugaqarfik nuannersuuvoq inuttut sullitanullu tunngasunik ilikkagaqarnissamut tulluartoq ineriartorfiulluartoq, unammillernartumik soqutigisaqartuulluni misiliissalluni piukkunnartuulluni minnerunngitsumillu perorsaanermik soqutigisaqartunut suliffigissallugu tulluartoq. Taama ittumik misileerusuppit? Taava illiuvoq ujagarput. Qinnuteqarnermilu ataani allassimasut naammassisimanissaat naatsorsuutigaarput.

 

Qinnuteqartunut piumasaqaatit:

 

Isumaginninnermi tarnikkut nappaatilinnik sullissinerup tungaatigut misilittagalik.

- Suliffimmi perorsaanerup tungaatigut sulineq sunneeqataaffigalugulu ineriartortitseqataaffigalugu.
- Kajumissuseqarneq, nutaamik eqqarsarsinnaaneq eqeersimaarnerlu.
- Piffissaq eqqorlugu suliartortarneq aalajaannerlu.
- Avataani suleqatinut ammasuuneq.

 

Ilinnut neqeroorutigisinnaasavut:

Suliffik nuannersoq najugaqartunut atugassarititaasunik pitsaanerpaanik pilersitsinissamik qitiutitsisoq.

Suliffik nuannersoq sulisunut atugassarititaasunik ataatsimoorussamik akisussaaffeqarfiusoq.

Sulinermi atugassarititaasut illit misilittakkannik atuiffiusinnaasut.

Sapaatip akunneranut akunnerit 40-t suliffiusassapput, ullukkut unnukkullu suliffiit nikerartarlutik kiisalu weekendit allortarlugit suliffigineqartassallutik.

Akissarsiat atorfimmilu atugassat isumaqatigiissutit naapertorlugit pissapput.

Atorfik pillugu paasissutissat sukumiinerusut suliassaqarfimmi immikkoortortami aqutsisumut Bea K.Nielsen-mut pissarsiarineqarsinnaapput, oqarasuaammut uunga sianernikkut: 642018 – mobil: 493887 imaluunniit mailikkut uunga allagaqarnikkut: bekn@kujalleq.gl

Qinnuteqaat, pinerluuteqarsimannginnermut uppernarsaatitalik, ilinniagarisimasat suliffigisimasallu pillugit paasissutissartalik, ilinniarnermut uppernarsaatinik kiisalu qanoq sivisutigisumik sulisinermut takussutissartalik allaffeqarfimmiit tiguneqareersimassaaq kingusinnerpaamik 11. Januar 2019 -mi uungalu nassiunneqassalluni:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq