airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermi siunnersorti

Kommune Kujalleq Qaqortoq
Meeqqanut Inuusuttunullu
tunngatillugu
Isumaginninnermi siunnersorti/suliamik isumaginnittoq.

Kingusinnerpaamik ulloq:
21. marts 2019
Sumiiffik / immikkoortortaq:
Qaqortoq
Ulloq sulilerfissaq:
1. maj 2019
Aningaasarsiat:
Isumaqatigiissutit atuuttut naapertorlugit

 

Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aammalu isumaginninnermi siunnersortitut assingusumilluunniit ilinniagaqarpit? Taava immaqa isumaginninnermi siunnertitut/inunnik isumaginnittutut meeqqanut inuusuttunullu sullissivimmi suleqatertaarisinnaavatsigit.

Atorfik inuttaqanngilaq, maj-ip aallaqqaataat, 2019 aallarnerfigalugu isumaqatigiissuteqarnikkulluunniit inuttalerneqassalluni.

 

Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu ineriartortitsinermut kivitseqataanissamullu peqataarusuttumik atorfinititsinissarput kissaatigalutigu.  Meeqqanut Inuusuttunullu isumaginnittoqarfiup qulakkiissavaa meeqqat inuusuttullu pillugit suliat suliarineqarneri, nalunaarutiginninnerit aammalu meeqqanik inissiisarnerit inatsisit atuuttut naapertorlugit ingerlanneqartarnersut, aammalu inuit ataasiakkaat tamarmik aalajangersimasumik naliliiviginerinik tunuliaqutaqartarnissaq qulakkiissallugu.

 

Ilinnut piumasaqaatit:

 

  • Isumaginninnermik siunnersorti assingusumilluunniit ilinniarsimasoq susassaqarfiullu iluani misilittagaqartoq.

  • Isumaginninnermi sulianik misilittagaqarnissaq

  • Suleqatiginninnisssamut oqartussanillu allanik suleqateqarnissamut piginnaasagissaqartutit

  • Isumaginninnermi pikkunartunik suliassaqarfiusumi sunniuteqaqataallutit iliuuseqarusussuseqartutit

  • Sanngisuujusutit

     

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat immikkuullarissunullu maluginiaasinnaanissat

  • Ataatsimoortumik takunnissinnaanerit attatiinnarlugu arlalinnik suliaqarsinnaanissat

  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat

  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat

  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat

  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat

  • Arlalissuarnik suleqateqallaqqissuunissat

  • Qinnuteqartut marluinnik oqaasillit (kal/dk) atorfinitsinnissaat piumaneqarneruvoq.

     

    Suliassat:

  • Atortussat paasissutissallu katersornissaat.

  • Angerlarsimaffimmut pulaarneq.

  • Meeqqanik oqaloqatiginninnerit.

  • Inassuteqaatinut aalajangiinerit

  • Attaveqaatit ataatsimeeqatigiittarneranni suliassalerineq.

  • Qullersaqarfiit allat qanimut suleqatiginerat

  • Ataatsimiititaliamut nalunaarusiortarneq.

  • Angajoqqaatut oqartussaassusilinnut qanimut suleqateqarneq

  • Isumaginninnermik suliaqarnermi misissuineq

  • Qanoq iliuusissamut pilersaarutinik piareersaasinnaaneq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Neqeroorutigisinnaavarput atorfik meeqqanut inuusuttuaqqanullu sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersornissaanullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

 

 

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput. Akissarsiaqartitsineq isumaginninnermi siunnersortimik atorfinitsitsinertut pissaaq, tassani immikkut ukiunut aalajangersimasunut atorfinitsitsinissaq periarfissaassalluni. Inissannik naleqquttumik tunineqarsinnaavutit, ineqarnermut akiliutit il. il. malittarisassat atuuttut naapertorlugit akilerneqassallutik.

 

Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat uannga pissarsiarisinnaavatit:

Qaqortumi Isumaginninnermi siunnersortit aqutsisuat, Najannguaq Knudsen, tlf. 64 53 62 E-mail; nakn@kujalleq.gl  

 

Qinnuteqaatit Kommune Kujallermiit kingusinnerpaamik martsip 21-ani 2019 nal. 12.00 tiguneqareersimassapput . Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput

  

 

Kommnune Kujalleq

Sulisoqarnermut Immikkoortortaqarfik

Postboks 541

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq