airplanebooksbriefcase business cogs cross election entertainment fish house law lockmedicalpeopleselfservices socialtax

Qaqortumi isumaginninnermi ikiorti

Kommune Kujalleq Qaqortumi ulloq unnuarlu angerlarsimaffimmi isumaginninnermi ikiortinik pissarsiorpoq:

Isumaginninnermi ikiortinik marlunnik tunniusimasunik aammalu aalajangersimasumik unnuarsiortartussanik marlunnik ulloq unnuarlu angerlarsimavimmi nutaami sulilerusuttunik pissarsiorpugut.
Ulloq atorfinitsitaaffissaq tassaavoq 1.Maj 2019 imaluunniit isumaqatigiissuteqarnikkut.
Kingusinnerpaamik ulloq:
20. marts 2019
Sumiiffik / immikkoortortaq:
Qaqortoq
Ulloq sulilerfissaq:
1. maj 2019
Aningaasarsiat:
Isumaqatiiissutit atuuttut naapertorlugit

Meeqqat angerlarsimaffianni pilersinneqaqqammersumi illoqarfiup qeqqani illup angisuup immikkoortortaani Isumaginninnermi ikiortit marluk aammalu unnuarsiortartussat marluk kissaatigineqarput. Immikkoortortaq meeqqanut arfineq-marlunnut 0-10-inik ukiulinnut naatsorsuussaavoq. Immikkoortortami sulinermi meeqqat isumassuisunik avatangiiseqarlutik erseqqissunillu killissaqartitaallutik aammalu saqqumilluartunik inersimasortaqarlutik ineriartornissamut periarfissinneqarnissaat isumagineqassaaq. Attaveqarneq peqateqarnerlu sulinermi pingaartinneqarput. Naalungiarsuunermi atugarisimasanik katsorsaaneq aallaavigalugu meeqqallu akuerineqarnissaat aallaavigalugu sulissaagut. Meeqqap ataqqineqartutut, akuerineqartutut, paasineqartutullu misiginissaat pingaaruteqarpoq. Unnuarsiortutut sapaatip akunnerani ataatsimi akunnerit 63-it sulisassaatit sapaatillu akunnerata tulliani sulinngiffeqartarlutit.

 

Neqeroorutigaavut

  • Suliassat assigiinngissitaartut.

  • Susassaqarfiit akimorlugit suleqatigiinneq.

  • Suliffik nutaaq pissanganartoq.

  • Inunnik sullissiveqarfimmik nutaamik ineriartortitsinissamut periarfissaq.

  • Pikkorissarnernut peqataanissamut periarfissat

  • Oqaloqateqarluni oqilisaassineq

 

Naatsorsuutigaarput

  • Isumaginninnermi ikiortitut imaluunniit socialmedhjælperitut ilinniarsimasutit

  • Namminersorlutit sulisinnaassuseqartutit aammalu pisussaaffileeqqatigiiffiusumik suleqateqarsinnaasutit.

  • Aporfiit pinnagit periarfissat isiginiarnerusaritit.

  • Meeqqat toqqissisimanartumik ineriartorfiusumillu atugaqalersinneqarnissaannut peqataarusuttutit.

  • Piffissat suliffiusut allanngorartut, akunnerup naanerani sulineq aammalu aallaarsimaartarnissat piareersimaffigigitit.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Atorfinnut tamanut qinnuteqartut isumaginninnermi ikiortitut imaluunniit socialmedhjælperitut ilinniarsimasuussapput marluinnillu oqaaseqartuuppata assut pitsaassalluni.

 

Aningaasarsiat atorfeqartitaanermilu atugassarititaasut

Akissarsianut- atorfinitsitsinermullu atugassarititaasut atorfinitsitaanerup nalaani Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.

 

Inissaq

Atorfimmut atasumik inissaqartitsisoqanngilaq.

 

Atorfik pillugu sukumiinerusumik paasisaqarusukkuit attavigisinnaavat ulloq unnuarlu angerlarsimaffiup pisortaa Mogens K. Modeweg-Hansen oqarasuaammut attavigalugu +299 381701 imaluunniit toqqaannartumi. Mail momh@kujalleq.gl, imaluunniit Pisortap tullianut Sabine Semionsen Mail, sase@Kujalleq.gl

Atorfitsitsineq pillugu oqaloqatiginninnerit pissasut naatsorsuutigineqarsinnaapput, sap. ak 13-mi

 

Qinnuteqaat, ilinniagarisimasat pillugit paasissutissartalik, siornatigut suliffigisimasat, soraarummeersimanermut uppernarsaatit assigiissaasalu assilineqarneri, aamma ajornanngippat  innersuussutit il. il. kingusinnerpaamik Marts 20-iat 2019 kommunimit tiguneqareersimassapput. Qinnuteqaat allakkatigut mailikkulluunniit uunnga nassiunneqassaaq:


Kommune Kujalleq

Sulisoqarnermut immikkoortortaq

Postbox 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq