airplanebooksbriefcase business cogs cross election entertainment fish house law lockmedicalpeopleselfservices socialtax

Ulloq unnuarlu paaqqinnittarfimmi sullissisoq

Qaqortumi ulloq unnuarlu paaqqinnittarfimmi sullissisisoq:

Kommune Kujallermi meeqqanut inuusuttunullu ingerlatsivik Qaqortumi ulloq unnuarlu paaqqinnittarfimmi pimoorullugu sulerusussuseqartumik sullissisussarsiorpoq, ulloq una sulilerfigissallugu: 01. maj 2019 imaluunniit immikkut isumaqatigiissuteqarnikkut.

Kingusinnerpaamik ulloq:
21. marts 2019
Sumiiffik / immikkoortortaq:
Qaqortoq
Ulloq sulilerfissaq:
1. maj 2019
Aningaasarsiat:
Isumaqatigiissutit atuuttut naapertorlugit

Ulloq unnuarlu paaqqinnittarfiup sullissisuata sullissisut allat suleqatigalugit meeqqat ulloq unnuarlu paaqqinnittarfimmut inissinneqarsimasut kiffartuutissavai. Kommune Kujalliup suliassaqarfik salliutisssalugu aalajangersimavoq, taamaammallu suliassaqarfimmi piffissaq tamakkerlugu sullissisussamik atorfinitsitsinissani siunniussimallugu.

 

Suliassat:

  • Atortussat paasissutissallu katersornissaat.
  • Ulloq unnuarlu paaqqinnittarfimmi meeqqanik oqaloqatiginnittarnissaq.
  • Angajoqqaatut oqartussat suleqatiginissaat.
  • Isumaginninnikkut ilinniagarisaq aallaavigalugu ulloq unnuarlu paaqqinnittarfimmi meeqqat misissortarnissaat.
  • Ulloq unnuarlu paaqqiniittarfimmi meeqqanut iliuusissatut pilersaarusiornissaq.
  • Katerisimaarnissamik aalajangiinerit.
  • Ulloq unnuarlu paaqqinnittarfinnut nalinginnaasumik attaveqarneq.
  • Aqutsisunut makku pillugit nalunaarusiortarneq:
    • Amerlassusai:
    • Aningaasaqarneq.
  • Ulloq unnuarlu paaqqinnittarfimmi meeqqat inissinneqarsimasut inuttut ataasiakkaarlugit nakkutiginissaat.

 

Qinnuteqaateqartunut naatsorsuutigisat:

  • Isumaginninnermut siunnersortitut assigisaanilluunniit ilinniagalik
  • Suliaqarnermik misilittagalik      
  • Meeqqanut Ilaqutariinnullu tunngasunik annertuumik, kiisalu inatsinut attuumassuteqarfigineqartunut ilisimasalik
  • Ilaqutariit ilungersuuteqartut inissiinerillu pillugit suliaqarsimasoq/suleriaatsinik ilisimasalik

 

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat
  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat
  • Arlalissuarnik suleqateqallaqqissuunissat
  • Qinnuteqartut marluinnik oqaasillit (kal/dk) atorfinitsinnissaat piumaneqarneruvoq.

 

Neqeroorutigaarput:
Suliffik pissanganartoq, imarisassaanik nammineq sunniuteqarfigineqarsinnaasoq, suliffeqarfimmilu angisuumi annertuumik akisussaassuseqarfiusoq.  Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq. 

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Naatsorsuutigaarput isumagissuusutit allanut ataqqinnittuullutit - aamma inunnut inuuniarnerminni ajornartorsiuteqartunut. Inuk qitiutissinnaassavat, aaqqiissutissanillu isumaliortuullutit. Attaveqarnermut pikkorissuussaatit, persuarsiortuunak qiimasuullutillu. Persuarsiornartuni persuarsiornanngitsunilu inunnik peqateqallaqqissuussaatit. Kalaallisut danskisullu oqaaseqaruit iluaqutaassaqaaq.

 

Atorfinitsitsisoqarlunilu akissarsiaqartitsisoqassaaq kattuffiit isumaqatigiissutaat naelqquttut naapertorlugit kiisalu immikkut ukiuni aalajangersimasuni atugassaqartitsinikkut. Piffissami tassani immikkut ukiunut aalajangersimasunut atorfinitsitsinikkut akissarsiaqartitsisoqarsinnaavoq.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfiit pillugit ersarinnerusumik paasisaqarusukkuit suliami pisortaq Nielsine Petersen attavigisinnaavat oqarasuaat una aqqutigalugu: +299 64 53 74 imaluunnit mailiatigut nipe@kujalleq.gl

 

Qinnuteqaat, pineqaatinneqarsimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri kingusinnerpaamik ulloq martsip 21-at 2019 nal. 12.00 kommunimit tiguneqareersimassapput, kommunillu mailianutnassiunneqassallutik:


Kommune Kujalleq

Sulisoqarnermut immikkoortortaq

Postbox 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq