airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
5. april 2019
Ulloq sulilerfissaq:
1. maj 2019

Immikkuullarissut tappiffigaagit, aamma ulluinnarmi artorsaateqarfiusinnaasumi pisut tamaasa ataatsimut isigisinnaavigit? Taamaappat pisariaqartippatsigit!

Kommune Kujalliup isumaginnittoqarfiani sullissinermi allaffissornikkullu suliassanut tunngatillugu ataqatigiissaarisussarsiorpugut.

 

Atorfik pillugu:

Ingerlatsivimmi amerlasuunik suliassaqarfiusumi ingerlateqqitassaqarfiusumilu qitiusumik inissisimasussaavutit. Isumaginnittoqarfimmi susassaqarfiit siammasissut akornanni pisut tamaasa ataatsimut isigisinnaassuseqarfigissavatit, paasissutissallu aamma suliassat ingerlateqqinneqarnissaat akisussaaffigissallugit, tassaappullu ingerlatsivimmi ulluinnarni ingerlatsinermut ilaasut, ingerlatsivimmi sulianut ataasiakkaanut tunngatillugu akisussaasunut ingerlateqqinneqartartussat.

Ataatsimiinnerit assigiinngitsut, assersuutigalugu Isumagininnermut Ataatsimiititaliap suleqatillu avataaneersut ataatsimiinnissaasa pilersaarusiornissaat ingerlanneqarnissaallu qulakkeerlugit akisussaaffigisavatit.

 

Suliassat:

  • Isumaginninnermut Ataatsimiititaliap ataatsimiinnissaasa ataqatigiissaarnissaat piareersarnissaallu, taakku ilagalugit oqaluuserisassani immikkoortut tamaasa suliarilluarlugillu nutserneqarnissaat.
  • Isumaginninnermut Ataatsimiititaliami oqaluuserisassiatut takkuttut oqaluuserisassanngortinneqarnissaat, sulianilu pisortanut ingerlateqqinneqartarnissaat.
  • Suliassat takkuttut nalunaarsuiffimmut inaalinneqarnissaat.
  • Imaqarniliat naammassineqarnissaat, taakkulu ingerlateqqinneqarnissaat.
  • Ataatsimiititaliap ataatsimiiffissaasa aqunnissaat.
  • Isumaginninnermi pisortap suliassaanik allattariarsornikkut aqutsinikkullu suliaqarneq.
  • Suliassat takkuttut suliareqquneqartut assigiinngitsut.

 

Qinnuteqartumut naatsorsuutigineqartut:

  • Naleqquttumik allaffimmiutut/allatsitut allaffissornermik ilinniagaqarsimanissat (HK assigisaanilluunniit)
  • Sungiussiasuusutit, eqiingasuusutit, suliassallu kajumillutit aalluttassagitit.
  • Nammineerlutit suleqatigiinnilu sulilluarsinnaasutit
  • Oqaluttariarsorlutit allattariarsorlutillu qallunaatut kalaallisullu erseqqissuliorlutit oqalorissuunissat.
  • Isumaginnittoqarfiup susassaqarfiini annertuuni pisunik tamanik ataatsimut isiginnissinnaanissat, ulluinnarnilu piffissaliussamik killeqartitanik iluarisimaarinnillutit sulisinnaasutit.
  • Suliffeqarfimmi politikkikkut aqunneqartumi sulisinnaasutit.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Nalinginnaasumik qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.

 

Inissiamik attartugassiisoqarsinnaavoq, matumanilu ineqarnermut qularnaveeqqusiinerillu pillugit malittarisassat sukkulluunniit atuutsinneqartut naapertorlugit akiliisoqassalluni. Minnerpaamik ukiunik pingasunik atorfeqareernerup kingorna taamatuttaaq soraarnermut tunngatillugu angalanermut pisattallu nuunneqarnerannut malittarisassat atuuttut najoqqutaralugit aningaasartuutit akiliunneqassapput.

 

Annertunerusumik paasissutissat Kommune Kujallermi isumaginninnermut pisortamut Boris Klarsgaardimut saaffigiinninnikkut pissarsiarineqarsinnaapput oqarasuaat una aqqutigalugu: (+299) 64 53 34 imlt. e-maili ana atorlugu: bokl@kujalleq.gl

 

Qinnuteqaat, CV/inuunermit taasassat aamma ilinniarsimanermut uppernarsaatit kiisalu ajornanngippat  sulisitsisumit oqaaseqaatit kommunimut tunniunneqareersimassapput kingusinnerpaamik apriilip ulluia 05-anni, 2019 nal. 12.00 uungalu nassiunneqassallutik:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq.

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq