airplanebooksbriefcase business cogs cross election entertainment fish house law lockmedicalpeopleselfservices socialtax

Qaqortumi controllerimik


Inuussutissarsiornermut suliffeqarnermullu ingerlatsivik Qaqortumi Controllerissarsiorpoq.
ALLAGARSIUTEQQITAQ
Kingusinnerpaamik ulloq:
26. april 2019
Sumiiffik / immikkoortortaq:
Qaqortoq
Ulloq sulilerfissaq:
1. maj 2019
Aningaasarsiat:
Isumaqatigiissutit atuuttut naapertorlugit

Ataatsikkut sorpassuit suliaralugit nuannaraagit ataatsimullu isiginnissinnaavit, taamaassimappat suliffissaqartippatsigit. Kommune Kujallermi Inuussutissarsiornermut suliffeqarnermullu ingerlatsivik sulisussarsiorpoq 1. maj 2019 erseqqinnerusumilluunniit isumaqatigiissuteqarnikkut inuttalerneqartussamik.

 

Suliassat:

  • Inuussutissarsiornikkut suliffeqarnikkullu suliniutinik aningaasaqarnikkut pitsaanerusumik aqutseriaasilinnik pilersaarusiornissaq, aaqqissuussinissaq naammassinninnissarlu, kiisalu suliassaqarfinni allaffissornikkut periutsit suleriaatsillu pisariillisarnissai.

  • Naatsorsuutinik nalunaarusiornerni, ukiumoortumik naatsorsuusiornerni missingersuusiornernilu kisitsisitigut aningaasatigullu ilisimasanik inuussutissarsiornermik suliffeqarnermillu suliaqarfimmi aqutsisunut ikiuunneq.

  • Inuussutissarsiutinik suliffeqarnermillu suliaqarfimmi sullissinerup tungaatigut pitsaassutsimik qulakkeerinninnermi nakkutiginninnermilu suliani pisortat ikiorlugit, aammattaaq kommunimi kukkunersiuisoqarfimmi qaammammullu sulianut qulinut taamungaannaq tigooqqaalluni misiliinernut tunngatillugu ikiuunneq.  Tamatikkartumik tigooqqaalluni misiliinerit tigoriaannaanissaasa isumaginissai sullissinermilu maligassaanissai.

  • Ingerlatsivimmi pisortamut politikkerinullu aningaasaqarnikkut kisitsisinik pingaarnernik suliaqarneq.

  • Inuussutissarsiornermut suliffeqarnermullu tunngasuni missingersuutit malinnaavigineqarnerat

  • Aningaasaqarneq pillugu nalunaarusiorneq.

  • Missingersuutinik nalunaarusiornermi aaqqissuussineq.

  • Ingerlatsivimmi pisortamut immikkoortortanullu aningaasaqarneq pillugu ilitsersuineq siunnersuinerlu.

  • Ingerlatsiviup pisortaa peqatigalugu pingaarnertut aningaasaqarnerup, naatsorsuutinik nalunaarsuinerup missingersuutillu akisussaaffiginissaat, taakkua ilagalugit aningaasarsiat, utertitassat pikkorissarnermilu ajunngitsorsiassat nalunaarsornerannut nalunaarusiornerit periutsillu qulakkeernissaat. Tamatuma kinguneraa ingerlatsiviup pisortaa peqatigalugu susassaqarfimmut tamarmiusumut aningaasaqarnerup, missingersuusiornerup eqqortumillu naatsorsuutinik nalunaarsuinerup qulakkeernissaa akisussaaffigissagakku.

  • Akiligassallit nalunaarsornissaat

  • Akiliussigallarnerit naligiissarnissaat

  • Kontuni aningaasaliissutit allanngutsaaliornissaat

  • Missingersuutinik kukkunersiuineq/nuussinissamut siunnersuusiorneq

  • Utertitat naatsorsukkat taakkulu kukkunersiornissaat

  • Naatsorsuutinik kontunilu nalunarsuinermi assigisaannilu suleqatit ikiornissaat

  •  

 

Nalinginnaasumik qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.  Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Atorfik pillugu paasissutissat sukumiinerusut pissariarineqarsinnaapput uunga saaffiginninnikkut: Kommune Kujallermi Inuussutissarsiornermut suliffeqarnermullu pisortaq Palle Frederiksen mail: pafr@kujalleq.gl imaluunniit oqarasuaat nr. 64 75 30.

                     


Kommnune Kujalleq

Sulisoqarnermut immikkoortortaq

Postbox 514

3920 Qaqortoq

job@kujalleq.gl

   

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq