airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqaat illuanni pisortaq

Utoqqaat illuanni pisortaq, Nanortalik
ALLAGARSIISSUTIGEQQITAQ

Kommune Kujalleq Nanortalimmi utoqqaat illuanni pisortamik 1. maj 2019 imaluunniit erseqqinnerusumik isumaqatigiissuteqarnikkut atorfinittussamik pissarsiorpoq.
Kingusinnerpaamik ulloq:
26. april 2019
Sumiiffik / immikkoortortaq:
Nanortalik
Ulloq sulilerfissaq:
1. maj 2019
Aningaasarsiat:
Isumaqatigiissutit atuuttut naapertorlugit

Utoqqaat illuat 30-inut inissaqarpoq. Angerlarsimaffimmi sulisut katillugit 32-upput.

 

Naatsorsuutigaarput:

  • Peqqinnissamut tunngasumik ilinniagaqartutit
  • Utaqqarnik innarluutilinnillu sullissinermi sulinikkut misilittagaqarluartutit
  • Puigortunngornermut tunngasunik ilisimasaqarsinnaavutit
  • Aqutsinermik misilittagaqarnissat
  • Suleqatiginninnissamut piginnaasaqarlutillu piumassuseqarnissat
  • Allannguerusussuseqarneq ineriartortitserusussuseqarnerlu
  • Aningaasaqarnikkut ilisimasaqarneq
  • Sulisut pitsaasumik suleqatigiikkusulersissinnaagitit, sulisunut ineqartunullu iluaqutaasussamik.
  • Politikkikkut aalajangiussanut tatiginnittuusutit

 

Ilinnut neqeroorutigisinnaasavut:

  • Utoqqaat illuat maanna nutarterneqarlunilu allilerneqarpoq.
  • Akisussaaffilimmik kiffaanngissuseqarneq
  • Sulisut piumassusillit ineriartuutaasumik suleqatigiinnissamik anguniagallit

 

Atorfinitsitsineq isumaqatigiissutit atuuttut malillugit ingerlanneqassaaq.  Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik. Inoqutigiit amerlassusiat naapertorlugu sulisunut inissaqartitsisoqarsinnaavoq, malittarisassallu atuuttut naapertorlugit ineqarnermut akiliisoqartassaaq. Soraaraani ini qimanneqassaaq.

 

Atorfik pillugu sukumiinerusumik paasisaqarumaguit attavigiuk pisortap tullia Dorthe Semsen tlf. 613038/613558 imaluunniit ingerlatsinermut pisortaq Helga Kleist mailadresse heke@kujalleq.gl tlf. 704100.

 

Qinnuteqaat pinerlussimannginnermut uppernarsaatitalik, ilinniagaqarnermut uppernasaatitalik, siornatigut suliffigisimasat, pisortamit oqaaseqaatit assigisaallu, ulloq 26. april 2019 nallertinnagu nassiunneqassapput uunga

 


Kommnune Kujalleq

Sulisoqarnermut immikkoortortaq

Postbox 514

3920 Qaqortoq

job@kujalleq.gl

   

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq