airplanebooksbriefcase business cogs cross election entertainment fish house law lockmedicalpeopleselfservices socialtax

Allattoqarfimmi aqutsisoq

Allattoqarfimmi aqutsisoq/Immikkoortortaqarfimmi aqutsisoq:

Kommune Kujalleq allattoqarfimmi aqutsisussamik juunip 1-ani 2019-imi imaluunniit isumaqatigiissut malillugu atorfinittussarsiorpoq.
Kingusinnerpaamik ulloq:
15. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

Allattoqarfimmi aqutsisup suliffia pisortaqarfimmi Qaqortumiittumi inissisimavoq.

 

Suliassat:

  • Kommunip pisortaqarfiani suliassat aqullugillu agguartaarisarneq
  • Kommunalbestyrelsip aningaasaqarnermullu ataatsimiititaliap ataatsimiinnissaannut piareersaasarneq
  • Politikkikkut oqaluuserisassanik suliassanik isumaginninneq
  • Qarasaasialerinermi aqutsineq
  • Nutserisoqarfimmi aqutsineq
  • Eqqiaasunik ataqatigiissaarineq
  • Allakkanik allanillu nalunaarsuineq allagaatinullu inississuineq
  • Qinersisitsinermi ataqatigiissaarineq (Folketingimut, Kommunalbestyrelsimut, nunaqarfinni aqutsisunut, ilagiit sinniisaannut kiisalu inunnik taasititsinernut)
  • Missingersuutinut/Ilanngussanut/Aningaasaliissutinullu akisisussaaneq aqutsinerlu kontunut ukununnga: 10,11,12,23 aamma 18
  • Naatsorsuuserinerit, naligiissaarinerit kontunullu allanullu kontuliinerit
  • Imigassaarniarsinnaanermut aaqqissuussinernilu imigassaarniarsinnaanermut akuersissutit
  • Atorfillit ullormusiaat qinikkanullu aningaasartuutit kontumi 11-miittut taakkulu naligiissarneri
  • Sulisut angalanissaannut pilersaarutit qinikkanullu aningaasartuutit kontumi 11-miittut isumagineri
  • Kommunimi katinneq
  • Suliffiup aaqqissugaanera naapertorlugu akisussaaffigisap iluani sulisussarsiortarneq
  • Akisussaaffigisap iluani sulisunut nalinginnaasumik paasissutissiisarneq
  • Kommune Kujallermi sillimmasiisarnermut akisussaaneq
  • Sulinermut atatillugu ajoqusersimanernut tunngatillugu suliassat
  • Ataatsimiiffissamik inniminniinerit
  • Allaffinni atortunik inniminniinerit aammalu utaqqiisaagallartumik inissiisarnerit
  • Innuttaasut 70-iniit qummut ukioqalerlutik akunnaalliliisut

 

Isumaqatigiissutit attuumassuteqartut naapertorlugit nalinginnaasumik akissarsiaqartitsisoqartarlunilu suliffimmi atugassaqartitsisoqartarpoq.

 

Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.

 

Inissaqartitsisoqarsinnaavoq malittarisassat qaqugukkulluunniit atuuttut malillugit qularnaveeqqusiissutinut / ineqarnermut akiliuteqarfigineqartartussamik. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfimmut tunngatillugu sukumiinerusumik paasisaqarusukkaanni pisortaanermut Kim Dahlimut sianertoqarsinnaavoq oqarasuaammut: +299 64 53 10 imaluunniit mailikkut: kida@kujalleq.gl 

 

Qinnuteqaat, pineqaatissinneqarsimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 15. maj 2019 kommunimit tiguneqareersimassapput, kommunillu mailianut nassiunneqassallutik:


 

Kommune Kujalleq

HR-afdeling

Postboks 514

3920 Qaqortoq.

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq