airplanebooksbriefcase business cogs cross election entertainment fish house law lockmedicalpeopleselfservices socialtax

HR-imi Controller

HR-ip immikkoortortaqarfiani Nakkutilliisussamik pissarsiorpoq:

Kommune Kujalleq-mi HR immikkoortortaqarfiani allaffissornikkut suliassanik aamma suliassanik ataqatigiissaarisussamik pissarsiorpoq 01. juni 2019 isumaqatigiissuteqarnikkulluunniit atorfinittussamik.
Kingusinnerpaamik ulloq:
1. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

HR aamma akissarsialerivik ataatsimoorlutik immikkoortoqatigiipput, HR-imilu atorfillit (sulisoqarnermut allaffik) tallimaallutik, tassaasut HR & akissarsialerivimmi pisortaq, Immikkoortortami aqutsisoq, inatsisileritooq, siunnersorti taavalu nakkutilliisoq (controller).

 

Suliassat:

  • Suliassanik suleriaatsinillu ingerlaavartumik misissuisarneq
  • Atorfinitsitaanermut isumaqatigiissutinik, sulisunik amerlassusiliinernik assigisaannillu nutarterisarneq.
  • Atorfininnermut isumaqatigiissutinik pioreersunik misissuineq
  • Paasissutissanik sulisut amerlassusilerneqarneranni pisariaqartunik katersuineq
  • Sulisut amerlassusiligaanerannik ingerlaavartumik nutarterisarneq.
  • Paasissutissanik katersineq ilisimasanillu siammaaneq.
  • Qaammammut sulilersut soraartullu nalunaarsuineq
  • Atorfinnik inuttassarsiuussinissanik suliaqarneq nittartakkamullu taakku ilineqartarnerat
  • Utaqqiisaasumik inigisanik atuinermik naatsorsuisarneq, skat-imullu nalunaarsuineq.
  • Akissarsiaqartitanik tamanik nalunaarsuisarneq ingerlatitseqqittarnerlu.
  • Kommunip ilinniartuinik, taakku suliassaannik ilinniarnerminnilu ingerlanernanik malinnaaviginninneq
  • APV
  • Sulisoqarnermi akissarsialerinermilu suliassat takkuttartut.

  

Qinnuteqartoq:

  • Ammasoq, ilakkuminartoq, suleqatiginnikkusuttoq suliassanillu nammineersuuteqartoq.
  • Sulisut allat peqatigalugit suleqatiginnikkusuttoq sungiussiassusilillu.
  • Qarasaasiat atorlugit word –og Excel sungiussisimasoq minnerunngitsumillu program-it alla atorlugu sungiussiasuuneq.
  • Kalaallit qallunaatullu oqaasilik, piumasaqaataananili.
  • Controller-isut atorfinitsitsisoqassaaq. Akissarsiat atorfeqarnermilu atugassarititaasut AK-p isumaqatigiissutai naapertorlugit pissapput. Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.

 

Inissaqartitsisoqarsinnaavoq malittarisassat qaqugukkulluunniit atuuttut malillugit Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Paasissutissat sukumiinerusut atorfimmut tunngasut paaserusukkaanni Kommune Kujallermi HR-imi immikkoortortami aqutsisoq Bruno Josefsen tlf. 64 53 14 imaluunniit e-mail-mut uunnga: brjo@kujalleq.gl saaffiginnittoqarsinnaavoq.

                     

Qinnuteqaat ilinniarsimanernut allagartat siornatigullu suliffigisimasat, ilinniarsimanernut uppernarsaatit, sulisitsisunit oqaaseqaatit il.il. kommunimeeriissapput kingusinnerpaamik 01. maj 2019 nassiunneqassallutillu uunnga:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq