airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutarsianut sullissisoq

Qaqortumi ilaqutarsianut sullissisisoq:

Kommune Kujallermi Meeqqanut Inuusuttunullu tunngasuni Qaqortumi immikkoortortaqarfik ilaqutarsianut pimoorussisunik sullissisunik/siunnersortinik marlunnik juunip aallaqqaataanni 2019-imi atorfinittussamik imaluunniit immikkut isumaqatigiinnikkut atorfinittussamik pissarsiorpoq.
Kingusinnerpaamik ulloq:
14. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

Suliassat:

  • Immikkoortortami atortussanik paasissutissanillu katersineq.
  • Ilaqutarsiassatut qinnuteqaatit piareersaavigineqartarnissaat.
  • Angajoqqaarsiassat akuerineqartarnissaannut/itigartinneqartarneqarnissaannut innersuussineq.
  • Kommunimi qulliunerusunut paasissutissiineq.
  • Ukiumoortumik iliuusissatut pilersaarutit suliarinissaat.
  • Iliuusissatut pilersaarutit aallartisarnissaat ataqatigiissaarnissaallu.
  • Iliuusissatut pilersaarutit nalilersortarnissaat.
  • Pilersaarusiat suliniutillu aallartisarnissaat ataqatigiissaarnissaallu.
  • Pilersaarusiat suiliniutilli nalilersornissaat.
  • Qaammatit pingasukkaarlugit ataatsimiititalianut susassaqarfiusunut, kommunalbestyrelsimut naalakkersuisoqarfinnullu killiffimmik nalunaarusiortarnissaq.
  • Susassaqarfimmut tunngatillugu qulliunerusut suleqatigissallugit.
  • Ilaqutarsianut tunngaviusumik pikkorissaaneq ilinniartitseqqinnerlu isumaginninnermut aqutsisoqarfik suleqatigalugu.
  • Ilaqutarsianik oqaloqatigiinnikkut oqilisaasarneq.
  • Meeqqanut inuusuttunullu angerlarsimaffiup avataanut inissinneqarsimasunut attaveqaataasinnaasunik pilersitsineq.

 

Qinnuteqaateqartunut naatsorsuutigisat:

  • Isumaginninnermut siunnersortitut assigisaanilluunniit ilinniagalik
  • Suliaqarnermik misilittagalik      
  • Meeqqanut ilaqutariinnullu tunngasunik annertuumik, kiisalu inatsisinut attuumassuteqarfigineqartunut ilisimasalik
  • Ilaqutariit ilungersuuteqartut inissiisarnerillu pillugit   suliaqarsimasoq/suleriaatsinik ilisimasalik

 

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat immikkuullarissunullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat
  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat
  • Arlalissuarnik suleqateqallaqqissuunissat
  • Qinnuteqartut marluinnik oqaasillit (kal/dk) atorfinitsinnissaat piumaneqarneruvoq.

 

Neqeroorutigaarput:
Suliffik pissanganartoq, imarisassaanik nammineq sunniuteqarfigineqarsinnaasoq, suliffeqarfimmilu angisuumi annertuumik akisussaassuseqarfiusoq.  Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq. 

 

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

 

Isumaqatigiissutit attuumassuteqartut naapertorlugit atorfinitsitsisoqassaaq.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfiit pillugit ersarinnerusumik paasisaqarusukkuit suliami pisortaq Nielsine Petersen attavigisinnaavat oqarasuaat una aqqutigalugu: +299 64 53 74 imaluunnit mailiatigut nipe@kujalleq.gl

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik maajip ulluisa 14-iat 2019 kommunimit tiguneqareersimassapput, kommunillu mailianut nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq