airplanebooksbriefcase business cogs cross election entertainment fish house law lockmedicalpeopleselfservices socialtax

Illoqarfimmi pilersaarusiortoq

Pilersaarusiornermut immikkoortortami pilersaarusiortartoq

Kommune Kujalleq Pilersaarusiortumik sulisussarsiorpoq 01. juni 2019 isumaqatigiissuteqarnikkulluunniit atorfinittussamik.
Kingusinnerpaamik ulloq:
24. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

Kommune Kujalleq, Kalaallit Nunaanni kommunit kujallersaat pilersaarusiortartumik kajumissusilimmik pissarsiorpoq. Kommunimiipput siornagut Qaqortup, Narsap Nanortallullu kommunerisimasaat, nunaqarfiit 11 kiisalu savaateqarfiit nunaleriviillu 37 - katillugit inuit 7.000 missigisaat. Ineriartorluarpugut massakkullu pilersaarusiornikkut suliassaqaqalutalu ilungersuutissaqarpugut. Pilersaarusiornermi periusissiaq, Nunaqarfinnut pilersaarut kiisalu Kommunimut pilersaarutip nutarterneqarnera nutaat maanna aallartinneqaqqammerput. Mittarfissaq pillugu Kommunimut pilersaarummut ilassutip suliarineqarnera maanna aallarnisarneqarpoq kiisalu kommunimi illoqarfiit pingasuusut eqqarsaatigalugit kommunimut pilersaarummut ilassutissat qassiialussuit suliassaraavut. Taamaammat Pilersaarusiornermut immikkoortortaq, Teknikkimut Avatangiisinullu Ingerlatsiviup ataaniittoq, pilersaarusiortartumik suli sulisuleqqinneqarpoq, taassumalu suliassai siammarsimassapput nunaqarfittavut pillugit pilersaarusiornerit annertunngitsuniit illoqarfiit pillugit pilersaarusianut ataqatigiissunut.

 

Suliassatit akisussaaffitillu pingaarnerit tassaassapput:

·         inuussutissarsiutinik, takornariartitsinermik pilersaarusiornermillu ineriartortitsinermi pilersaarusiornerit peqataaffigissallugit

·         suliassaqarfinni assigiinngitsuni Kommunimut pilersaarusiamut ilassutit (piffinnut pilersaarutit) suliarisassallugit

·         innuttaasut, entrepenørit, siunnersortit kiisalu Namminersorlutik Oqartussat oqaloqatigalugit paaseqatiginiartassallugit

·         suleqatitit suliat pillguit siammasissumik oqalliseqatigisassallugit

·         pilersaarusiornikkut suliassat aaqqinniarneranni pitsaasumik suleqataaneq

 

Ilinnut neqeroorutigisinnaasavut:

Ingerlatsivik siammasissunik sulisulik, tassa sulisut arfineq-sisamat suliatigut, ilinniakkatigut inuiaassutsikkullu assigiinngissitaartunik tunuliaqutallit. Sullivimmi upalaarfiugaluarluni taamaattoq eqqissisimaffiusumi toqqissisimaffiusumilu tamatta ingerlalluarpugut, tamatta tamatsinnut ajunngitsussaq ilungersuutigalugu, inussiarnerfigeqatigiilluta akaareqatigiillutalu.  Ingerlatsivik nammineq illutaqarpoq Qaqortup qeqqani kommunip allaffianut ungasinngitsumiittumik.

 

Suliatigut tunuliaquttatit:

  • Sanaartukkanik titartaasartutut, illoqarfimmik pilersaarusiortutut assigisaannilluunniit naleqquttumik ilinniagaqarsimasutit
  • kommunimi pilersaarusiornermik misilittagaqartutit aammalu politikkikkut suleriaatsit paasisimallugillu ilisimasaqarfigigitit
  • suliniutit assigiinngitsut qassiit namminersorlutit suliarisinnaagitit, tamatumanilu pilersaarusiat ataasiakkaat eqqarsaatigalugit inuttaasunik, soqutigisaqaqatigiinnik attuumassuteqartunillu allanik peqataatitsisarlutit
  • oqaloqatigininnermik aallaaveqartartutit, suliffiup iluani avataanilu kiisalu attaveqatigiinnut siammasinnerusunut suleqataasinnaallutit
  • suliamut tunngasut inuinnarnut ingerlateqqinnissaannik nuannariseqarlutillu pikkorissuusutit aammalu qarasaasiatigut atortorissaarutinik nalinginnaasunik atuisinnaasutit
  • kommunimut pilersaarummut ilassummi erseqqissumik paasineqartumillu allassinnaallutillu, assitalersuisinnaallutillu titartagartalersuisinnaasutit
  • atortorissaarutit GIS assigiinngitsut paasissutissanillu siammarterutit ilisimasaqarfigalugillu misilittagaqarfigigitit
  • nutaaliorsinnaasutit, peqqissaartuullutit, aaqqissugaasumik sulisarlutit nammineq suliannut aammalu immikkoortortaqarfiullu suliaanut ingerlasunut malinnaasinnaasutit
  • suliarisartakkavit avataatigut suliassanik tigusinissamut kajumissuseqartutit
  • qiimasuusutit aammalu suleqatit kulturikkut assigiinngitsunik tunuliaqutallit suleqatigilluarsinnaagitit
  • immaqa kissaativut tamakkerlugit naammassisinnaanngikkaluarlugit pisariaqarnerali naapertorlugu nutaanik piginnaasaqalernissamut kajumissuseqartutit
  • Innuttaasunut attaveqarneq eqqarsaatigalugu qinnuteqartut kalaallisut kiisalu danskisullu piginnaasaqarluartut salliutinneqassapput, tamatumalu saniatigut tuluttut oqaatsit qaffasissumik atorsinnaanissaat naatsorsuutigineqarpoq.

 

Atorfeqarnermi akissarsiatigullu atugassarititaasut:

  • Qinnuteqartup isumaqatigiissutai atuuttut naapertorlugit atorfeqartitsisoqarlunilu akissarsiaqartitsisoqassaaq.
  • Atorfimmut atatillugu inissaqartitsisoqarpoq, taamaattumik kommunip illuutaani attartortutut qularnaveeqqummut ineqarnermullu, atuinermut il. il. malittarisassat qaqugukkulluunniit atuuttut naapertorlugit akiliisoqartassaaq. Atorfininnerup nalaani atorfimmut atasumik inimik innersuussisoqarsinnaatinnagu sulisut atorfimmut atasumik ineqarnissaminnik tunineqarsinnaatitaasut utaqqiisaasumik ineqarnissaminnut neqeroorfigineqartassapput.
  • Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.
  • Atorfikinuttalerusunneqarpoq 1. juli 2019 imaluunniit erseqqinnerusumik isumaqatigiissuteqarnikkut. 24. maj 2019 qinnuteqarnissamut killigititaavoq
  • Sulisitsisoq: Kommune Kujalleq, 3950 Qaqortoq (Qaqortumi najugaqarlutillu suliffeqassaatit).

 

Attavissat:

Atorfik pillugu paasissutissat sukumiinerusut pissarsiarineqarsinnaapput Pilersaarusiornermut pisortaq Kirsten Ørnekoll Stenshøj (+299 645414) imaaluunniit E-mail: kirs@kujalleq.gl  atorlugu saaffigalugu.

 

Qinnuteqaat.

Qinnuteqaat CV-mik, ilinniagarisimasat pillugit paasissutissanik (soraarummeernermullu uppernarsaatinik) aammalu oqaaseqaatinik ilanngussartalik Sulisoqarnermut immikkoortortamit kingusinnerpaamik tallimanngorneq 19. maj 2019 tiguneqareersimassaaq:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq