airplanebooksbriefcase business cogs cross election entertainment fish house law lockmedicalpeopleselfservices socialtax

Kontorfuldmægtig

Teknikkeqarnermut Avatangiisinullu Ingerlatsivimmi aningaasaqarnermut innuttaasullu saaffiginnissutaannut fuldmægtigi

Kommune Kujallermi Teknikkeqarnermut Avatangiisinullu Ingerlatsivik aningaasaqarnermut innuttaasullu saaffiginnissutaannut fuldmægtigimik juunip aallaqqaataani 2019-imi imaluunniit isumaqatigiissuteqarnikkut atorfinittussamik pissarsiorpoq.
Kingusinnerpaamik ulloq:
24. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

Ingerlatsivik teknikkimut pisortamit siulersorneqartoq aqqanilinnik teknikereqarpoq pingasunillu allaffimmioqarluni.

 

Suliassat makku suliarisassavatit:

  • Kommunip silami suliassalerivianut aamma pilersuinermullu missingersuusiorneq.
  • Eqqagassalerinermut anartarfilerinermut paaviaanermullu akiliutinik aqutsineq
  • Silami suliassalerivimmi pilersuinermilu akiligassiisarnernik aqutsineq
  • Innuttaasut saaffiginnissutaannik suliaqarneq

 

Ilinnut piumasaqaatit:

  • Naleqquttumik ilinniagaqarsimassasutit ajornanngippallu suliassaqarfiit ilaat misilittagaqarfigissagitit.
  • Namminersorlutit aaqqissuulluakkamik sulisinnaassasutit.
  • Sullissiumatuujussasutit suleqatikkuminarlutit qiimasuullutillu.
  • Suliassat suliarinerini isumassarsiullaqqissusermik pitsaassusermillu takutitsisassasutit.
  • Qarasaasiakkut (iluarsaassutinik allassutinillu) atuisutut nalinginnaasutut atuisinnaassasutit.
  • Allannikkut oqalunnikkullu ersarissumik isummersinnaassasutit.

 

Ilinnut neqeroorutigisinnaasavut:

  • Kommunimi illoqarfitsigut annertuumik ineriartorfiusumi sulineq soqutiginartoq.
  • Suliffik pikkunartunik suliassaqarfiusoq.
  • Inuttut suliatigullu ineriartornissamut periarfissat pitsaasut.
  • Suleqatit suleqatigiinnerlu pitsaasut.
  • Kalaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.

 

Aningaasarsiat atorfeqartitaanermilu atugassarititaasut.

Naalakkersuisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Atorfimmut atasumik inissaqartitsisoqassaaq malittarisassat atuuttut malillugit sillimmatinut ineqarnermullu assigiinngitsunullu akiliuteqarfitgineqartartussamik.

 

Sulisunngortussap ilaqutaasalu atorfininnermut atatillugu angalanermut nutsernermullu aningaasartuutaat kommunimit isumagineqassapput.

 

Paasissutissat allat

Atorfik pillugu paasissutissanik sukumiinerusunik piniaruit sanaartornermut pisortamut Josef Kreutzmann-imut saaffiginnillutit pisinnaavatit. Oqarasuaat +299 64 54 05 imaluunniit mailimut uunga: jokr@kujalleq.gl.

 

Qinnuteqaat

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, innersuussutit il. il.  kingusinnerpaamik maajip 19-ianni 2019-imi kommunimut tunniunneqarsimassapput. Qinnuteqaat uunga nassiunneqassaaq:


Kommune Kujalleq

HR-afdeling

Postboks 514

3920 Qaqortoq.

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq