airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivik Angaju-mi Tullersorti

Qaqortoq Meeqqerivimmi “Angaju”-mi perorsaasutut ilinniarsimasunik tullersortissamik pissarsiorpugut.
ALLAGARSIUTEQQITAQ:

Perorsaasutut tullersortitut ilinniarsimasumik Qaqortumi amigaateqarpugut sulilersussaq 01. juni 2019 imaluunniit isumaqatigiissuteqarnikkut.
Kingusinnerpaamik ulloq:
15. maj 2019
Sumiiffik / immikkoortortaq:
Qaqortoq
Ulloq sulilerfissaq:
1. juni 2019
Aningaasarsiat:
Isumaqatigiissutit atuuttut naapertorlugit

Meeqqerivik akuleriit ”Angaju” meeqqanut  64-nut naatsorsuussaavoq 0-6 ukiulinnut.

Sulisoqarpoq katillugit 15-nik, taakkua iluanni pisortaq inissisimalluni, init sisamanut agguagaallutik, init marluk 0-3 ukiullit init tamarik 12-nik meeraaqqanik inissaqarluni, init marluk 3-6 ukiulinnut inissaqarlutik ini tamarmik 20-nik inissaqarluni.

 

Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik  pingaartitsisuullutik.

 

Qaqortoq illoqarfiuvoq eqqissisimasoq alutornartoq, ukiup ingerlanerani assigiinngitsunik sammisaqartitsiffiusarluni.

 

Illit perorsaasutut ilinniarsimasuullutit ”Angaju”-mi makkua akisussaaffigissavatit akisussaaffigissavatit:

  • Illup ingerlarnganik sutigut tamatigut nakkutiginninneq, taassuma iluani allaffissorneq
  • Illup siunertaanik malitsitsiniartoq
  • Inatsisartut inatsisaat nr 16, 3. dec 2012-meersoq pillugu suliniuteqarneq
  • Angajoqqaanik suleqateqarnermi eqqummaarissuuneq
  • Perorsaanilerinermik nakkutiginninneq, nutarsaajuarneq
  • Suleqatikkuminartoq, tarnikkut timikkullu nukittooq
  • Killiliisinnaasoq
  • Suleqatinik ataatsimoortitsisinnaasoq
  • Ajornartorsiutinik qaangiinissamik aqqutissiuisinnaasoq
  • Ulapaarfimmi ataatsikkoorussisinnaasoq
  • Aqutsinermik misilittagaqartoq
  • Meeqqanut asannittoq tunniussimasorlu

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Annertunerusumik paasisaqarusukkuit uunga saaffiginnissinnaavutit sianerlutit uunga: pisortaq Paninguak’ G. Motzfeldt telefon nr. 540121 imaluunniit e-mail angaju@kujalleq.gl

 

Qinnuteqaat kingusinnerpaamik Kommune Kujallermut tunniunneqariissaaq maajip ulluisa 15-at 2019.

 

Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq