airplanebooksbriefcase business cogs cross election entertainment fish house law lockmedicalpeopleselfservices socialtax

Fuldmægtig


Inuttut Atukkatigut Illersuinermut fuldmægtigi

Kommune Kujalliup isumaginnittoqarfiani inuttut atukkatigut illersuinermut fuldmægtigitut aggustip 1-ani 2019-imi atorfinittussarsiorpoq imaluunniit isumaqatigiinnikkut. Atorfinitsitsineq qaammatini pingasuni misiliutaassaaq.
Kingusinnerpaamik ulloq:
25. juni 2019
Sumiiffik / immikkoortortaq:
Qaqortoq
Ulloq sulilerfissaq:
5. juni 2019
Aningaasarsiat:
isumaqatigiissutit atuuttut naapertorlugit

Suliassat:

  • Missingersuutinik nalunaarsuineq, missingersuutinik nuutsiterineq/ilassutitut aningaasaliissutit.
  • Immikkoortoqarfimmi aqutsisoq peqatigalugu missingersuutinik naatsorsuutinillu piareersaanerit.
  • Inunnik isumaginnittoqarfimmi naatsorsuusiornermik ilitsersuineq.
  • Akiligassanik takkussuuttunik nalunaarsuinerit.
  • Ingerlatsinermi killiffinnilu ingerlaavartumik naatsorsuutit inernerisa nakkutigineri.
  • Aningaaserinermi naleqquttunngorsaanerit aqutsinerillu.
  • Isumaginnittoqarfimmi immikkoortoqarfinnut billettinik inniminniinerit.
  • Isumaginnittoqarfimmi immikkoortortani naatsorsuuserinerit.
  • Suliffiup avataani naatsorsuutit.
  • Suliffeqarfimmi periutsinik malittarisassanik ilitsersuinerit.
  • Naatsorsuuserinermi maleruagassat aamma kontunut inissitsiterinermi naapertuuttumik ingerlatsinerit.
  • Isumaginninnermut ataatsimiititaliami allatsiuneq.
  • Immikkut pisoqartillugu allatsitut atuunneq

 

Akisussaaffeqarfiit:

  • Missingersuutit aamma missingersuutit akuerisat atuiffigineqarnerisa nakkutigineri.
  • Missingersuutinik ataqatigiissaarineq.
  • Ilanngussanik misissuineq.
  • Suleriaatsinik ilisimaarinninneq.
  • Isumaginninnermut tunngasuni allaffissornerit.
  • Isumaginnittoqarfimmi tassanngaannartumik suliassanik assigiinngitsunik suliarinninneq.  

 

Naalakkersuisut aammalu Sulinermik Inuussutissarsiuteqartut Kattuffiata akornanni isumaqatigiissutit atuuttut aallaavigalugit atorfinitsinneqarneq aningaasarsiallu inissinneqassapput.

 

Atorfik pillugu sukumiinerusumik paasisaqarfigerusukkaanni suliaqarfimmi pisortaagallartoq Arnaaraq Dorph attavigineqarsinnaavoq uunga: oqarasuaat +299 64 53 72 imaluunniit e-mail ardo@kujalleq.gl.

 

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, innersuussutit il. il. kingusinnerpaamik juunip 25-anni 2019-imi kommunimut tunniunneqarsimassapput. Qinnuteqaat uunga nassiunneqassaaq:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq.

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq