airplanebooksbriefcase business cogs cross election entertainment fish house law lockmedicalpeopleselfservices socialtax

Nunaqarfinni ilinniartitsisut

Kommune Kujalleq nunaqarfinnut marlunnut ilinniartitsisussarsiorpoq

Atuarfik Napaartoq, Narsarsuaq kiisalu Atuarfik Anders Nielsen, Alluitsup Paa ilinniartitsisunik pissarsiorput 01. August 2019 isumaqatigiissuteqarnikkuullunni atorfinittussanik. Atorfik særlige åremålsvilkår malillugu aaqqissuussaavoq.
Kingusinnerpaamik ulloq:
21. juni 2019
Sumiiffik / immikkoortortaq:
Narsarsuaq & Alluitsup Paa
Ulloq sulilerfissaq:
1. august 2019
Aningaasarsiat:
Isumaqatigiissutit atuuttut naapertorlugit

Atuarfik Napaartoq, Narsarsuaq

Ilinniartitsisumik marlunnik pissarsiorpugut amigaatigineqarput.

 

Anders Nielsen-ip atuarfia Alluitsup Paa:

Ilinniartitsisoq ataaseq amigaatigineqarpoq.

 

Atorfininnermi atugassarititaasut

Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata,IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

 

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Kommune Kujalleq rigspolitiinut ´børneattest´-imik qinnuteqartumit akuersissuteqarluni piniassaaq, qinnuteqartorlu nammineq pinerliisimannginnermut uppernarsaamut politiinut piniassalluni.

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

 

Inissaqartitaaneq

Inissiamik neqeroorfigineqassaatit, ilaqutariit angissusaat apeqqutaatillugu annertussusilimmik.

 

Atorfiit Narsarsuarmiittoq Alluitsup Paaniittorlu pillugit annertunerusumik paasisaqarusukkuit saaffigissavat atuarfinnut siunnersorti Magdaline Geraae ,e-mail: mage@kujalleq.gl  oqarasuaat +299 61 41 46

 

Qinnuteqarnermut immersugassaq

Uagutsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

 

Qinnuteqarfissaq kingulleq tassaavoq tallimanngorneq 21.juni 2019. Qinnuteqaat atsioriigaq scannerlugu e-mailikkut uunga nassiunneqarsinnaavoq:


Kommune Kujalleq

Atuarfeqarnermut, Meeqqeriveqarnermut Nutaaliornermullu Ingerlatsivik

Postboks 166,

3922 Nanortalik

mage@kujalleq.gl

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq