airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasoq imaluunniit Isumaginninnermi ikiorti

Perorsaasumik aamma isumaginninnermi ikiortimik sulisussarsiorpoq.

Qaqortumi najugaqatigiiffik perorsaasumik ataatsimik kiialu isumaginninnermi ikiortimik ataatsimik assingusumilluunniit ilinniagalinnik pissariorpoq juulip ulluisa allaqqaataani 2019 aallarnerfigalugu isumaqatigiissuteqarnikkulluunniit.
Kingusinnerpaamik ulloq:
7. juni 2019
Sumiiffik / immikkoortortaq:
Qaqortoq
Ulloq sulilerfissaq:
1. juli 2019
Aningaasarsiat:
Isumaqatigiissutit atuuttut naapertorlugit

Qinnuteqartumut piumasaqaatit:

  • Isumaginninnermi tarnikkut nappaatilinnik sullissinerup tungaatigut misilittagalik.
  • Suliffimmi perorsaanerup tungaatigut sulineq sunneeqataaffigalugulu ineriartortitseqataaffigalugu.
  • Kajumissuseqarneq, nutaamik eqqarsarsinnaaneq eqeersimaarnerlu.
  • Piffissaq eqqorlugu suliartortarneq aalajaannerlu.
  • Avataani suleqatinut ammasuuneq.

 

Ilinnut neqeroorutigisinnaasavut:

  • Suliffik nuannersoq najugaqartunut atugassarititaasunik pitsaanerpaanik pilersitsinissamik qitiutitsisoq.
  • Suliffik nuannersoq sulisunut atugassarititaasunik ataatsimoorussamik akisussaaffeqarfiusoq.
  • Sulinermi atugassarititaasut illit misilittakkannik atuiffiusinnaasut.
  • Sapaatip akunneranut akunnerit 40-t suliffiusassapput, ullukkut unnukkullu suliffiit nikerartarlutik kiisalu weekendit allortarlugit suliffigineqartassallutik.

 

Akissarsiat atorfimmilu atugassat isumaqatigiissutit naapertorlugit pissapput.

 

Atorfik pillugu paasissutissat sukumiinerusut suliassaqarfimmi immikkoortortami aqutsisumut     Bea K. Nielsen-mut pissarsiarineqarsinnaapput, oqarasuaammut uunga sianernikkut: 642018 – mobil: 493887 imaluunniit mailikkut uunga allagaqarnikkut: bekn@kujalleq.gl

 

Qinnuteqaat, pinerluuteqarsimannginnermut uppernarsaatitalik, ilinniagarisimasat suliffigisimasallu pillugit paasissutissartalik, ilinniarnermut uppernarsaatinik kiisalu qanoq sivisutigisumik sulisinermut takussutissartalik allaffeqarfimmiit tiguneqareersimassaaq kingusinnerpaamik juunip ulluisa arfineq aappaat  2019 uungalu nassiunneqassalluni:


Kommune Kujalleq
HR-afdeling
Postboks 514
3920 Qaqortoq
job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq