airplanebooksbriefcase business cogs cross election entertainment fish house law lockmedicalpeopleselfservices socialtax

"Ulluaqqani" tapersersorti

Najugaqarfik ”Ulluaqqat” Nanortalimmiittoq tapersersortissarsiorpoq.
ALLAGARSIUTEQQITAQ:

Atorfininneq juliip 1-ani 2019-imi tamatumaluunniit kingorna piaarnerpaamik pissaaq.

Kingusinnerpaamik ulloq:
14. juni 2019
Sumiiffik / immikkoortortaq:
Nanortalik
Ulloq sulilerfissaq:
1. juli 2019
Aningaasarsiat:
Isumaqatigiissutit atuuttut naapertorlugit

Nanortalimmi najugaqatigiiffik "Ulluaqqat" tapersersortimik aalajangersimasumik atorfinittussamik pissarsiorpoq.

 

Tapersersortitut imaluunniit isumginninnermi ikiortitut ilinniarsimasuussaatit.

 

Qinnuteqartumut piumasaqaatit

  • Isumaginninnermi tarnikkut nappaatilinnik sullissinerup tungaatigut misilittagalik.
  • Suliffimmi perorsaanerup tungaatigut sulineq sunneeqataaffigalugulu ineriartortitseqataaffigalugu.
  • Kajumissuseqarneq, nutaamik eqqarsarsinnaaneq eqeersimaarnerlu.
  • Piffissaq eqqorlugu suliartortarneq aalajaannerlu.
  • Avataani suleqatinut ammasuuneq.

 

Ilinnut neqeroorutigisinnaasavut:

  • Najugaqarfik nuannersoq najugaqartunut atugassarititaasunik pitsaanerpaanik pilersitsinissamik qitiutitsisoq.
  • Najugaqarfik nuannersoq sulisunut atugassarititaasunik ataatsimoorussamik akisussaaffeqarfiusoq.
  • Sulinermi atugassarititaasut illit misilittakkannik atuiffiusinnaasut.
  • Sapaatip akunneranut akunnerit 40-it suliffiussapput, ullukkut unnukkullu suliffiit nikerartarlutik kiisalu sapaatip akunnerisa naaneri allortarlugit nalliuttunilu suliffigineqartassallutik.

 

Akissarsiat atorfinitsitaanermullu tunngatillugu isumatigiissutit atuuttut najoqqutarineqassapput.

 

Atorfik pillugu paasissutissat sukumiinerusut suliassaqarfimmi immikkoortortami aqutsisumut Joan Gyllichimut pissarsiarineqarsinnaapput, oqarasuaammut uunga sianernikkut: 61 41 29 imaluunniit mailikkut uunga allagaqarnikkut: jogl@kujalleq.gl

 

Qinnuteqaat, pinerluuteqarsimannginnermut uppernarsaatitalik, ilinniagarisimasat suliffigisimasallu pillugit paasissutissartalik, ilinniarnermut uppernarsaatinik kiisalu qanoq sivisutigisumik sulisinermut takussutissartalik allaffeqarfimmiit tiguneqareersimassaaq kingusinnerpaamik juniip 14-anni 2019 uungalu nassiunneqassalluni:


Kommune Kujalleq
HR-afdeling

Postboks 514
3920 Qaqortoq
job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq