airplanebooksbriefcase business cogs cross election entertainment fish house law lockmedicalpeopleselfservices socialtax

Atuarfinnut Siunnersorti

Kommune Kujalleq atuarfinnut siunnersortimik pissarsiorpq

Aggustip aallaqqaataanut 2019, imaluunniit isumaqatigiissuteqarnikkut, Kommune Kujalliup Atuarfeqarnermut, meeqqeriveqarnermut nutaaliornermullu Ingerlatsivia atuarfinnut siunnersortip aappassaanik pissarsiorpoq.
Kingusinnerpaamik ulloq:
9. juli 2019
Sumiiffik / immikkoortortaq:
Qaqortoq
Ulloq sulilerfissaq:
1. august 2019
Aningaasarsiat:
Isumaqatigiissutit atuuttut naapertorlugit

Ingerlatsivik atuarfinnut siunnersortimik, ullumikkut siunnersortip pioreersup aappaatut.

 

Atuarfinnut siunnersortit marlunngortussat tamarmik ingerlatsiviup pisortaanik qullersaqarput.

 

Inissisimaffia: Kommune Kujalleq, Atuarfeqarnermut, Meeqqeriveqarnermut Nutaaliornermullu Ingerlatsivik, Augo Lyngep aqqutaa B 1262, 3920 Qaqortoq.

 

Pisortarisassaq: Atuarfeqarnermut, meeqqeriveqarnermut nutaaliornermullu ingerlatsivimmi pisortaq.  

 

Suliassat:

Atuarfinnut siunnersorti suleqatigiinnut ingerlatsivimmi pisortamit, atuarfinnut siunnersortimit, pamersaanermi siunnersortimit allaffimmiumillu inuttalimmut akuusussaavoq. Suliassaq pingaarneq tassaavoq ingerlatsivimmi sulisut suleqatigalugit, kommunimilu atuarfinnit pisortat MISI/PPR-ilu suleqatigalugit kommunip iluani atuarfeqarfimmi suliniutit ataqatigiissaarnissaat.

 

Atuarfinnut siunnersortit marluk suliassaat ataani allassimasut malillugit aaqqinneqassapput, taakkulu marluk akornanni agguataarneqarumaarlutik.

 

Atuarfinnut siunnersortip suliarissavai:

  • Kommunimi atuarfeqarfiup nakkutiginissaa.
  • Nunaqarfinni atuarfiit savaateqarfinnilu atuartitsinerup nakkutigineqarnerisa sullinneqarnerisalu ataqatigiissaarnissaat.
  • Kommunimi atuarfinni pisortat allaffissornikkut isumagisassanut tunngasunik siunnersortarlugit, soorlu nalunaaquttap akunnerisa atuartitsivissat pilersaarusiornerinut, ukiup atuarfiusup pilersaarusiornera, aningaasarsianik nalunaaruteqartarneq, oktoberimi nalunaarusiortarneq il.il.
  • Atuarfinni pisortat suleqatigalugit kommunimi ilinniartitsisut pikkorissartarnerinut pilersaarusiortarnissaq.
  • Kommunemi atuarfinni ipadinik atuinerup ingerlanneqarnera akisussaaffigissavaa ipad-ilerisut suleqatigalugit.
  • Kommunimi atuarfeqarfiup ingerlanneqarneranut missingersuusiornermik ingerlatsineq.

 

Qinnuteqartunut piumasaqaatit:

  • Ilinniartitsisutut ilinniarsimanissaq
  • Atuarfeqarfimmi pisortatut misilittagaqarneq (pisortaq, pisortap tullia assingusumilluunniit)
  • Allaffissornikkut aqutsinermik misilittagaqarneq
  • Inerisaanissamik soqutigisaqarneq
  • Suligasuarsinnaasoq.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfik IMAK-imi isumaqatigiissutit § 13 meeqqat atuarfiinni il.il. klassiliisarnermut isumaqatigiissut 27. August 2014 inissinneqassaaq, aningaasarsiat inissisimaffianni 36-mi, skalatrin 49-mi, ukiumoortunik immikkut tapisiaqartinneqassalluni kr. 40.630,00 kiisalu kr. 11.080,00.

 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.  Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Suliamut annertunerusumik paasisaqarusukkuit, Atuarfeqarnermut, Meeqqeriveqarnermut Nutaaliornermullu Ingerlatsivimmi pisortaq attavigisinnaavat Dorthe Bidstrup e-mail: dobi@kujalleq.gl imaluunniit toqqaannartoq +299 64 54 34, mobiltelefon +299 53 98 59.

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.i. kommunimut tunniunneqariissapput kingusinnerpaamik juulip ulluisa 9-iat 2019 uunga:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq