airplanebooksbriefcase business cogs cross election entertainment fish house law lockmedicalpeopleselfservices socialtax

Ilinniartitsisoq

Kommune Kujalleq Qaqortumi atorfeqartussanik
ilinniartitsisussarsiorpoq

Kommune Kujalleq Qaqortumi ilinniartitsisunik marlunnik pissarsiorpoq, ilinniartitsisup aappaa familieklasse-mi aappaalu 3. klasseni atuartitsisussat. 1.august 2019 imalt. isumaqatigiissuteqarnikkut atorfinittussanik pissarsiorpugut.
Kingusinnerpaamik ulloq:
19. juli 2019
Sumiiffik / immikkoortortaq:
Qaqortoq
Ulloq sulilerfissaq:
1. august 2019
Aningaasarsiat:
Isumaqatigiissutit atuuttut naapertorlugit

Tasersuup Atuarfia 

Tasersuup Atuarfia  419-inik atuartoqarpoq, atuartitsisartullu 53-it, atuarfiup pisortai ilanngullugu. Tasersuup Atuarfia avatangiisigissaartumiippoq. Atuarfimmi init atuartitsiviusut atortorissaarput soorlu whiteboard aammalu iPad-it.  

 

Qinnuteqaateqartunut naatsersuutigisagut: 

  • Ilinniartitsisutut ilinniarsimasuunnissaq kiisalu familieklassemi ilinniartitsisutut misilittagalimmik
  • Atuartunut angajoqqaanullu pitsaasumik attaveqarsinnaasoq suleqateqarsinnaasorlu
  • Atuartitsinermut aqutsillaqqissoq kiisalu suleqatigiligassaminut suleqateqallaqqissoq

 

Suleqataalerusukkuit atuartut ilikkarusussusillit sullitissavatit, suleqatillu qiimmasut ineriartornissamut tikkuuseqataasut, inuiaqatigiit ineriartorneri ilutigalugit. Atuarfipput inuttut piginnaanertussutsit 24-vit atorlugit ingerlatsileruttorpoq (24 styrker), taannalu aallaavigalugu annermik atuartut ilikkarusussussaannik piginnaassaannik angajoqqaat peqatigalugit ingerlanneqartartussaassalluni. Saniatigut atuarfipput nunaqarfiit savaateqarfiillu sullippai, taakkulu aamma atuarneri nakkutigisaralugit suleqataaffigivai. Atuartut angerlarsimaffiat Tasersuup Atuarfiata aqutaraa, taamatuttaaq atuareernerup kingorna ornittagaq atuarfimmut aamma atasoq qanimut suleqatigalugu.

 

Tasersuup atuarfiani immikkut atuarfeqartiterpoq soorlu tungujortuaraq, tungujortuaqqami aamma sulisut suleqatigalugit immikkut pisariaqartitsisut atuartinneqartarlutik. Tasersuup atuarfia atuarfiup avataanit suleqateqarneq ammaffigalugulu suleqatigilluartarpai.  

 

Atorfiit Qaqortumiittut pillugu annertunerusumik paasisaqarusukkuit saaffigissavat atuarfimmi pisortaaneq Sarah Rødgaard, e-mail: saro@kujalleq.gl  oqarasuaat +299 645034

 

Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit:

AMN- Ingerlatsivimmi atuarfinnut siunnersorti Magdaline Geraae, e-mail: mage@kujalleq.gl, oqarasuaat +299 61 41 46 toqqaannartoq, imaluunniit angallattagaq +229 55 01 93

 

Atorfininnermi atugassarititaasut

Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata,IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

 

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Kommune Kujalleq rigspolitiinut ´børneattest´-imik qinnuteqartumit akuersissuteqarluni piniassaaq, qinnuteqartorlu nammineq pinerliisimannginnermut uppernarsaamut politiinut piniassalluni.

 

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

 

Inissaqartitaaneq

Inissiamik neqeroorfigineqassaatit, ilaqutariit angissusaat apeqqutaatillugu annertussusilimmik.

 

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

 

Qinnuteqaat atsioriigaq scannerlugu e-mailikkut uunga nassiunneqarsinnaavoq Qinnuteqarfissaq kingulleq   19. juli 2019:


Kommune Kujalleq

Atuarfeqarnermut Ingerlatsivik

Postboks 166

3922 Nanortlik

mage@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq