airplanebooksbriefcase business cogs cross election entertainment fish house law lockmedicalpeopleselfservices socialtax

Kontorfuldmægtig

Kommune Kujalleq akissarsialerivimmi Qaqortumiittumi fuldmægtigissarsiorpoq:

Kommune Kujalliup akissarsialerivianut fuldmægtigitut aggustip aallattaaqaani 2019-imi atorfinittussarsiorpoq imaluunniit isumaqatigiinnikkut.
Kingusinnerpaamik ulloq:
18. juli 2019
Sumiiffik / immikkoortortaq:
Qaqortoq
Ulloq sulilerfissaq:
1. august 2019
Aningaasarsiat:
Isumaqatigiissutit atuuttut naapertorlugit

Akissarsialerivik HR –og Akissarsialerivimmi immikkoortortaqarfik ilaavoq.

 

Aallaqqaammut suliassat makkuussapput:

  • Akissarsianut tunngasutigut immikkoortortanut allanut siunnersuisarneq
  • Qaammammusiat ullullu 14-ermusiat nakkutigineqarnerannut peqataaneq
  • Qaammammusiat ullullu 14-musiat pillugit nalunaarutinik tigusineq suliaqarnerlu
  • Akileraarutinik A-inik inissitsiterineq oqimaaqatigiissitsinerlu
  • Ulluinnarni suliassat akissarsianut tunngasortaannik suliaqarneq
  • Feeriarneq pillugu naatsorsuutit
  • Toqqorterineq
  • Kontut assigiinngitsut oqimaaqatigiissinneqarnissaannut uppernarsaatitaasalu nakkutigineqarnissaannut akisussaaneq
  • Pikkorissarnernut, ilinniaqqinnernut suliamullu tunngasutigut allatigut sammisaqarnermut peqataaneq

 

Atorfimmit assingusumit misigilittagaqarneq aammalu EDB-mut aammalu KMD-ip akissarsialerissutaanut ilisimasaqarnissaq naatsorsuutigineqarpoq.

 

SIK/HK-ip aammalu Kalaallit Nunaanni Naalakkersuisut akornanni isumaqatigiissutit naapertorlugit fuldmægtigitut akissarsiaqartitsisoqassaaq.

 

Atorfimmut atasumik inissaqartitsisoqanngilaq.

 

Paasissutissat sukumiinerusut Immikkoortortap pisortaanut Keernaki Kleist kekl@kujalleq.gl tlf. 64 53 47 pissarsiarineqarsinnaapput.

 

Qinnuteqaatit kingusinnerpaamik 18. juli 2019, Kommune Kujallermit tiguneqareersimassapput. Qinnuteqaatit soraarummeernermut uppernarsaatinik, oqaaseqaatinik allanillu ilallugit uunga nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq