airplanebooksbriefcase business cogs cross election entertainment fish house law lockmedicalpeopleselfservices socialtax

Qaqortumi Katersugaasiviup pisortaa


Kommune Kujalleq Qaqortumi katersugaasivimmut pisortassarsiorpoq

Kultureqarnermut Ingerlatsiviup ataani Qaqortumi Katersugaasiviup pisortassarsiorpugut, ulloq 01. august 2019-imi imaluunniit isumaqatigiissuteqarnikkut atorfiniffissaq.
Kingusinnerpaamik ulloq:
28. juli 2019
Sumiiffik / immikkoortortaq:
Qaqortoq
Ulloq sulilerfissaq:
1. august 2019
Aningaasarsiat:
Isumaqatigiissutit atuuttut naapertorlugit

Atorfik Qaqortup katersugaasiviani kommunip katersugaasiviatut atuuttumi inissisimavoq, matumanilu Kalaallit Nunaanni kulturikkut kingornutassianik nalunaarsuineq, katersineq, eriaginninneq, misissuineq paasititsiniaanerlu siunertarineqarput, kulturikkut ineriartornermik pinngortitallu oqaluttuarisaaneranik, pingaartumik Kalaallit Nunaata kujataata oqaluttuarisaaneranik ersarissaanissaq sulissutigineqarluni.  Katersugaasiveqarneq pillugu Inatsisartut inatsisaat nr. 8, 3. juni 2015-imeersoq

 

Naatsorsuutigaarput:

  • Pingaarnertut katersugaasivimmi suliassatigut allaffissornikkullu akisussaaffeqarneq.
  • Pisortaq suliniutinik nutaanik pilersitsillaqqissoq
  • Pisortaq ersarissumik aqutseriaasilik aaliangiussamillu malinnissinnaasoq
  • Katersugaasiveqarneq pillugu ilisimasaqarluartoq
  • Atorfimmut attuumassutilimmik ilinniagaqarlunilu misilittagalik
  • Kalaallit Nunaata, pingaartumik kujataata, oqaluttuarisaaneranik itsarsuarlu oqaluttuarisaaneranik ilisimasalik.
  • Oqaluttuarisaanermik ilisimasassarsiorsinnaasoq kiisalu allakkatigut oqaatsitigullu paasissutissiisinnaasoq
  • Suleqatigiinnissamut piginnaasaqarluartoq.

 

Neqeroorutigaarput:

  • Suliffik persuarsiorpalaanngitsoq ulluinnarnilu ulapaarnissamut sinaakkutissartaqarluartoq
  • Suliffik namminersorfiusoq suleqatit sulisullu qanimut suleqatiginerisigut pisinnaasanik nittarsaassiffiulluarsinnaasoq
  • Suliffik qaangerniagassartaqarlunilu akimmiffissartalik

 

Qinnuteqartup isumagaqatigiissuteqarfigisai naapertorlugit atorfinitsitsinermi atugassarititaasut akissarsiallu ingerlanneqassapput.

 

Atorfimmut atatillugu inissiamik innersuussassaqarpoq piumasaqaatit atuuttut naapertorlugit akilerneqartartussaq.

 

Atorfininnermut tunngatillugu angalanerit pequtillu angallannissaanut malittarisassat atuuttut naapertorlugit akiliunneqartussaapput.

 

Paasissutissat sukumiinerusut Nanortalimmi imaluunniit Narsami katersugaasiviit pisortaannut attaveqarnikkut pissarsiarineqarsinnaapput:

 

Qinnuteqaat soraarummeersimanermut uppernarsaatitalik, siornatigut suliffigisimasanik paasissutissartalik oqaaseqaatitalillu, kingusinnerpaamik ulloq juulip 28-ani 2019 Kommune Kujallermit tiguneqareersimassaaq.  Uunga nassiullugu:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq