airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
11. oktober 2019
Ulloq sulilerfissaq:
1. november 2019

Nunaminertat pillugit sullissisoq Qaqortumi Teknikkimut Avatangiisinullu Ingerlatsivik

Kommune Kujalleq, kujataata kommunia kommuniuvoq ineriartorfiusoq Teknikkimut Avatangiisinullu Ingerlatsivimmi pitsaasumik sullissinissaq nutaaliornissarlu qitiutipparput. Ulapaarpugut ineriartornissamut alliartornissamullu nunaminertanik nutaanik pilersitsisoqartussaammat. Atorfik Qaqortumiippoq, taanna kommunimi illoqarfiit uku akornanni Nanortalik, Narsaq aamma Qaqortoq anginersaavoq. Saniatigut kommune 11-nik nunaqarfeqarpoq, 36-nik savaateqarfeqarlunilu nunaateqarfeqarpoq. Nunamik annertuumik tunuliaqutaqarpugut pinngortitarsuaq kusanartorsuuvoq taanna innutaasunit takornarianillu piniarnernut, asiarnernut, feriarnernut, pisuttuarnernut kiisalu sunngiffimmi pinialunnernut atorneqartarpoq.

 

Akisussaaffiit suliassallu.

  • Innutaasut saaffiginnissutaanik tigooraaneq aamma qinnuteqarnermi immersugassanut tunngatillugu ilitsersuineq
  • Pilersaarusiornermut pisortaq, immikkoortortaqarfimmi suliassaqarfiit allat aamma sulisut qanimut suleqatigalugit nunaminertat pillugit suliaqarneq aamma ataqatigiissaarineq
  • Nunaminertat pillugit qinnuteqaatinik misissuineq naammassinikunillu nakkutilliineq aamma malitseqartitsineq
  • Nanortalimmi Narsamilu Teknikkimut Ingerlatsiviit allat suleqatigalugit toqqorsivinnik tigussaasumik digitaliusunillu aaqqissuineq aamma ineriartortitsineq
  • Immikkoortortaqarfiit allat, innuttaasut aamma inuussutissarsiortut suliassaqarfiit akimorlugit suleqatigalugit

 

Pisinnaasat

  • Bygningsingeniøritut, illussanik titartaasartutut assigisaannilluunniit ilinniagaqartuussasutit
  • Politikkikkut aqunneqartumik suliffeqarfimmi sulinermik ilisimasaqarlutillu misilittagaqassasutit.
  • Inissitsiterilluartuussasutit aaqqissuilluartuussasutit, peqqissaarneq nuannarivat aamma sunniuteqarluartumik suliassanik suliaqarsinnaavutit
  • Suliannut inunnullu nalilersuisinnaasutit, ataatsimullu isiginnillutit pullaveqarsinnaasutit
  • Kalaallisut danskisullu oqalunnikkut allattariarsornikkullu erseqqissuliullaqqissuuvutit
  • Qarasaasialerinermut piginnaaneqassasutit aamma Office pakken-imut, NunaGIS-imut aamma ArcGIS-imut nalunngisaqassasutit.
  • Nunaminertanik pilersaarusiornermut ilisimasannik ineriartortitsinissamik aallussissasutit, taava nuna tamakkerlugu nunaminertanik pilersaarusiortartunut peqataalissaatit, tamanna kommunit tamarmik nunaminertanik pilersaarusiortarfii sinnerlugit pissaaq
  • Pingaaruteqarpoq kalaallisut oqaaseqartuunissat (aamma qallunaatut) innutaasunit saaffiginnissutit amerlanersaat kalaallisut pisarmata

 

Teknikkimut Ingerlatsivimmi kajumissuseq, akisussaaqataaneq, ataatsimoorneq, pisinnaasatigut ineriartortitseqatigiinneq aamma oqaloqatigiinneq pingaartipparput. Illup iluani avataanilu suleqatigiinnissamut naatsorsuutigisatsinnut pingaartitagut pingaaruteqarput.

Qulaani suliassat saniatigut ingerlatsiviup suliassaqarfiisa assigiingitsut iluanni ataavartumik suliniuteqarnernut ilaatinneqartassaatit. Taammaattumik suleqatinik, innutaasunik aamma inuussutissarsiortunik pitsaasumik, inussiarnertumik aamma sunniuteqarluartumik suleqateqarsinnaaneq pingaarteqaarput.

 

Akissarsiat atorfeqartitaanermilu atugassarititaasut:

Akissarsianut atorfinitsitaanermilu atugassarititaasut, matumani pequtinik assartuineq ilanngullugu, Naalakkersuisut pineqartullu isumaqatiginninniarsinnaatitaalluni kattuffiata akornanni isumaqatigiissutit atuuttut malillugit inissinneqassapput.

 

Inissamik innersuussisoqarsinnaavoq malittarisassat atuuttut malillugit aallaqqaasiutissatut akiliut aamma ineqarnermut akiliut akilerneqassapput.

 

1.November atorfininneq imaluunniit isumaqatigiissuteqarnikkut pissaaq.

 

Atorfik pillugu sukumiinerusumik paasissutissanik pissarserusukkuit saaffiginnigit uunga:

Pilersaarusiornermut pisortaq Kirsten Ørnekoll Stenshøj, +299 645414, kirs@kujalleq.gl imaluunniit

Ingerlatsivimmi pisortaq Mike Kristiansen, +299 645400, mikr@kujalleq.gl

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2019-imi oktoberip 11-ani tigoreersimassavarput

Kommune Kujalleq

Sulisoqarnermut Allaffeqarfik

Postboks 514

3920 Qaqortoq

E-mail: job@kujalleq.gl

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq