airplanebooksbriefcase business cogs cross election entertainment fish house law lockmedicalpeopleselfservices socialtax

Katersugaasivimmi angallassisartoq-Katersugaasivilerisoq

Illit tassaassaatit isertutta naapittagaat siulleq. Oqaluttuannguit, ilitsersuinerit pitsaasumillu sullissineq atorlugu isertuvut misigisaqartissavatit, eqqaamasassillugit sulilu allanik tunillugit. Tamatuma saniatigut katersugaasiviup ingerlanneqarneranut peqataassaatit.
Kingusinnerpaamik ulloq:
27. november 2019
Sumiiffik / immikkoortortaq:
Qaqortoq
Ulloq sulilerfissaq:
1. december 2019
Aningaasarsiat:
Isumaqatigiissutit atuuttut naapertorlugit

Suliassat

  • Isertunik sullissineq, billetsinik tuniniaaneq aammalu katersugaasiviup ammanerani pisiniarfilerineq
  • Katersugaasivimmik ammaaneq matusinerlu
  • Katersugaasiviup oqaluttuassartaanik, saqqummersitanik kiisalu nunatta aammalu Qaqortup oqaluttuassartaanik saqqummiisarneq
  • Katersugaasivimmi suliassat illit piginnaaninnut naleqquttut
  • Katersugaasivinni angalaartarneq, tassa tillinnianik, ikuallannernik aserorterinernillu pinaveersaartitsineq
  • Ammmasarfiit nalinginnaasut avataatigut aaqqissuussinernut ikiuuttarneq
  • Suliassat suugaluit, assigiinngitsutigut teknikkikkullu ikiuunneq

 

Naatsorsuutigaarput

  • Oqaatsit: Kalaallisut aamma danskisut pikkorissoq. Tuluttut tyskisulluunniit pisinnaasoq
  • Akisussaassusilik, eqarisaatsoq suliartortuartartorlu
  • Oqaluttuarisaanermik soqutigisalik, ammasoq aammalu inuttut naalattarialik
  • Sapaammi sulisinnaasoq
  • Takornariutit tikinneranni nuannersumik sivisunerusumillu sulinissamut piareersimasoq (juli-september)

 

Atorfiit marluupput. Atorfinni tamani sapaatit akunnerannut akunneri 15-20 suliffiusassapput. SIK-p isumaqatigiissutai naapertorlugit akissarsiaqartitsisoqassaaq. Atorfinnut atatillugu inigisassanik innersuussisoqarsinnaanngilaq. Atorfiit ilinniagaqartuutut atorfiunngillat. Meeqqanik sullissisinnaanermut pinerlussimannginnermullu uppernarsaat pissarsiarineqarsinnaavoq.

 

QINNUTEQARNISSAMUT KILLIGITITAQ 27. NOVEMBER 2019
Oqaloqatiginninnerit ingerlaavartumik pisassapput. Atorfininnissaq piaarnerpaamik pissaaq.

 

 

Paasissutissat allat

Qaqortumi katersugaasiviup pisortaa Dan Ullerup oqarasuaat 520982 imaluunniit qamu@kujalleq.gl

Qinnuteqaatit kiisalu CV tassunga nassiunneqassapput: qamu@kujalleq.gl

Taarsiullugu katersugaasiviup pisortaa Dan Ullerup naapinneqarsinnaavoq ulluni 22/11, 25/11 imaluunniit 26/11 kl. 13-16 Qaqortup katersugaasiviani (Katersugaasivik anneq).

 

Qaqortup Katersugaasivia immikkoortui tassaapput illutaq pingaarneq, qallunaatsiaanik katersugaasivit kiisalu nalunaarasuartaateqarnikkut katersugaasivik.
Nalinginnaasumik ammasarfiit nal. 13-16: Marlunngorneq, sisamanngorneq kiisalu sapaat 1/9-30/6. Marlunngorneq - tallimanngorneq kiisalu sapaat 1/6-31/8.


 

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq