airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
24. november 2019
Ulloq sulilerfissaq:
1. januar 2020

Qaqortumi Kulturimut sunngiffummullu aqutsisup qullersaraa ingerlatsivimmi pisortaq, Qaqortumi inissisimasoq.

 

Pingaarnertut suliassat:

  • Qaqortumi nunaqarfiinilu meeqqanut, inuusuttunut inersimasunullu sunngiffimmi atuartitsineq piareersarlugulu nakkutiginera
  • Inuusuttut sukisaarsartarfiat, katersugaasivik atuakkanillu atorniartarfik nakkutigalugu
  • Suliassaqarfinni qulaani taaneqartuni aqutsisutut atorfinitsitassanik inassuteqaateqarneq, aammalu taakkununnga qaninnerpaatut qullersaaneq.
  • Sunngiffimmi ilinniartitsisunik atorfinitsitsinerit.
  • Qaqortumi eqqaanilu sunngiffeqarnermut, kulturimut, innuttaasunullu paasissutissiisarnermut tunngasunik pilersaarusiorneq ingerlatsinerlu.
  • Sapaatit akunnerinik kulturisiorfinnik inuiattullu ullorsiorfinnik, kiisalu ulluni immikkuullarissuni pilersaarusiorneq ingerlatsinerlu.
  • Kulturikkut qaammarsaanikkullu aaqqissuussanut akisussaasutut pilersaarusiorneq ingerlatsinerlu
  • Peqatigiiffilerineq kajumissutsimillu suliaqarneq siuarsarlugu, timersornerup allatullu kulturilerinerup peqatigiiffeqarnerup iluani.
  • Peqatigiiffinnik nalunaarsuineq, peqatigiiffiit naatsorsuutaannik suliareriikkanik tunniussisarnernik nakkutiginninneq il.il.
  • Peqatigiiffinnut nutaanut pioreersunullu siunnersuineq
  • Peqatigiiffilerinermut kajumissutsimillu suliaqarnermut pikkorissartitsineq il.il.
  • Tapiisarnermut maleruagassanut nutartigassanut siunnersuuteqartarneq
  • Kommunimi susassaqarfimmi timersornerup peqatigiiffeqarnerullu inerisarnissaanut akisussaaneq
  • Ingerlatsivimmi suleqatinik allanik avitseqateqarneq suleqateqarnerlu
  • Qinnuteqaatinik suliaqarneq
  • Suliassaqarfinni akisussaaffigisani missingersuutinik suliaqarneq nakkutilliinerlu.
  • Qulaani pineqartuni kommunip karseqarnermut naatsorsuusiornermullu maleruaqqusai malillugit uppernarsaasutut innersuuteqartutullu piginnaatitaaffinni suliaqarneq
  • Suliassanik immikkuullarissunik qullersanit suliakkiissutaasunik sulieqarneq

 

Atorfimmut piginnaasatigut naatsorsuutigaarput:

  • Suliassaqarfimmut tulluartumik ilinniagaqarsimaneq
  • Peqatigiiffilerinermik kajumissutsimilluunniit suliaqarnermik misilittagaqarneq
  • Winformatik misilittaragereersimagaanni pitsaaqutaassaaq
  • Sulianut pilersaarutinut, qinnuteqaatinullu tunngassutilinnut aningaasaqarnikkut naatsorsuutitigut siunnersuisinnaassuseqarneq
  • Qarasaasiamik atuilluarsinnaaneq
  • Nammineersinnaassusilik, sulianik kusanartumik naammassinnilluarsinnaasoq pingaartitsisorlu
  • Akunnaatsoq suleqatikkuminartorlu
  • Pisariaqartitsineq aallaavigalugu suliassanik nutaanik tigusisinnaassusilik
  • Minnerpaamik kalaallisut qallunaatullu marluinnik oqaasilik

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Akissarsiaqarneq atorfininnermullu atugassarititat:

Aningaasarsiat atorfinitsitaanermilu atugassat IMAK-ip Namminersornerullutillu Oqartussat isumaqatigiissutaat malillugit ingerlanneqassapput.

 

Atorfik pillugu paasissutissat sukumiinerusut saaffiginnissutigineqarsinnaapput Kultureqarnermut, sunngiffimmut pitsaaliuinermullu ingerlatsiviup pisortaanut Mikael Mansi Rasmussen-imut, oqarasuaat 704100 E-mail: mira@kujalleq.gl

 

Qinnuteqaatit ilinniagarisimasanik siusinnerusukkullu suliffigisimasanik paasissutissartalik kiisalu ilinniarnermut uppernarsaatit, sulisitsisut oqaaseqaataasa assilinerinik ilalik kingusinnerpaamik 24. november 2019 tigoriissavarput. Atorfinitsitsinissamut oqaloqatiginninnerit sap.ak. 48-mi ingerlanneqassapput. Atorfimmut qinnuteqaat uunga nassiutissaaq:


Kommune Kujalleq Qaqortoq
HR-afdeling
Postboks 514
3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq