airplanebooksbriefcase business cogs cross election entertainment fish house law lockmedicalpeopleselfservices socialtax

Ilinniartitsisussarsiorneq

Ilinniartitsisussarsiorneq

Kommune Kujalleq Nanortalimmi fysik/kemi-mut ilinniartitsisussarsiorpoq ulloq januaarip ulluisa aallaqqaataat 2020 aallarnerfigalugu isumaqatigiissuteqarnikkulluunniit atorfinittussamik.
Kingusinnerpaamik ulloq:
18. december 2019
Sumiiffik / immikkoortortaq:
Nanortalik
Ulloq sulilerfissaq:
1. januar 2020
Aningaasarsiat:
Isumaqatigiissutit atuuttut naapertorlugit

Kommune Kujallermi atuarfiit ineriartortitsinermik suliaqarnerat qitiuvoq. Angusat qaffassarlugit inerisaaneq aallarteruttorpoq. Ukiut arlalinngorput atuarfiit iPad-imik atuiffiulermata, taamaattumik IT-kkut ineriartornermut malinnaalluarpugut. Pikkorissunik ineriartortitseqataanissamut piukkunnarluinnartunillu ilinniartitsisussarsiorpugut.

Meeqqat siunissaat eqqarsaatigalugu angusaqartitserusukkuit inerisaanermut peqataarusullutit atorfissaqartippatsigit!

 

Matumuuna Fysik/Kemi-mi atuartitsisinnaasumik pissarsiorpugut. Angajullerni klassini tamani Fysik/Kemi-mi atuartitsisinnaasumik pissarsiorpugut.

Nanortallip Atuarfia

Nanortallip Atuarfiata immikkuullarissutigaa atuarfik ineriartorfiulluarmat. Ilinniartitsisut trinninut pituttugaanngillat. Ilinniartitsisut pikkoriffitik atorlugit ilinniartitsipput. Suleqatigiilluarneq nukittuffiuvoq taamaasillutik takutittarpaat atuarfik kivilluarsinnaallugu.

Læringscirkel atorlugit atuartitsineq pilersaarusiorneqartarpoq tamannalu ingerlalluarpoq.

Angajoqqaanik suleqateqarneq pitsaasuuvoq. Atuartitsineq ilaatigut iPad-imik atuiffiuvoq.

Atuarfimmut ineriartorfiusumut qinnuteqarit, tikilluaqquatsigit!

 

Nanortalik illoqarfiuvoq eqqissisimasoq. Kalaallit Nunaata illoqarfiini kujasinnerpaavoq kusanartumik avatangiisilik.  

Nanortallip Atuarfia 168-nik atuartoqarpoq. Klassit 14-upput, Ilinniartitsisut atuartitsisullu katillugit 20-upput.

Pikkorissunik aqutsisoqarpoq, IT-lerisunik, skolekonsulentinik allanillu suleqateqarluarput.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Pitsaasumik Atugassaqarluni Atorfeqarneq

Atorfinitsittineq Naalakkersuisut IMAK-llu akornanni isumaqatigiissutaat 28. juni 2019-imeersoq naapertorlugu atuuppoq. Qinnuteqartut Kalaallit Nunaanni tjenestemand-ureersut atorfinitsitteriaaseq taanna ingerlatiinnarsinnaavaat.  Qinnuteqartut piukkunnartut pilerilersinniarlugit atorfinitsitineq ukiuni killilinni atorfinititseriaaseq atorlugu atorfinitsisisoqassaaq. Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut aqqaneq-marluk qaangiukkaagata akiliunneqarlutik sulinngiffeqarnermut atatillugu angalasinnaatitaapput, piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninik konto-mut matoqqasumut ikisisoqassaaq. Soraarnerup kingorna aningaasat tunniunneqassapput

 

Atorfik pillugu paasisaqarnerorusukkuit uunga attaveqarit Nanortallip Atuarfiata pisortaanerigallagaa Vivi Kleist tlf: 614010 e-mail viklk@kujalleq.gl

 

Qinnuteqaatit Kommune Kujallermiit tiguneqareersimassapput kingusinnerpaamik decembarip ulluisa 18-iat 2019. Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq