airplanebooksbriefcase business cogs cross election entertainment fish house law lockmedicalpeopleselfservices socialtax

Ingerlatsinermut Teknikeri

Nanortalimmi Ingerlatsinermut Teknikeri
ALLAGARSIUTEQQITAQ

Kommune Kujalliup Nanortalimmi Teknikkimut Avatangiisinullu immikkoortortaqarfimmi Ingerlatsinermut teknikeritut atorfik jannuaarip ulluisa aallaqqaataat 2020 aallarnerfigalugu isumaqatigiissuteqarnikkulluunniit inuttalerniarneqarpoq.
Kingusinnerpaamik ulloq:
13. december 2019
Sumiiffik / immikkoortortaq:
Nanortalik
Ulloq sulilerfissaq:
1. januar 2020
Aningaasarsiat:
Isumaqatigiissutit atuuttut naapertorlugit

Nanortalimmi immikkoortortaqarfimmi teknikerit marluk ingerlatsisoq ataaseq, tiimimusiallillu qulit missaanniittut kommunip sanaartorfiini eqqagassanullu tigooraaviani sulisuupput.

 

Atorfik

  • Illit allaffeqarfimmi teknikeritut sulissaatit. Akisussaaffiit piginnaaneqarfigisallu pingaartumik ukuussapput:
  • Nunaminertanik aqutsineq.
  • Avatangiisinut tunngatillugu nakkutilliineq.
  • Nunaqarfinnut tunngasuni oqartussatut suliassat.
  • Pilersaarusiornerit nakkutilliinermilu suliassat annikitsut.
  • Illuutinik misissuineq naliliinerlu.
  • Nanortalimmut atassuteqartuni, nunaqarfinni savaatilinnilu suliassat assigiinngitsut nakkutigineri.
  • Ingerlatsinermut susassaqarfimmi kiisalu ingerlatsivik akimorlugu suliassat allat nakkutiginerat.

 

Ilinnut piumasaqaatit:

  • Naleqquttumik ilinniagaqarsimassasutit ajornanngippallu suliassaqarfiit ilaat misilittagaqarfigissagitit.
  • Ajornanngippat oqaatsinik qassiinik atuisinnaassasutit (kalaallisut, danskisut, tuluttut…).
  • Sullissiumatuujussasutit suleqatikkuminarlutit qiimasuullutillu.
  • Namminersorlutit aaqqissuulluakkamik sulisinnaassasutit.
  • Qarasaasialerinermut piginnaaneqassasutit aamma Office pakken-imut, NunaGIS-imut aamma ArcGIS-imut nalunngisaqassasutit.
  • Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.

 

Neqeroorutigaavut

Atorfik pissanganartoq, allanngorartoq amerlasuunullu attuumassuteqarfiusoq kiisalu inuttut suliamullu tunngasutigut ineriartornissamut periarfissagissaartoq, tassaasinnaallutik  NunaGIS-ip aamma ArcGIS-ip atornissaannut pikkorissarneq.

 

Akissarsiat atorfininnermilu atugassarititaasut

Namminersorlutik Oqartussat aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Atorfimmut atasumik inissaqartitsisoqarsinnaasoq tamatumanilu malittarisassat atuuttut malillugit sillimmatinut ineqarnermullu assigiinngitsunullu akiliteqartoqassalluni.

Kommunip atorfinitsitsinermi malittarisassat atuuttut malillugit angalanerit, nuunnermi aningaasartuutit isumagissavai.

 

Paasissutissat allat

Atorfik pillugu paasissutissat sukumiinerusut Teknikkimut pisortaq Mike S. Kristiansen oqarasuaammut uunga 64 54 00 imaluunniit mailimut uunga  mikr@kujalleq.gl saaffigalugu pissarsiarineqarsinnaapput. imaluunniit Sanaartortulerivimmi pisortaq Josef Kreutzmann oqarasuaammut uunga 64 54 05 imaluunniit mailimut uunga jokr@kujalleq.gl

 

Qinnuteqaat

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit ajornanngippallu oqaaseqaatit il.il. kingusinnerpaamik  Decembarip ulluisa 13-iat 2019 kl. 12:00 Kommune Kujallermut nassinneqarsimassapput uunga:


Kommune Kujalleq

Sulisoqarnermut immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq