airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
26. februar 2020
Ulloq sulilerfissaq:
1. april 2020

Tarnip pissusaanik ilisimasalittut ilinniagaqarpit? Ilaqutariit ulluinnarni ajornartorsiutiminnik aaqqiiniarneranni sullissinissamik kajumissuseqarluarpit? Kommune Kujallermi Ilaqutariinnut Sullissivik ukiuni kingullerni annertungaatsiartumik inerisaasimavoq, ingammik meeqqat ilaqutaasalu kingunerlutsitsillutik nalaassimasaannut tunngatillugu katsorsaariaatsinik inerisaaneq eqqarsaatigalugu. Tamanna Odensimi Syddansk Universiteti suleqatigalugu ingerlanneqarpoq. Taamaalilluni nunatsinni nalaatanik kingunerlutsitsinermi misissueriaatsit marluk inerisarneqarput, taakkulu Kommune Kujallermi atorneqalernissaat suli sulissutigineqarpoq, kisianni piffissap ingerlanerani nunatsinni nalaatanik kingunerlutsitsinermi misissueriaatsit ilisimaneqalersimapput, peqqutigalugu atortuummata kalaallisut allaqqasut siulliit. Illit tarnip pissusaanik ilisimasalittut periutsit taakku piviusunngortinnissaannut peqataassaatit, ukiunilu aggersuni siunniunneqartut suli inerisarnissaannut peqataallutit.

 

Atorfik Qaqortumi Ilaqutariinnut Sullissivimmi Sullissiviullu aqutsisuata ataani inissisimavoq, taamannalu ilutigalugu Narsami Nanortalimmilu ilaqutariit illuinut attuumassuteqarluni. Suleriaaseq tamat sianigalugit aaqqiisinnaassuseqarluni ilaqutariinnik katsorsaanermik tunngaveqarpoq aamma isumalluutit kiisalu ilaqutariit ataasiakkaat qitiutillugit sammineqarnissaat pingaaruteqarpoq, ingammik tulleriiaarluakkamik katsorsaanermi pitsaassutsip qulakkeerneqarnissaa.  

 

Angalasarnerit ulapinnarpallaassanngippata tarnip pissusaanik ilisimasalik nittartakkakkut katsorsaasassaaq, teknologiikkullu atortorissaarutit atorlugit tarnip pissusaanik oqaloqateqartarnerit pillugit maleruagassat, tarnip pissusaanik ilisimasallit danskit novembarimi 2016-imi suliaat saqqummiussaallu malinneqassapput, taamaaliornikkut illersorsinnaasumik ileqqorissaartoqarnissaa pitsaassuserlu qulakkeerneqassammata. Nuna tamakkerlugu qarasaasiakkut aaqqiissutissat peqqutigalugit ilaannikkut suliassaasarput immikkut aallutassat.

 

Atorfimmi matumani ukiut pingasut ingerlanerini akuerisanngornissat piviusunngortissinnaavat taamaalillutillu tarnip pissusaanik ilisimasalittut allagartaqalerlutit. Sullissiviup aqutsisua tassaavoq tarnip pissusaanik ilisimasalik akuerisaq, taamaammallu suliffeqarfiup iluani avataanilu oqaloqatigiinnikkut oqalisaanneqarneq/supervisioni periarfissaavoq.

 

Suliassaqarfiit assigiinngitsut:

  • Meeqqanik, inuusuttunik ilaqutaannillu sullissinerup aaqqissornissaa, taamaalillutillu ilaqutariinnik katsorsaanerup ataqatigiissuunissaa tulleriiaarluagaanissaalu qulakkeerlugu.
  • Ilaqutariinnut sammisumik katsorsaaneq ilaqutariit ataasiakkaat isumalluutaat periarfissaallu sammineqarlutik.
  • Inunnik ataasiakkaanik oqaloqateqarnerit, aappariinnik oqaloqateqarnerit, meeqqanik inuusuttunillu oqaloqateqarnerit
  • Ammasumik siunnersuinernut peqataaneq.
  • Sulisunut ilaqutariinnullu naleqquttumik pikkorissaanernut ilinniartitsineq.
  • Sullissinermi ulluinnarni suliassanik ataqatigiissaarineq suliakkiinerlu
  • Pinartoqartillugu piareersimasussanut peqataaneq aamma pisuni immikkuullarissuni pilertortumik ikiuigasuarneq, ikiunerit taamaattut malitseqartinneqartariaqartarput akulikitsumillu Qaqortup avataani sumiiffinni allaniissinnaasarlutik.
  • Sulisunut suliamut attuumassutilinnut siunnersueqateqartitsineq.

 

 

Akissarsiat atorfinitsitaanermilu atugassarititaasut Naalakkersuisut kiisalu tarnip pissusaanik ilisimasallit danskit peqatigiiffiata akornanni isumaqatigiissutaannut naapertuuttumik ingerlassapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Paasissutissat sukumiinerusut pissarsiarineqarsinnaapput Qaqortumik Ilaqutariinnik Sullissiviup pisortaa Naja Lund Kielsen saaffigalugu, mail naki@kujalleq.gl, telefon +299 70 41 00 imaluunniit toqqaannartumik +299 64 54 22.

 

 

Kommunip kissaatigaa meeqqanik pinerliisimannginnermut uppernarsaatip aammattaaq pillagaasimannginnermut uppernarsaatip takunissai, aammalu/imaluunniit kommunimi meeqqanik inuusuttunillu sulissisussat tamarmik Pinerluttulerinermut Nalunaarsuivimmit uppernarsaatip assilineqarneranik ilanngussisassasut.

 

Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat pillugit paasissutissat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq februaarip 26-at 2020 nal. 12.00 uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq