airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
5. februar 2020
Ulloq sulilerfissaq:
15. februar 2020

Atorfik utaqqiisaagallartumik Qaqortumi inissisimavoq.

 

Kommunit allat assigalugit Kommune Kujalleq aaqqinniagassaqarpoq, tassami innuttaasut nappaatinik inuunermut ulorianartorsiutaasunik eqqorneqartarmata imaluunniit inuttaasut innarluuteqaataalersumik ajoqusernermik nalaanneqartarlutik, taamaatullu inissisimalernermi najukkami innuttaaqataasutut inooqataanermut annertuumik sunniuteqarsinnaalluni. Aammattaaq Kommune Kujalleq allamik aaqqinniagassaqarpoq, matumanimi utoqqaat amerliartuinnavimmata, taamaammat utoqqaat innarluutillit sapinngisamik sivisunerpaamik namminneq angerlarsimaffimminni najugaqarnissaat anguniagaavoq.

Tamanna isumagineqassappat allatut eqqarsartoqartariaqarpoq, tassalu innuttaasoq piginnaanngorsaqqiinermik sullinneqassasoq, sapinngisamillu piffimmi nammineq najukkamini sullinneqarneq pissasoq.

 

Maannakkut aaqqissuussaanikut atorfik innarluutilinnut, utoqqarnut pensioninullu tunngatillugu suliani pisortap ataaniippoq.

 

Ilinnut piumasaqaatit:

  • Timikkut sungiusaasutut - pillorissaasutut qaffasissumik ilinniagaqarnermik tunuliaqutaqassasutit
  • Piginnaanngorsaqqiilluni suliaqarneq ilisimasaqarfigigit misilittagaqarfigalugulu
  • Paasiniaaqqissaarnermik suliaqarneq ilisimasaqarfigigit
  • Suliffeqarfiup iluani avataanilu suleqatigiinnermik misilittagaqarluartutit
  • Tamakkiisumik sullissinermi annertuumik misilittagaqartutit
  • Pitsaasumik suleqatiginnissuseqarneq susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit
  • Attaveqatigiilluarsinnaassuseqarnissaq paasititsilluarsinnaassuseqarnerlu piginnaaneqarfigilluaritit  

 

Atorfiup nutaajunera peqqutigalugu suleqataajumaartussap atorfiup ilusilersornissaanut sunniuteqaqataassaaq.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. 

 

Akissarsiassat atorfininnermilu piumasaqaatit eqqarsaatigalugit piffissami atorfininnermi aamma susassaqarfimmut tunngatillugu isumaqatigiissutit atuuttut najoqqutarineqassapput. 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraanerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Atorfik pillugu annertunerusumik paasisaqarusukkuit suliami pisortaq Maline Lyberth saaffigineqarsinnaavoq, mail: mall@kujalleq.gl 645373 eller e-mail: mall@kujalleq.gl

 

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsiamanermut uppernarsaatit nuunnera, sullissisorisimasat oqaaseqaataat il.il. kommunimut tunniunneqareersimassaaq kingusinnerpaamik februaarip tallimaanni 2020 nal. 12:00 uunga:


Kommune Kujalleq

Sulisoqarnermut Immikkoortortaqarfik

Postboks 541

3920 Qaqortoq

job@kujalleq.gl  

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq