airplanebooksbriefcase business cogs cross election entertainment fish house law lockmedicalpeopleselfservices socialtax

Siusinaartumik iliuuseqarnermut Sulisoq

Qaqortumi Ilaqutariinnik Sullissivik uuminnga sulisussarsiorpoq:
Siusinaartumik iliuuseqarnermut sulisoq

Ataatsikkut sorpassuit suliaralugit nuannaraagit ataatsimullu isiginnissinnaavit, taamaassimappat suliffissaqartippatsigit, ulloq marsip aallaqqaataa 2020 aallarnerfigalugu imaluunniit isumaqatigiissuteqarnikkut.
Kingusinnerpaamik ulloq:
26. februar 2020
Sumiiffik / immikkoortortaq:
Qaqortoq
Ulloq sulilerfissaq:
1. marts 2020
Aningaasarsiat:
Isumaqatigiissutit atuuttut naapertorlugit

Sorpassuit suliarinerini qitiusumik inissisimassaatit. Illit tassaasussaavutit inunnut sullissisussanut ingerlatsiteqqiisartussaq. Siusinaartumik suliniutit, taakku ilagalugit oqaluuserisassat imaqarniliallu allattarnisaat ataatsimiinnissallu assigiinngitsut ingerlanneqarnissaat qulakkiissallugu. Tamatuma saniatigut Ilaqutariinnut Sullissivimmi/ilaqutariit illuini sammisanut, suliassanut aamma ikiuigasuarnissamut upalungaarsimanissamut peqataasassaatit.

 

”Siusinaartumik suliniutit” angajoqqaanngortussat, kiisalu meeqqap marluliinissaata tungaanut meeqqap angajoqqaallu suliniutigineqarnissaat qulakkiissavaat. Siusinaartumik iliuuseqarnermut sulisoq tassaavoq Ilaqutariinnut Sullissiviup suleqatigiivinut ilaasoq, taamaalillunilu ilaqutariit siusinaartumik katsorsarneqarneranni pisariaqartitaat najoqqutaralugit aallartitsarnerisigut pinaveersaartitsisussaq suliniuteqartussarlu.  Taamaammat Kommune Kujallermi angerlarsimaffimmik ilaqutariit tapersersorneqarnissaminnik pisariaqartitsisut kiisalu inuunerminni misigisaqapilussimasut katsorsaavissaannik pilersitsinissaq pilersaarutaavoq. Suliassaq tamanna immikkoortortat akimorlugit suleqatigiinnermi aaqqiivigineqassaaq, taamaalillunilu siusinaartumik iliuuseqarnermut sulisoq qitiusumik inissisimasussaalluni.

 

Suliassat:

  • Isumaginninnikkut ilinniagarisat aallaavigalugit misissukkat/pisortaniit iliuusissatut pilersaarutit tigusarnissaat.
  • Angajoqqaanngortussanik tapersersuineq/siunnersuineq.
  • Meeqqat marluliinissaasa tungaanut angajoqqaanik tapersersuineq/siunnersuineq.
  • Qulaani taaneqartut pillugit pisortaqarfinnik tamanik suleqateqarneq
  • Ilaqutariinnut perngaammik meerartaartussanut/meerartaarsimasunut katsorsaavittut angerlarsimaffimmut nutaamut pilersinneqarsimasumut pisortat peqatigalugit piareersaasiornissaq.
  • "Siusissukkut suliniutit" pillugit suliniutinik ataqatigiissaarinissaq aqutsinerlu.
  • Suliniuteqarneq pillugu pisortanut akissuteqarneq/nalunaarusiorneq.
  • Ilaqutariinnut Sullissiviup sammisaanut pilersaarutaanullu peqataaneq.
  • Suliat pillugit pisortanut nalunaarutiginninneq.

 

Qinnuteqartumut naatsorsuutigineqartut:

  • Ammasuuneq pitsaasumillu eqqarsartariaaseqarneq.
  • Sungiussiasuuneq, siusinaartumik suliniuteqarnermi suleriaatsit allannguuteqarnissaannik siunnersuuteqarsinnaaneq.
  • Allanngortitsisinnaanermut piareeqqaneq.
  • Kalaallisut qallunaatullu allattariarsornikkut erseqqissuliorsinnaaneq.
  • Ilungersunartulimmi sulisinnaaneq.

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Isumaqatigiissutit attuumassuteqartut naapertorlugit nalinginnaasumik akissarsiaqartitsisoqartarlunilu suliffimmi atugassaqartitsisoqartarpoq.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaalu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Ersarinnerusumik paasissutissat pissarsiarineqarsinnaapput Kommune Kujallermi Ilaqutariinnut Sullissiviup aqutsisuanut Naja L. Kielsenimut saaffiginninnikkut, oqarasuaat nr. 645422 imaluunniit e-maili naki@kujalleq.gl

 

Qinnuteqaat siusinnerusukkut sulisimanermik paasissutissartalik ilinniagaqarsimanermillu, pillagaasimannginnermillu uppernarsaatitalik, il.il. kommunimut tunniunneqareersimassaaq kingusinnerpaamik ulloq 26/02-2020 nal. 12:00 uungalu nassiunneqassalluni:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq