airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
24. februar 2020
Ulloq sulilerfissaq:
1. marts 2020

Paaqqutarisarialinni Peqqissaasutut Ajarsivasimmi.

Peqqissaasutut nuannersunik suleqateqarlutit, utoqqarnik atuisunillu sullisserusuppit? Suliassanut soqutiginnillutit najugaqartuutitsinnik sullisserusuppit? Taamaappat immaqa illiuvoq Ajarsivasimmi paaqqutarisarialinni suleqatissarput Qaqortumi.

Ajarsivasik pillugu:
Ajarsivasik paaqqinniffiuvoq sammisassaqartitsiviutigisoq, pingasunik immikkoortortaqarfeqarluni, taakku saniatigut ulluunerani sammisassaqartitsivik.
Ivik immikkoortortaavoq illersugaasoq, puiortunngorsimasunut aqqanillinnut najugaqarfiusoq, immikkoortortai marluupput, orpimiutaq 18-nik inissaatilik, ukaliusaq 19-nik inissaatilik iggavik, pedel taassumalu ikiortaa, biiliussisartoq, errorsisarfik, eqqiaasut allaffillu tassaniillutik. Sulisut tamakkerlugit 60 missaaniipput.
Atorfik piffissaq tamakkerlugu suliffiuvoq, peqqissaasup aqutsisoq qaninnertut suleqatigissallugu, taamatullu paaqqinniffimmi immikkoortortani sulisut.

Atorfiup imarisaai:
Ujartorparput peqqissaasoq najugaqartunik atuisunillu sullissisinnaasoq, paaqqutaqarnermi pitsaasumik isumassuisinnaasoq, najugaqartunut ataqqinnillunilu naleqartitsisoq. Nakorsaatinik suliaqarneq, isumassuineq, piareersaaneq, siuarsaaneq, qanigisaasunik attaveqarneq Suleqatigiillu akimorlugit suleqateqarneq pingaarnertut suliaraavut. Suleqatigiinneq nuannersuuvoq, nutaaliaalluinnartunillu atortorissaaruteqarpugut.

utoqqarnut najugaqartunullu iluaqutaasussaq tunngavigalugu massakkut nutarsaaneq inerisaanerlu, suliaqarfinni qulingiluaasuni suliarineqarput.Taannalu tunngavigalugu utoqqarnik sullissinermi,Ajarsivasimmi sulisut tamarmik ineriartuutaasumik pikkorissarneqarnerat ingerlapparput.

Peqqissaasumut pisinnaasat takorluukkavut naatsorsuutigisavullu ukuupput:

  • Akuerisaasumik peqqissaasoq
  • Suliassanut ilisimasaqarluartoq
  • Utoqqarnik utoqqarnullu tunngasunik sullisserusuttoq
  • Sungiussisimasoq aalajaatsorlu
  • Isumassuinermik nalunaarsuisinnaasoq inerisaasinnaasorlu
  • Ataatsimiinnerni peqataasinnaasoq naammassinnissinnaasorlu
  • Pitsaasumik suliffeqarnissamik inerisaaqataasoq
  • Ataatsikkut eqqissisimasumik arajutsisaqaranilu suliaqarsinnaasoq
  • Ersarissumik attaveqarsinnaasoq
  • Sullissinermut akisussaassuseqartumik namminersorsinnaasoq
  • Suliat, suliffiillu agguataarnerinut aaqqissuussaanerannullu eqaatsumik suleriuseqartoq
  • Pilersitserusuttoq nukissaqarlunilu suliumassusilik
  • Suliat pitsanngorsarneqarnissaannut naammassineqarnissaannullu akuulluarsinnaasoq
  • Inuiaqatigiinnik assigiinngitsunik tunngavilimmik suliffeqarsinnaasoq, suleqarteqallaqqissorlu.

Neqeroorutigaavut:

  • Piffissaq tamakkerlugu, ataasinngornermiit tallimanngornermut ulluunerani suliffik
  • Ilisaritsitsineq pitsaasoq
  • Suliffik inuttut suliatigullu ineriartorfiulluarsinnaasoq
  • Suleqatit pitsaasut suleqatigalugit
  • Akisussaaffik aaliangiisinnaassuserlu annertooq
  • Suliffik ulluinnarni sunniuteqarluartoq, ineriartornissamut periarfissalik, nammineersinnaassuseqarluartumillu Ippiarsuup iluani akisussaaffilik.
  • Suliffiup iluani, suleqatigiillu akornanni ilisarititsilluarneq pingaartipparput, tassuuna qulakkeerusullugu pisortaasunik sulianullu tunngassuteqartunik pilersitsiniarnermi siunersioqatigiissinnaaneq pitsaasoq.

Pineqaatissinneqarsimannginnermut uppernarsaat:
Atorfik inatsisitigut piumasaqaatitaqarpoq, pinerlussimannginnermut uppernarsaammik piniartoqarnissaanut. Atorfinitsinneqarneq pisinnaavoq aatsaat pinerluuteqarsimannginnermut uppernarsaatip Kommunemiit tiguneqarneratigut.Taamaattumik erseqqissaatigissuarput, pinerlussimannginnermut allagartap Politiineersup kommunimit tiguneqareerneratigut atorfinitsitsinissaq isumaqatigiissutigineqarsinnaammat.

Atorfinitsitsinermi isumaqatigiissut aningaasarsiaqartitsinerlu:
Atorfininnermut isumaqatigiissut aningaasarsiaqartitsinerlu Namminersorlutik oqartussat aammalu PPK, imaluunniit kattuffiup allap attuumassuteqarfigisap isumaqatigiissutaat naapertorlugit ingerlanneqassapput.
Atorfinitsinneqarnermi qaammatit pingasut misilinneqarfiusarput.

Inissaq:
Atorfimmut atatillugu sulisunut inissaqartitsisoqarsinnaavoq Namminersorlutik oqartussat kommunillu attartortitsineq pillugu aalajangersagaat iserternermi qularnaveeqqusiineq, ineqarnermut akiligassaq, atuinernullu allanut akigititat atuuttut naapertorlugit. Atorfininnermi utaqqiisaasumik ineqartinneqarsinnaaneq neqeroorutigineqarsinnaavoq, ingerlaannartumik suliffimmut atatillugu atorfininnermi inissamik tunniussisoqarsinnaasanngimmat, tassani ineqarnermut atuinernullu allanut qulaani allassimasutut akiliisoqassaaq.

Ineqarnermut akiligassaq atuinermullu akiliutaasartut pillugit annerusumik paasisaqartoqarsinnaavoq: ini A/S
Nutsernermi aningaasartuutinut akiliussisoqarsinnaavoq, qaqugukkut atorfininnermi inissaqartitsineq periafissaqarnersoq, piumasaqaatillu aalajangersimasut naammassineqarsimanissaat tunngavigalugu.

Qinnuteqaat:
Qinnuteqaatip ilisarnaataata , aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit

Uunga:  hr@kujalleq.gl

Qinnuteqarfissaq kingulleq : 24/2 2020

Ulloq atorfinitussaq: 01/03 2020

Annertunerusumik paasisaqarusukkuit aamma uunga paasiniaasinnaavutit

Ajarsivasik mi aqutsisoq

Naja Kriegel 541154

njkr@kujalleq.gl


 

 

 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq

 

 

 

Kommune Kujalleq

HR-afdeling

Postboks 514

3920 Qaqortoq

job@kujalleq.gl