airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
21. februar 2020
Ulloq sulilerfissaq:
1. april 2020

Kommune Kujallermi atuarfiit ineriartortitsinermik suliaqarnerat qitiuvoq. Angusat qaffassarlugit inerisaaneq aallarteruttorpoq. Ukiut arlalinngorput atuarfiit iPad-imik atuiffiulermata, taamaattumik IT-kkut ineriartornermut malinnaalluarpugut.

Pikkorissunik ineriartortitseqataanissamut piukkunnartunik ilinniartitsisussarsiorpugut.

Meeqqat siunissaat eqqarsaatigalugu angusaqartitserusukkuit inerisaanermut peqataarusullutit atorfissaqartippatsigit!

 

Nukarlerni: Faagini tamani, 3.b-nilu klasselærereri

 

Akullerni: Faagini kalaallisut, kisitsineq timersorneq, lokalevalg, upperisalerineq aammalu 6.a-ni klasselærereri

 

Akullerni: Tuluttut, qallunaattut pinngortitalerineq aammalu klasselæreri inuttut inerikkiartornermi 7.b-ni ilinniartitsisinnaasumik pissarsiorpugut.

 

Tasersuup Atuarfia

Tasersuup Atuarfiani ilinniartitsisut suleqatigiilluartut naapissavatit.

Atuarfitsinni immikkut marlunnik iPad konsulenteqarpugut.

Atuarfipput isumaginninnermut siunnersorteqarpoq taassumallu suliarisartagai makku taaaneqasinnaapput; atuarfiup avataanut suleqateqarnermi ataqatigiissaarisuulluni aamma atuarfimmi qinngasaarineq millitinniarlugu suliaqarluni angajoqqaanut suleqateqarneq nukittorsarlugu.

Upernaamiit familieklassi atuarfitsinni aallartinneqartussaavoq, taamaattumik pisariaqartitsivugut massaakkut.

Tasersuup Atuarfiani ilinniartitsisut pikkoriffitik atorlugit ilinniartitsipput.

Suleqatigiilluarneq nutaaliornerit Kommune Kujalliullu sulisuminni ineriartortitsinerat pikkorissarnerni malinniuttuartunik ataavartumik ingerlavoq.

Kommune Kujalliup sulisuminut atugarissaartitsinermini kaffi tii ullut tamaasa sassaalliutigisarpai, sap. Akunneranullu ataasiarluni ullaakorsiortitsisarluni.Taamatuttaaq atuartut immikkut pisariaqartitsisut ullut tamaasa ullaakut ullup qeqqanullu atuarfimmi nerisinnaallutik.

Atuarfiup immikkut suliniutigaa angajoqqaanik suleqateqarnerup ineriartortinneqarnissaa.

Kivitsisa projekt suleqatigalugu atuarfik sisamanik Ipads mentoreqarpoq.

Atuarfimmut ineriartorfiusumut qinnuteqarit, tikilluaqquatsigit!

 

Qaqortoq illoqarfiuvoq kujataani illoqarfinni pingaarnersatut inissisimasoq, 3000 sinnerlugit inoqarpoq. Tasersuup atuarfia 450-nik atuartoqarpoq. Klassit 33-upput, taakkunani immikkut pisariaqartitsisut klassii ilanngullugit soorlu tungujortuaraq aappalutuararlu. Ilinniartitsisut 53-upput. Pikkorissunik aqutsisoqarpoq misilittagallit, nutaanerumaallu. Trinnini sisamanik agguarnikunik allorfeqarpoq, perorsaanermi piorsaanermilu siunnersorteqarpoq nunaqarfinni angerlarsimaffinnilu atuartitsisunik soorlu savaateqarfinnut siunnersortaalluni, IT / iPad-lerisunik, skolekonsulentinik allanillu suleqateqarluarpugut.

Immikkut atuarfiup aqutarai atuareernerup kingorna orniffik aammalu elevhjemmi.

 

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut ukiut siulliit pingasut ukiut tamaasa feriefrirejseqassaaq, ukiullu pingasut qaanngiuppata ukioq allorlugu feriefondimut aaqqissussineq atuutilissalluni..

 

Piumasaqaatit: Ilinniartitsisutut ilinniarsimanissaq.

 

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Paasissutissat allat:

Atuarfiup pisortaanut Sarah Rødgaard e-mail: saro@kujalleq.gl oqarasuaat +299 64 50 34

 

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu taamatuttaaq paasissutissiisinnaasumilluunniit suliffigisimasami saaffigeqqusinermi akuersissut nassiunneqassaaq uunga ima ilisarnaaserlugu: Ilinniartitsisutut atorfiit.

 

Qinnuteqaatit Kommune Kujallermiit tiguneqareersimassapput kingusinnerpaamik  21. Februar 2020. Qinnuteqaat immersortagaq, soraarummersimanermut allagartat, pikkorissarsimanermut allagartat oqaaseqaatit – suliffigisimasamullu oqaaseqaammik / paasiniaanermi aallersinnaanermik akuersissut ilaallu ilanngullugit uunga nassiunneqassapput:

Qinnuteqaat atsioriigaq scannerlugu e-mailikkut nassiunneqassaaq, taamatuttaaq qinnuteqalernermi immersugassaq aamma qinnuigineqassalluni uunga:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq