airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
20. februar 2020
Ulloq sulilerfissaq:
1. marts 2020

Oqalutsi nutserisorlu

 

Kommunimi sunut tamanut malinnaallutit pissutsinillu allanngueqataasinnaallutit atorfeqarusuppit? Taamaappat Kommune Kujallermi oqalutsinngornissannut nutserisunngornissannullu piukkunnarputit.

Kommune Kujallermi Qaqortup illoqarfiani ulloq marsip aallaqqaataa 2020 aallarnerfigalugu oqalutsitut aamma nutserisutut imaluunniit immikkut isumaqatigiinnikkut atorfinittussamik pissarsiorpoq.

 

Atorfik allattoqarfimmi inissisimasuuvoq. Nutserisoqarfik ulluinnarni nutserisuunermit pisortaanerup tullersortaanut atasuusumit aqunneqarpoq.

 

Atorfinitsinneqartussaq qitiusumik allattoqarfiup suliassaataanik suliaqarnerussaaq, tamakkulu makkuunerupput: sullissinermut tunngasut, tamanut saqqummiussassat, inunnik sullissiviit nalunaarusiaat assigisaallu. Taamatuttaaq Isumaginnittoqarfimmut Ilaqutariinnullu Sullissivimmut saaffiginnittoqartillugu aamma politikkikkut ataatsimiititalianut, Kommunalbestyrelsimi ataatsimiinnernut, innuttaasunut ataatsimiisitsinernut allanullu tunngatillugu oqaluttaasoqartassaaq. Tamakku saniatigut nutserisutut allaffissornikkut nutsigassat nalinginnaasut suliarineqartassapput.

 

Nutserissut SDL Translation Management Systemet nutsigassanut atorneqartarpoq pisariaqartitsinerlu naapertorlugu atornissaa suliffimmi ilinniartitsissutigineqarsinnaalluni.

 

Suliassat nalinginnaasumik qaffasissuusarput tassami nutsigassat oqaluttaaffissallu annikinnerusut allaffissornikkut sulialinnit allanit isumagineqartarmata.

 

Suliassat:

  • Nutserineq, torrutiinnarlugu oqaluttaaneq, oqaloqatigiinnermi oqaluttaaneq. Pitsaasumik tuluttut piginnaasaqarneq iluaqutaassaaq.
  • Borgmesteri, pisortaaneq, pisortallu tullia sullillugit.
  • Oqaluttaanikkut nutserisutullu kommune tamaat sullillugu.

·         Suliassat takkussuuttut allat.

 

Naatsorsuutigaarput:

·         Nutserisutut ilinniarsimasutit.

·         Kalaallit aamma danskit oqaasiinik ilisimasaqarluartutit

·         Oqaluttaanermik nutserinermillu misilittagaqartutit.

 

Ilinnut neqeroorutigisinnaasavut:

·         Suliassaqarfiit assigiinngitsut akimorlugit assigiinngisitaartunik suliassaqarfiusumi ullut suliffiusut pissanganartut.

·         Suleqatigiit akornanni qanimut suleqatigiinneq.

·         Sulinermi ineriartornissamut periarfissat pitsaasut.

 

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

 

Inissaqartitsisoqarsinnaavoq, malittarisassat atuuttut malillugit ineqarnermut assigisaannullu qaammammut akiliisoqartassalluni, soorluttaaq qaqugukkulluunnit malittarisassat atuuttut najoqqutaralugit angalanermi nuunnermilu aningaasartuutit akilerneqassallutik.

 

Atorfik pillugu paasissutissat annertunerusut nutserisuunerugallartumut Kaj Lyberthimut saaffiginninnikkut pissarsiarineqarsinnaapput, oqar. 64 53 85 imaluunniit e-mail: kaly@kujalleq.gl imaluunnit pisotaanerup tullersortaanut Carsten Frank Hansenimut, oqar. 64 53 20 e-mail: cafh@kujalleq.gl

 

Qinnuteqaat ilinniakkamik aammalu siusinnerusukkut suliffigisimasat pillugit paasissutissanik, ilinniakkamik allagartap uppernarsaataanik ilalik il.il., kommunimi tiguneqareersimassaaq kingusinnerpaamik februaarip 20-anni 2020 uungalu nassiunneqassalluni:


 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq

 

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl