airplanebooksbriefcase business cogs cross election entertainment fish house law lockmedicalpeopleselfservices socialtax

$name

Ansøgningsfrist:
23. marts 2020
Tiltrædelsesdato:
1. maj 2020

Afsnit 1 

Kommune Kujalleq ulloq unnuarlu paaqqinnittarfik B-1443-mut perorsaasunik sulisussarsiorpoq:

 

Perorsaasunik/Socialassistentinik tunniusimasunik marlunnik ulloq unnuarlu paaqqinnittarfimmi pilersinneqaqqammersumi 3-niit 14-inik ukiulinnut sullisserusuttunik pissarsiorpugut. Ulloq sulilerfissaq: maajip aallaqqaataa imaluunniit isumaqatigiissuteqarnikkut.

 

Perorsaasut/Socialssistentit marluk meeqqat angerlarsimaffianni pilersinneqaqqammersumi sulisussat kissaatigineqarput, immikkoortortaq illoqarfiup qeqqani illumi angisuumiippoq. Immikkoortortaq meeqqanut arfineq-marlunnut 3-niit 14-inik ukiulinnut naatsorsuussaavoq. Immikkoortortami sulinermi meeqqat isumassuisunik avatangiiseqarlutik erseqqissunillu killissaqartitaallutik aammalu saqqumilluartunik inersimasortaqarlutik ineriartornissamut periarfissinneqarnissaat isumagineqassaaq. Attaveqarneq peqateqarnerlu sulinermi pingaartinneqarput. Naalungiarsuunermi atugarisimasanik katsorsaaneq aallaavigalugu meeqqallu akuerineqarnissaat aallaavigalugu sulissaagut. Meeqqap ataqqineqartutut, akuerineqartutut, paasineqartutullu misiginissaat pingaaruteqarpoq.

 

Neqeroorutigaavut

  • Suliassat assigiinngissitaartut.

  • Susassaqarfiit akimorlugit suleqatigiinneq.

  • Suliffik pilersinneqaqqammersoq nutaaq pissanganartoq.

  • Paaqqinnittarfimmik nutaamik ineriartortitsinissamut periarfissaq.

  • Pikkorissarnernut peqataanissamut periarfissat.

  • Oqaloqateqarluni oqilisaassineq.

 

Naatsorsuutigaarput

  • Perorsaasutut ilinniarsimasuunissat.

  • Namminersorlutit sulisinnaassuseqartutit aammalu pisussaaffileeqatigiiffiusumik suleqateqarsinnaasutit.

  • Aporfiit pinnagit periarfissat isiginiarnerusaritit.

  • Meeqqat toqqissisimanartumik ineriartorfiusumillu atugaqalersinneqarnissaannut peqataarusuttutit.

  • Piffissat suliffiusut allanngorartut, akunnerup naanerani sulineq aammalu aallaarsimaartarnissat piareersimaffigigitit.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Atorfinnut tamanut qinnuteqartut perorsaasutut/socialassistentitut ilinniarsimasuussapput, marluinnillu oqaaseqartuuppata assut pitsaassalluni.

 

Aningaasarsiat atorfeqartitaanermilu atugassarititaasut

Aningaasarsiat atorfeqartitaanermilu atugassarititaasut, taamatuttaaq akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat piffissami atorfiniffiusumi Kalaallit Nunaanni Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut malillugit pissapput.

 

Ineqameq

Perorsaasutut atorfimmut inissiaq pequsersugaanngitsoq malittarisassat qaqugukkulluunniit atuuttut malillugit innersuussutigineqarsinnaavoq.  Inissiamut innersuunneqartumut maleruagassat qaqugukkulluunniit atuuttut malillugit ineqarnermut akimik qularnaveeqqutinillu akiliisoqassaaq. Inigisap qanoq pisoqaatiginera, piginnittoqarnikkut pissutsit il. il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Sulisutut inissamik innersuunneqarnissaq sivisuumik utaqqinarsinnaavoq, taamaammat inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

 

Atorfiit pillugit paasisaqarnerorusukkuit paaqqinniffimmi pisortaq Mogens K. Modeweg-Hansen attavigisinnaavat, toqqaannaq oqar.: +299 381701 maili momh@kujalleq.gl
Imaluunniit pisortap tullersortaa Sabine Noahsen uunga: +299 381701 maili
sase@kujalleq.gl

Atorfitsitsineq pillugu oqaloqatiginninnerit naatsorsuutigineqarsinnaapput sapaatit akunneranni 13-imi pissasut.

 

Qinnuteqaat ilinniagarisimasanik, siusinnerusukkut suliffigisimasanik, soraarummeernermut uppernarsaatinik immaqalu oqaaseqaatinik ilalik kingusinnerpaamik marsip 23-anni kommunimiit tiguneqareersimassaaq. Qinnuteqaat allakkatigut mailikkulluunniit uunnga nassiunneqassaaq.

Ansøgning sendes til 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna januaarip 1-anni 2018-imi atuutilerpoq. Paasissutissat sukumiinerisut Sulisoqarnermut Immikkoortortaqarfimmut piniarneqarsinnaapput.