airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermi siunnersorti - Sullissisoq

Kommune Kujalleq Qaqortoq Meeqqanut Inuusuttuaqqanullu sullissivik:
Isumaginninnermi siunnersortimik/suliamik isumaginnittumik pissarsiorpoq.

Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aammalu isumaginninnermi siunnersortitut imaluunniit allaffimmiutut niuertarfimmiutulluunniit ilinniagaqarpit? Taava immaqa isumaginninnermi siunnertitut/sulianik isumaginnittutut meeqqanut inuusuttuaqqanullu sullissivimmi suleqatertaarisinnaavatsigit.
Atorfik inuttaqanngitsoq piaarnerpaamik inuttalerniarneqarpoq.
Kingusinnerpaamik ulloq:
12. april 2020
Sumiiffik / immikkoortortaq:
Qaqortoq
Ulloq sulilerfissaq:
1. maj 2020
Aningaasarsiat:
Isumaqatigiissutit atuuttut naapertorlugit

Isumaginnittoqarfiup ataani Meeqqanut Inuusuttuaqqanullu sullissiviup aaqqissuussaanera allanngortiterneqalerpoq, taamaasilluta innuttaasoq qanillissavarput suleqatigiinnerunikkullu aamma suliniuteqarnerunikkut pitsaassuseq aamma sullarissuseq qitiutillugit sulianik isumaginnilluta sulissaagut. Taammaattumik isumaginninnermi siunnersortimik/sulianik isumaginnittumik sulinerup ineriartortinnissaanut peqataarusuttumik aamma pitsaassusaanik kivitseqataarusuttumik pisariaqartitsivugut.

Meeqqanut Inuusuttuaqqanullu isumaginnittoqarfiup qulakkiissavaa meeqqat inuusuttuaqqallu pillugit suliat suliarineqarnerisa, nalunaarutiginninnerit aamma meeqqanik inissiisarnerit inatsisit atuuttut naapertorlugit ingerlanneqartarnissaat, aamma inuit ataasiakkaat tamarmik aalajangersimasumik naliliiviginerinik tunuliaqutaqartarnissaq qulakkiissallugu.

 

Naatsorsuutigaarput illit:

  • Isumaginninnermi siunnersortitut imaluunniit allaffimmiutut niuertarfimmiutulluunniit ilinniagaqarsimasuussasutit, meeqqanut inuusuttuaqqanullu sullissinerup iluani misilittagaqartuusutit.
  • Suliassaqaqarfiup iluani sulianik isumaginninnermut misilittagaqassasutit.
  • Suleqatiginninnissamut oqartussanillu allanik suleqateqarnissamut piginnaasagissaassasutit.
  • Qanimajaatsuunissat isumaginninnermilu suliassaqarfimmi unammillernartumi allanngueqataarusussuseqartutit.
  • Tamakkiisumik aaqqiissuteqarsinnaassasutit innuttaasut naleqartillugit.
  • Qangatut oqartussat suleriaasiata pisortat, innuttaasut, inuussutissarsiortut suleqataasullu allat pilersitseqatigiinnerannik tapertaqartinneqarnissaanut sapiissuseqartutit

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Neqeroorutigisinnaavarput atorfik meeqqanut inuusuttuaqqanullu sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfimmi pingaartumik atorfimmut sunneeqataanissannut ilusilersornissaanullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

 

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput. Inissannik naleqquttumik tunineqarsinnaavutit, ineqarnermut akiliutit il.il. malittarisassat atuuttut naapertorlugit akilerneqassallutik.

 

Atorfik pillugu paasissutissat annertunerusut Isumaginninnermi pisortamut Boris Klarsgaardimut saaffiginninnikkut pissarsiarineqarsinnaapput, oqar. 589134 imaluunniit Maili; bokl@kujalleq.gl  

 

Qinnuteqarnissamut ulloq killigititaassaaq apriilip 12-at 2020 nal. 23.59. Qinnuteqaat ilinniagaqarsimanermut uppernarsaatinik ilalik uunga nassiuneqassapput:


Kommune Kujalleq

Sulisoqarnermut Immikkoortortaqarfik

Postboks 541

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq