airplanebooksbriefcase business cogs cross election entertainment fish house law lockmedicalpeopleselfservices socialtax

Nakkutilliisumik

Nakkutilliisoq

Kommune Kujalleq nakkutilliisumik pissarsiorpoq maajip aallaqqaataani 2020-mi atorfinittussamik imaluunniit isumaqatigiiissuteqarnikkut.
Kingusinnerpaamik ulloq:
17. april 2020
Sumiiffik / immikkoortortaq:
Qaqortoq
Ulloq sulilerfissaq:
1. maj 2020
Aningaasarsiat:
Isumaqatigiissutit atuuttut naapertorlugit

AC-fuldmægtigi ulluinnarni kommunip Isumaginnittoqarfiani aningaasaqarneq isumagisarpaa.

Isumaginnittoqarfik kommunip ingerlatsiviutigaa annerpaaq, 230 mio.-nik missingersuuteqarfiusoq aamma 300-nik sulisoqarfiusoq.

 

Suliassat:

  • Aningaasanik aqutsineq kiisalu allaffissornikkut suliaqariaatsinik pisariillisaaneq
  • Missingersuutinik malitseqartitsineq ingerlatsivinnut aamma paaqqinnittarfinnut tunngatillugu nakkutilliineq
  • Missingersuusiorneq aamma naatsorsuusiorneq
  • Kisitsisit atorlugit aalajangiinissamut tunngavissanik suliaqarneq
  • Aqutsisunut nalunaarusiorneq aamma aningaasaqarnikkut misissueqqissaarnernik suliaqarneq
  • Aningaasaqarnikkut misissueqqissaarnernik naammassinninneq aamma kingunissaanik naatsorsuineq
  • Aqutsisut aqutsisutut nakkutiliineranni pitsaassutsimillu qularnaarinninneranni ikiorlugit, tamatumani suliffiup iluani kukkunersiuineq.
  • Aningaasaqarneq pillugu paasissutissanik pingaarutilinnik aqutsisunut suliaqarneq.
  • Aqutsisunut nalunaarusiamik aamma aqutsisut nakkutilliinerannik annertusaaneq
  • Aningaasaqarneq pillugu ilitsersuusiorneq siunnersuinerlu.

 

Piginnaasat:

  • Ilinniagartuutut naleqquttumik ilinniagaqarsimassaatit (minnerpaamik BA)
  • Nammineerlutit, aaqqissuulluakkamik anguniakkannillu aalajangiussisimalluartuullutit sulisinnaassasutit
  • Suliassanik siuariartortitsinissamut akisussaaffeqarnissannut aamma suliassat suliarineranni pitsaassutsimik qularnaarinninnissannut piareersimassasutit
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluassasutit
  • Kalaallisut danskisullu allannikkut oqalunnikkullu erseqqitsuliorsinnaassasutit
  • Aaqqissuussaanermi naalakkersuinikkut aqunneqartumi sulissallutit soqutigisaqassasutit
  • Eqaatsumik suliaqarsinnaassuseqarlutillu suleqateqallaqqissuseqassasutit
  • Sulinermut suleqatinullu sungiussiasumik kiinnerartumillu pissuseqassasutit

 

Nakkutilliisunik aamma misissueqqissaartartunik suleqateqassaatit Kommune qitiusumik aningaasaqarnermut suliassaqarfeqarpoq ingerlatsivinnik tamanik sullissiviusumik Aningaasaqarnikkut Ingerlatsiviup ataani atorfinitsinneqassaatit, kisianni Isumaginnittoqarfik kisimi aningaasaqarnikkut, aqutsisunut nalunaarusiortarnikkut aamma kisitsisit atorlugit misissueqqissaartarnikkut sullitissavat. Atorfimmut toqqaannartumik qullersarineqarpoq Angingaasaqarnermut pisortaq.

 

Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.


Atorfik pillugu paasissutissat sukumiinerusut Aningaasaqarnermut pisortamut Kim Rosendahlimut saaffiginninnikkut aaneqarsinnaapput kird@kujalleq.gl oqar:49 31 61.

 

 

Qinnuteqaat, ilinniagarisimasat siornatigullu suliffigisimasat pillugit paasissutissartalik, ilinniagarisimasat allagartaasa sulisitsisorisimasallu oqaaseqaataasa assilineri il.il. kingusinnerpaamik apriilip 17-at 2020-mi nal. 12:00 kommunimit tiguneqareersimassapput, uungalu nassiunneqassallutik:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq