airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
22. maj 2020
Ulloq sulilerfissaq:
1. juni 2020

Sumiinnera: Atuarfeqarnermut, Meeqqeriveqarnermut Nutaaliornermullu Ingerlatsivik imaluunniit isumaqatigiissuteqarnikkut

 

Qullersarisaq qaninnerusoq: Atuarfeqarnermut, Meeqqeriveqarnermut Nutaaliornermullu Ingerlatsiviup pisortaata tullerigallagaa   

 

Qinnuteqartunut piumasaqaatit:

  • Perorsaasutut ilinniarsimasuunissat
  • Ilinniarneq nangillugu qaavatigut ilinniarsimasuunissat, perorsaariaatsinik nalinginnaasunik atuagarsornikkut allagartartaarniarlutillu ilinniarsimasuunissat.
  • Allaffissornermut misilittagaqarnissat, qarasaasialerinermut nalunngisaqarnissat.

 

Atorfimmi suliassat:

  • Perorsaanermi siunnersortip Kommune Kujallermi meeqqerivinni sulisunut siunnersuisassaaq, meeqqeriveqarnerullu iluani nakkutilliinerit aamma nutaaliornerit suliarisassallugit.
  • Ulluinnarni perorsaanikkut ineriartortitsinissarneq pillugu ingerlatsiviup pisortaa siunnersussallugu.
  • Inatsisinik ilitsersuineq aamma suliassaqarfiup iluani paaqqinnittarfiit inatsisinik malittaqarnersut nakkutigissallugu.
  • Ulluunerani neqeroorutini tamani perorsaanikkut suliani aamma ukiumoortumik pilersaarusiani angusassanik suliaqarneranni siunnersuineq.
  • Ulluunerani neqeroorutini tamani sulisut naliliinissaannik meeqqallu tamaasa pillugit uppernarsaasiornissaannik siunnersuineq.                                       
  • Avataaniit suleqateqarnikkut suleqatigiissitanik pilersitsiniarnermi siunnersuineq.
  • Ulluunerani neqeroorutit pisortaannik ingerlaqqinnissamik aqqutissiuineq (coaching) aamma MUS-imik oqaloqatiginninneq. Sulisut ataavartumik ineriartornissaat pillugu pikkorissartitsisarneq aamma ilinniartitseqqittarneq.
  • Meeqqerivinni perorsaanikkut immikkut suliniuteqarnerit pillugit siunnersuineq aamma ilitsersuineq.

 

 

Suleqatissarsiorpugut:

  • Nammineersinnaassuseqartumik ataatsimullu isiginnissinnaasumik.
  • Suleqatissat tamaasa suleqatiginissaannut piginnaasaqartumik.
  • Siumut isiginissamik meeqqerivinnilu perorsaasut nukissaasa atorluarnerisigut perorsaanermi suliat pitsanngorsarnissaannut piginnaasaqarnissaq.
  • Politikkikkut aaqqissuusaanermi atugassanik nalunaarusiorsinnaasumik aamma inassuteqaasiorsinnaasumik.

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Atorfimmut atatillugu angalasarnissat naatsorsuutigissavat.

 

Atorfimmut atugassarititaasut:

Naalakkersuisut aamma Nunatsinni Perorsaasut Kattuffiata ataani Kalaallit Nunaanni ulluunnerani kiisalu ulloq unnuarlu paaqqinnittarfinni sulisut akornanni isumaqatigiissummi Perorsaanermik siunnersortit, isusmaginninnermut siunnersortit aamma perorsaanermik ataqatigiissaarisut akissarsiaqartinnissaat 14.09.2017-imeersoq najoqqutaralugu atorfik immikkoortinneqarpoq.

 

Maleruagassat atuuttut naapertorlugit inissaqartitsisoqarsinnaavoq.

 

Atorfik pillugu paasisaqarnerorusukkuit attavigisinnaavat Pisortap tullerigallagaa Ruth Jakobsen, oqarasuaat 70 41 00, toqqaannartumik nr. 64 54 61, e-mail: ruja@kujalleq.gl.

 

Qinnuteqaatit, soraarummeersimanermut uppernarsaatimik ilalerlugu, ilinniaqqinnermut uppernarsaatit kiisalu sullissisorisamit oqaaseqaatit kingusinnerpaamik tallimanngorneq maajip ulluisa 22-ianni 2020 nal. 12:00 tikitsinnagu uunga nassiunneqareersimassapput:


Kommune Kujaiieq

Sulisoqarnermut Immikkoortortaqarfik

Postboks 514

3920 Qaqortoq .

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq