airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
20. maj 2020
Ulloq sulilerfissaq:
1. juni 2020

Narsami ilaqutariinnut paarsisartunut siunnersorti

 

Kommune Kujallermi meeqqanik inuusuttuaqqanillu sullissivik Narsami ilaqutariinnut paarsisartunut siunnersortimik sulilluartumik pissarsiarpoq 1. juni 2020 imaluunniit isumaqatigiissuteqarnikkut atorfinittussamik.

 

Suliassat:

  • Narsami eqqaanilu ilaqutariinnik paarsisartunik pissarsiniartassalluni - tassunga ilanngullugu sulisussarsiornermut aammalu ilaqutariittut paarsisarneq pillugu paasititsiniaanermut peqataasassalluni.

  • Kommunip aaqqissugaanik ilaqutariinnut paarisassanngortitsinikkut meeqqanik inissinneqarsimasunut orniguttarluni nakkutilliissalluni. Ilaqutariinnut paarisassanngortitsisarnermi ingerlatseq pillugu orniguttarluni nakkutilliissalluni. Narsami eqqaanilu ilaqutariinnut paarsaqartartunut tamanut kommuniup inissiivigisimasaanut minnerpaamik marloriarluni pulaartarnissamut pisussaassalluni. Pulaarnerit tamaasa nalunaarusiortassalluni. Kommunip paarsaqartitsisarnermi sullissineranut ilanngullugu ilaqutariinnut paarsisartunut oqilisaassilluni oqaloqatiginnittassalluni isummersoqateqartassallunilu.

  • Ilaqutariit paarsisartut iliuusissanik pilersaarusioqatigisassallugit, kingornalu ilaqutariit paarsisartut ulluinnarni sulineranni iliuusissatut pilersaarutit piviusunngortinnissaat pillugu isummersoqatigisassallugit oqaloqatigalugillu oqilisaassivigisassallugit.

  • Meeqqanik ilaqutariinnut paarisassanngortitsinissamut innersuussisassalluni, meeqqat ilaqutariinnut paarsisartunut tulluarnersiortassallugit nalileqqitassaasumik akuerisassatullu innersuussutigisassallugit.

  • Meeqqanut suliassalerisoq peqatigalugu ilaqutariittut paarsisartutut akuerineqarnissamik qinnuteqaatit misissortassallugit kiisalu akuerisassatut itigartitassatulluunniit inassutigisassallugit.

  • Narsami eqqaanilu ilaqutariinnut paarsisartunut ilitsersuisassalluni oqaloqatiginnillunilu oqilisaassisassalluni kiisalu ilaqutariinni paarsisitsisarneq pillugu isumaginnittoqarfiup suleqataanut siunnersortitut atuuttassalluni.

  • Illuatungaani meeqqanut kommunip inissitaanut ilaqutariinnilu paarineqarfiinut, illuatungaanilu meeqqap angajoqqaavinut ilaqutaanullu / meeqqap attavigisaanut akuttunngitsumik attaveqartarnermut peqataassalluni.

  • Ilaqutariinnut paarsisartunut tunngatillugu allaffissornikkut assigiinngitsunik suliaqartassalluni. Qarasaasiakkut atortunik suliamut attuumassuteqartunik atuinissamut pisussaaffeqarpoq. Narsami eqqaanilu meeqqat inissitat pillugit paasissutissat akuttunngitsumik (minnerpaamik qaammammut ataasiarluni) qarasaasiamiittut nutartertassallugit paasissutissat iniissineq pillugu kisitsisinik paasissutissiornermi atorneqarsinnaaniassammata. Ilaqutariinnut paarsisartunut inissiigasuarnerit nalunaarsorneqarnissaat paasissutissanilu nutarterutigineqarnissaat pingaartumik eqqumaffigissallugu.

  • Inissiinerup uninneranut atatillugu suliniutissatut isumaqatigiissutigineqartut aallarnerneqarnissaannut peqataassalluni, soorlu 18-inik ukioqalereersunut suliniuteqalerneq meeqqat inuusuttuaqqalluunniit siunissaata isumagineqarnissaa siunertaralugu.

  • Tassanngaannartumik inissiinerit oqilisaassillunilu najugaqartitsinerit pillugit qanimut nakkutilliissalluni sukumiisumillu kisitsisitigut paasissutissiortassalluni. 

  • Suliffiup iluani suliassaqarfiillu assigiinngitsut akornanni sulilluassalluni. Pisariaqartitsineq naapertorlugu meeqqqanut tunngasutigut suleqatigiit ataatsimiinnerinut, suleqatigiiffiit ataatsimiinnerinut kiisalu assigiinngitsunik  tunuliaqutallit ataatsimiinnerinut peqataasassalluni.

  • Kommunimi meeravissiartaarnissamik qinnuteqartoqartillugu, aamma ilaqutariit namminneq aaqqissugaanik inissiisoqartillugu pulaarneq pillugu nalunaarusiortassalluni isumaginninnermilu nalunaarusiortassalluni.

  • Meeqqanik kinguaassiutitigut innarliisoqartillugu upalungaarsimasunut peqataassalluni.

  • Ilaqutariit paarsisartut eqimattatut ingerlanerat ineriartornerallu isumagissallugu. Ilaqutariinnik paarsisitsisarnermut tunngatillugu pikkorissarnerit ilinniartitsinerillu ataqatigiissaarisuuffigissallugit.

  • Kommune Kujallermi illoqarfinni eqqaannilu allani kommninilu allani ilaqutariinnut paarsisartunut siunnersortinik allanik misilittakkanik paarlaasseqateqartassalluni nammineq suliffimmi sulianilu ineriartornissaq angusaqarnerusalernissarlu siunertaralugit. Kommunimilu nunamilu tamarmi ilaqutariinnut paarsisitsisarnermi attaveqatigiiffinnut peqataassalluni.

  • Pisariaqarpat, soorlu napparsimasoqarnerani, sulinngiffeqartoqarnerani assigisaannilluunniit pisariaqartitsisoqalersillugu Narsami eqqaanilu meeqqanut suliassat takkuttartut tamaasa isumagisassallugit.

 

Qinnuteqaateqartunut piumasaqaatit:

  • Isumaginninnermut siunnersortitut assigisaanilluunniit ilinniagalik
  • Suliassaqarfimmi misilittagalik     
  • Meeqqanut ilaqutariinnullu tunngasunik sukumiisumik, kiisalu inatsisinut attuumassuteqarfigineqartunut ilisimasalik
  • Ilaqutariit ilungersuuteqartut inissiinerillu pillugit suliaqarsimasoq/suleriaatsinik ilisimasalik

 

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat suliallu sukutsitannguinut malussarinnissat
  • Paatsiveerunnak qassiinik suliaqarsinnaasutit
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqarnissat
  • Ulluinnarni ulapaarfiusuni aallussisinnaanissat aaqqissuisinnaassuseqarlutillu sulisinnaanissat
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaanissat
  • Arlalissuarnik suleqateqallaqqissuunissat
  • Qinnuteqartut marluinnik oqaasillit (kal/dk) salliutinneqassapput.

 

Neqeroorutigaavut:
Suliffik pikkunartoq, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Isumaqatigiissutit attuumassuteqartut naapertorlugit atorfinitsitsisoqassaaq.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfik pillugu paasissutissat sukumiinerusut pissarsiarineqarsinnaapput Narsami isumaginninermi siunnersortit aqutsisuat / immikkoortortami aqutsisoq, Aannguaq Poulsen oqarasuaat +299 381529 imaluunniit mail: aapo@kujalleq.gl atorlugu saaffigalugu.

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 20. maj 2020 kommunimit tiguneqareersimassapput,  kommunillu mailianut nassiunneqassallutik:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq