airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
26. maj 2020
Ulloq sulilerfissaq:
1. juli 2020

Kommune Kujalleq
K
ommune Kujallermi atuartut ilinniartitsisullu tamarmik iPadeqarput. Taamaammattaaq iPadiut atorlugit ilinniarneq sammilluarneqarpoq.

Qarasaasialerisut aqutsisuat ukiup affakkaarlugu Kivitsisamut ingerlatsivik suleqatigalugu nalunaarusiortarpoq.  

 

Qinnuteqaateqartumut naatsersuutigisagut: 

  • Qaraasialerinermi aqutsinermut ilinniarsimasutit 
  • Sulisunnut sulisunullu allanut attaveqallaqqillutillu suleqateqallaqqissuusutit.
  • Aningaasanik aqutsinermut paasisimasaqartutit. 
  • Suliniutinik aqutsillaqqissuusutit, suleqatigiligassannullu suleqatiginnikkumassuseqartutit.
  • Suliffiup avataaneersunik suleqateqarnermut pikkorissuusutit
  • KIVITSISA-p suliniutaa ilisimasaqarfigigit

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiatigut atorfeqarnermilu atugassarititaasut

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Namminersorlutik Oqartussat aamma isumaqatiginninniarsinnaatitaalluni peqatigiiffiup akornanni qaqugukkulluunniit isumaqatigiissutit atuuttut naapertorlugit inissinneqassapput.

 

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Atorfinikkiartornermi angalaneq

Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik.

 

Paasissutissat allat: Atorfinnut tunngassutilinnik paasissutissanik sukumiinerusunik perusukkuit uunga saaffiginnissaatit: AMN Ingerlatsivimmi pisortap tullerigallagaa Ruth Jakobsen, e-mail: ruja@kujalleq.gl oqarasuaat toqqaannartoq +299 64 54 61

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Atuarfinni qarasaasialerisut aqutsisuat

 

Qinnuteqaat Kommune Kujallermi tiguneqareersimassaaq kingusinnerpaamik maajip ulluisa 26-ianni 2020. Qinnuteqaat, soraarummeernermut uppernarsaatit, oqaaseqaatit allallu uunga nassiunneqassapput:


Kommune Kujalleq

Atuarfeqarnermut, Meeqqeriveqarnermut Nutaaliornermullu Ingerlatsivik

Postboks 520

3920 Qaqortoq

ruja@kujalleq.gl 

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq