airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
19. juni 2020
Ulloq sulilerfissaq:
1. juli 2020

Suliffiup nassuiarneqarnera
Qaqortumi, Teknikkimut avatangiisinullu ingerlatsivik peqataaffigilissavat. Immikkoortortaqarfimmi sulineq avatangiisini pissanganartuni suliatigullu unammillernartuni, periarfissaqarfiusumi suliatigullu ineriartortitsiviusumi pisassaaq.

Teknikkimut avatangiisinullu ingerlatsivik Qaqortumi qullersaqarfeqarpoq, teknikkimulli pisortamiit aqunneqarluni. Qaqortumi ingerlatsivik arfineq pingasunik sulisoqarpoq avatangiisinut, nunaminertanik atuinermut, kommunimut pilersaarusiornermut kiisalu sanaartornermut tunngasunik suliaqartunik. Ingerlatsivik allaffimmiunik marlunnik sulisoqarpoq. Taamatuttaaq ingerlatsiviup ataani Narsami Nanortalimmilu teknikkimut allaffissornermullu sulisoqarpoq, kiisalu silami suliassaleriveqarfimmiut, eqqagassanik tigooraavimmi avatangiisinut ulorianaateqarsinnaasunik eqqakkanik passussisartut, ikuallaavimmeersut upalungaarsimasullu suleqatigineqarput.

Avatangiisinut immikkoortortaqarfimmi inissinneqassaatit, ulluinnarni sulisumit ataasiinnarmit isumagineqartartumit. Avatangiisinut immikkoortortaqarfiup kiffartuussinissaq, pitsaassusilimmik sullissinissaq kiisalu tamakkiisumik faginullu pituttorsimanngitsumik sulianik iluarsiissuteqartarnissaq pingaartitaraa. Innuttaasunut, suliffeqarfinnut, immitsinnut minnerunngitsumillu avatangiisinut iluaqutaasussamik, ajornaatsumik, eqqortumik sunniuteqarluartumik sukkamillu sulisarpugut.

 

Ingerlatsivimmi ammasuuneq oqaloqatigiissinnaanerillu pingaartinneqarput, suliassannullu sunniuteqarsinnaallutillu nammineerlutit sulinivit aaqqissornissaanut annertuumik periarfissaqarlutit. 

Suliassatit                                                                     Piffissap annerpaarta suliniutinut nutaanut ataqatigiissaarisassaatit, eqqagassanik assartuinermut silami eqqiluitsuutitsinermut kiisalu atoqqiisarfinnik ingerlatsinermut tunngassuteqartunut. Tamatuma saniatigut suliassanik assigiinngiiaartunik politikkerinit, innuttaasunit imaluunniit kommuninit saaffiginnissutaasut apeqqutaatillugit ulluinnarni sulinerit sunnerneqartuartassasoq naatsorsuutigisinnaavat.

Suliassat ilaatigut tassaapput:

  • Eqqagassanik assartuinermut tunngatillugu suliniutinut ataqatigiissaarineq sullissinerlu
  • Silami eqqiluitsuutitsinermut tunngatillugu ataqatigiissaarineq sullissinerlu
  • Atoqqiisarfiit ingerlanneqartarnerinut tunngatillugu pisariillisaaneq
  • Suliffeqarfinnik innuttaasunillu siunnersuisarneq ilitsersuisarnerlu
  • Paasissutissiissutinik kiisalu ilitsersuutinik suliaqarneq

 

Naatsorsuutigaarput illit makkuninnga piginnaasaqassasutit:

  • Ingerlaqqiffiusumik ilinniarsimavutit, allamilluunniit suliamut tunngasutigut attuumassusilimmik tunuliaquteqassasutit
  • Suliamut tunngasutigut ilisimasaqarnikkullu naleqquttumik tunuliaquteqassasutit
  • Nalinginnaasumik avatangiisit tungaasigut soqutigisaqartutit ilisimasaqarlutillu.
  • Suliniutinik ingerlatsinermut misilittagaqartutit tamatumani aningaasaqarnemut missingersuutinillu malittarinninnermut
  • Suliffeqarfimmi politikkikkut aqunneqartumi sulinermik misilittagaqassasutit
  • Pisortat ingerlatsiviannit imaluunniit suliffeqarfiit siunersuisartunit misilittagassasutit.
  • Oqaatsit ersarissut atorlugit ajornartorsiutinik imaannaanngitsunik ingerlatitseqqiillaqqinnermik saqqummiussisinnaanermut piginnaaneqassasutit
  • Suleqateqallaqqissuusutit kiisalu arlalinnik ataatsikkut suliaqallaqqissasutit.
  • Oqaatsitigut piginnaasaqarluartuusutit, matumani kalaallisut qallunaatullu

Pingaartipparput, nammineerlutit sulisinnaassuseqassasutit, pimoorussisuussasutit, naammassisaqarluarsinnaassuseqarlutit qiimasuussasutillu.

Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, aamma atorfininnermi soraarnermilu angalanissamut kiisalu pisattat assartorneqarnerinut tunngasut Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput. Sapaatip akunneranut akunnerit 40-t suliffiussapput.

Inissaqartitsineq Atorfimmut atatillugu malittarisassat sukkulluunniit atuuttut naapertorlugit sulisunut inissiamik pequsersoriigaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

Atorfik pillugu sukumiinerusumik paasisaqarusukkuit Teknikkimut pisortaq Mike Kristiansen oqarasuaat +299 70 41 00, lokal nr. 5400 atorlugu paasiniaaffigisinnaavat, imaluunniit mailikkut:
mikr@kujalleq.gl Atorfinititsinissamut oqaloqatiginninnerit sapaatip akunnera 26-mi pinissai naatsorsuutigineqassapput.

 

Qinnuteqaat Kommune Kujallermit tiguneqareersimassaaq kingusinnerpaamik juunip 19-ianni 2020 nal. 12:00. Qinnuteqaat, soraarummeersimanermut uppernarsaat, oqaaseqaatit allallu uunga nassiunneqassapput:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq