airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
5. juni 2020
Ulloq sulilerfissaq:
1. august 2020

Kommune Kujalleq Nanortalimmi ilinniartitsisunik arfineq pingasunik pikkorissunik 1.august 2020 atorfinittussanik pissarsiorpugut, atorfik særlige åremålsvilkår malillugu aaqqissuussaavoq.

Pingaarnertut qallunaatut tuluttut akullerni angajullernilu aammalu fysik/kemimi angajullerni atuartitsisinnaasunik pissarsiorpugut

 

Nanortallip Atuarfia

Nanortallip Atuarfia 174-inik atuartoqarpoq. Maanakkuugallartoq atuarfik 20-nik atuartitsisartunik sulisoqarpoq.

 

Atuarfik nutaaq atortorissaarluartoq, suleqatigiinneq nuannersoq, pinngortitami kusanarluinnartumi tammaarsimaarnissamik periarfissaqartoq. iPad atorlugu atuartitsisinnaanermullu periarfissiisoq suleqataaffigilissavat.

 

Qinnuteqaateqartunut naatsersuutigisagut: 

IMAK-ip professionsidealia ilisimassagit
Ilinniartitsisutut ilinniarsimasuunnissat
Atuartunut angajoqqaanullu pitsaasumik attaveqarsinnaassasutit suleqateqarluarsinnaassasutillu
Atuartitsinermut aqutsillaqqissuussaatit kiisalu suleqatigiligassannut suleqateqallaqqissoq

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

PITSAASUNIK ATUGASSAQARLUNI ATORFEQARNEQ

Atorfinitsittineq Naalakkersuisut IMAK-llu akornanni isumaqatigiissutaat 27. august 2014-imeersoq naapertorlugu atuuppoq. Qinnuteqartut Kalaallit Nunaanni tjenestemand-ureersut atorfinitsitteriaaseq taanna ingerlatiinnarsinnaavaat.  Qinnuteqartut piukkunnartut pilerilersinniarlugit atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut aqqaneq-marluk qaangiukkaagata akiliunneqarlutik sulinngiffeqarnermut atatillugu angalasinnaatitaapput, piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninik konto-mut matoqqasumut ikisisoqassaaq. Soraarnerup kingorna aningaasat tunniunneqassapput

 

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut ukiut siulliit pingasut ukiut tamaasa feriefrirejseqassaaq, ukiullu pingasut qaanngiuppata ukioq allorlugu feriefondimut aaqqissussineq atuutilissalluni..

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit:

AMN- Ingerlatsivimmi atuarfinnut siunnersorti Karen Nielsen, e-mail: kani@kujalleq.gl, oqarasuaat +299 64 54 35 toqqaannartoq imaluunniit atuarfiup pisortaaneranut Vivi Kleist e-mail: vikl@kujalleq.gl  oqarasuaat +299 61 40 10

 

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

Qinnuteqaat atsioriigaq scannerlugu e-mailikkut uunga nassiunneqarsinnaavoq:

 

Qinnuteqaatit Kommune Kujallermiit tiguneqareersimassapput kingusinnerpaamik 5 juni 2020. Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput.

 

Hent ansøgningsskema her

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq

 

 

Kommune Kujalleq

HR-afdeling

Postboks 514

3920 Qaqortoq

job@kujalleq.gl