airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
4. juni 2020
Ulloq sulilerfissaq:
1. juli 2020

Kommune Kujalleq pissarsiorpoq

Majoriaq, Qaqortoq

pissarsiorpoq

 siunnersortimik & suliffimmut siunnertimik/jobkonsulentimik

Atorfininnissaq pissaaq 1. juulip 2020 imaluunniit isumaqatigiissuteqarnikkut.

 

 

Qaqortumi Majoriaq

  • ilinniartitaanermut siunnersuinissami siunnersortimik pissarsiorpoq.

  • Suliffimmut siunnersorti inuussutissarsiornermut tunngasunik aamma suliaqassaaq

 

Takorloorparput suleqatitaavut:

 

  • Inussiarnersuullutillu kiffartuussinermik pingaartitsisuussasutit, peqqutigalugu innuttaasut atuartullu suliffeqarfiup iluani avataanilu annertuumik attavigisarlugillu suleqatigisussaagakkit

  • Attaveqallaqqissuusutit aammalu oqaloqatiginninnermut aqqutissiuinermullu misilittagaqartutit

  • Siunnersortitut ilinniarsimasuunissat aamalu ajornanngippat siunnersuinerup iluani ingerlaqqiffiusumik ilinniagaqarsimasutit

  • Kalaallisut danskillu allassinnaallutillu oqalussinnaasutit

  • Suliffiit, suleqatit, atuartut innuttaasullu eqqarsaatigalugit aalaakaasutit, tunniusimallutit isumagissuusutit

  • Ingerlatsivimmi ulapaarfiusumi persuarsiornanngitsumilu sulinermik nuannarisaqartutit

 

Aqqutissiuisup suliassai pingaarnerit tassaassapput:

  • Ilinniartitaaneq pillugu aqqutissiuineq sullisinerlu

  • Ilinniartitaaneq piginnaanngorsarnerlu pillugit oqaloqatiginninnerit qulaajaanerillu

  • Atuartunik sullissineq

  • Atuartunut suliffimmilu ilinniartunut tunngasutigut allaffissornikkut sulineq

  • Inuusuttunut ataasiakkaanut periusissianik pilersaarusiorneq nangitsinerlu

  • Ilinniarnissaq pillugu aqqutissiuineq qinnuteqaatinullu siunnersuineq

  • Ilinnialernissamik qinnuteqaatit suliarineqarnerat

  • Inuusuttunut sulinermut sungiusartunut attaveqaataaneq aqqutissiuinerlu

  • Suliffimmi misiliineq pillugu attaveqaataaneq, siunnersuineq allaffissornerlu

  • Qitiusumik ilinniarfinnik aammalu atuartuutigisanik/suliffimmi iliniartuutigisanik suleqateqarneq

  • Ilinniartut inaat pillugit allaffissornikkut aqutsineq

 

Suliffimmut siunnertip pingaarnertut suliassai ukuupput:

  • Suliffissarsiortunik nalunaarsuineq

  • Sulisassarsiuussineq

  • Ilaatigut pikkorissaanerit piginnaanngorsaaqqiinerit pillugit siunnersuineq suliaqarnerlu

  • akissarsiat, pikkorissaanerit allallu pillugit nalunaarsuineq

  • Aningaasat utertitassat assigiinngitsut utertinneqarnissaannik suliaqarneq

  • Qarasaasiamut immersuiffisanullu allanut nalunaarsuineq

  • Pikkorissaanerit assigiinngitsut pilersaarsiorlugillu naammassinissaat

  • Inuussutissarsiornermik tunngasunik suliaqarneq, ilaatigut akuersissutit, aningaasaliissutit aamma nalunaarsuinerit.

 

 

 

Majoriami atorfininnermut tunngatillugu susassaqarfiup iluani ilinniaqqinnissaq periarfissaavoq

 

Piginnaanngorsaaqqiinerup ilinniartitaanerullu iluani aamma suliffissarsiortut iliuusissatut pilersaarusiorfineqarneri eqqarsaatigalugit Majoriaq, suliffeqarnermut, siunnersuinermut piginnaanngorsaaqqiinermullu sullissivik siammasissumik suleriaaseqarpoq.

 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 

Inissaqartitsisoqarsinnaavoq, malittarisassat atuuttut malillugit ineqarnermut assigisaannullu qaammammut akiliisoqartassalluni, soorluttaaq qaqugukkulluunnit malittarisassat atuuttut najoqqutaralugit angalanermi nuunnermilu aningaasartuutit akilerneqassallutik.

 

Atorfik pillugu paasissutissat sukumiinerusut Qaqortumi Majoriaqarfinni pisortamut  Poul H. Jørgensenimut pissarsiariniarneqarsinnaapput uku aqqutigalugit: 64 75 38 mail: pohj@kujalleq.gl.

 

Qinnuteqaatit Kommune Kujallermi Sulisoqarnermut Immikkoortortap kingusinnerpaamik juunip ulluisa 4-anni 2020 tigoreersimassavai aamma soraarummeernermut uppernarsaatit, oqaaseqaatit allallu ilanngullugit uunga nassiunneqassallutik:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq