airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
15. juni 2020
Ulloq sulilerfissaq:
1. juli 2020

"Taamaattussaannartut" isiginninneq unammillerusuppiuk taavalu Meeqqanik inuusuttuaqqanik ilaqutariinnillu sullisivimmi ilungersunartorsiorfiusumi suleriaatsinik nutaarluinnarnik pilersitsillutit?

Meeqqat ilaqutariillu toqqaannartumik suleqatigalugit oqaloqatigalugillu kiisalu kommunimi suliassaqarfiit assigiinngitsut akornanni taamaaliornissannut sunniisinnaassuseqarpit? Kommune kisiviat isigiinnarnagu allanut isigisinnaassuseqarpit - tassa angerlarsimaffiup avataanut inissiisarnitsinni tapersersortinilluunniit sulisussaliisarnitsinni periaasitoqqat qaangerusuppigit?

 

Taamaassimaguit sulianik aqutsisussatsitut nutaatut qinnuteqassaatit.

 

Suliffiup naatsumik ilisaritinneqarnera

Kommune Kujallermi meeqqanut inuusuttuaqqanullu aningaasartuutit amerliartorusaaginnarput. Taamaammat Isumaginnittoqarfimmi suleriaasitsinni qangatut oqartussatut eqqarsartarneq inuit atugarissaarnissaannik pilersitsinermi periaatsinik allanik tapertaqartinniarparput, assersuutigalugu Pilersitseqatigiinneq aqqutigalugu, aammalu allanik suleqateqartarneq aqqutigalugu.

 

Massakkorpiaq makku immikkut sammivagut:

  • Suliassaqarfimmi eqqissisimanermik, toqqissisimanermik ataatsimoornermillu pilersitsineq
  • Suliniutivut innuttaasunut sunniuteqarnerullutillu naleqarnerulissasut. Taamaammat sulianik aqutsisoq suliniutinik ataatsimut isiginniffiusunik attanneqarsinnaasunillu pilersitsinermi siuttuussaaq, taakkunuunalu innuttaasut inuunerminnik isumaqarnerulersitsissapput aqutsisinnaanerulissallutillu.
  • Upperaarput meeqqat ilaqutaallu ilumoortumik allannguiffigissagutsigit naligalugit siusinaartumillu naapittariaqarivut. Upperaarput meeqqat massakkut inuuffigisaanni naapittariaqarivut; tassa angerlarsimaffinni, ulluunerani ornittakkani aammalu atuarfinni. - Meeqqat inuuffigisaanni, inersimasullu meeqqanut tulaaqqavittut pingaaruteqarfigisaanni.

 

Sulianik aqutsisutut siuttuuffigissavatit:

  • Oqartussaqarfik, ulloq unnuarlu angerlarsimaffik, illu siusinaartumik iliuuseqarfik, ilaqutariinnik sullissivik kiisalu ilaqutariit illui marluk.
  • Isumaginninnermi pisortaq qullersarissavat aammalu isumaginnittoqarfik 300 missaannik sulisulik peqataaffigissallugu.
  • Aqutsisoqatigiinni pingasunik suleqateqarlutit peqataassaatit.

 

Naatsorsuutigaarput

  • Sulininni suleqatigiinneq innuttaasullu qitiutilluaritit.
  • Suliffeqarfittut ineriartornissarput aammalu kommunimi immikkoortukkuutaarluni sulinerup qimanissaa suleriaaserissagit.
  • Ilinniakkatigut nukittuumik inissisimasutit aammalu pisortaaffigisatit annaanaveersaaginnarlugit sulinatit toqqissillutit pissusissamisuuginnartumillu aqutsisunik allanik suleqateqarsinnaassuseqartutit.
  • Meeqqat ilaqutariillu pisariaqartitsinerpaat allannguiffiginiarlugit maligassiuinissannut, kajumissuseqalersitsinissannut suliatigullu pitsaanerpaamik angusaqarniaqatigiinnissamut assut pingaartitsisuusutit.
  • Ilinniakkatit misilittakkatillu assigiinngitsorpassuarnik aallaaveqarsinnaapput. Pisortani, suliniaqatigiinni naalakkersuisutigoortuunngitsuni, peqatigiiffinni allarluinnarniluunniit ineriartorsimasuusinnaavutit. Qularnanngilarli assigiinngitsunik aammalu innuttaasunik, kajumissutsiminnik sulisunik atorfilinnillu suleqateqarfiusumi suliffeqarnermut sungiusimalluartuusutit.
  • Siumut isigalugutit eqqarsarsinnaassuseqassaatit suliffeqarfillu ataatsimut isigisinnaasariaqarlugu.
  • Qinikkat sulinerannut tunniusimassaatit qinikkallu pitsaanerpaamik sullitarissallugit.
  • Suliassaqarfiit ineriartortissavat inatsisillu atuuttut malissallugit.
  • Missingersuutinik aqutsinermut akisussaassaatit suliassaqarfinnilu missingersuutit eqqortissallugit.
  • Sulisunik aqutsineq - tamatumanilu sulisut ingerlalluarnissaat ineriartornissaallu qitiutilluartariaqarpatit.

 

Uku neqeroorutigivavut

  • Suliassaqarfiup iluani nammineq nutaaliornissannut periarfissaqarluarlutit atorfeqassasutit.
  • Kommune Kujallermi meeqqanut, inuusuttuaqqanut ilaqutariinnullu atugarissaartuunngitsunut ilorraap tungaanut ataavartumik aallartitsinissannut periarfissaqarfigissanik suliffeqalissasutit.
  • Sulisunut tunniusimasunut pikkorissunullu, killissaa tikillugu ilinnik suleqatiginnnikkumasunut aqutsisunngussasutit.
  • Suliffeqarfik ineriartorfiusoq, illillu nammineq sammivissaatsinnik assut aalajangeeqataaffigisinnaasat.
  • Aqutsisoqatigiit sisamaasut peqataaffigissavatit, taakkunani suliamik paasisimasaqassuseq suleqatiigiinnerlu pingaartinneqarluartarput 

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiatigut atorfimmilu atugassarititaasut, aamma atorfininnermi soraarnermilu pisattat angallanneqarnerat, pissapput Namminersorlutik Oqartussanit kommuninilu allaffissornikkut pisortat pillugit ASG-ip isumaqatigiissutai atorfininnermi atuuttut sulianik aqutsisut akissarsiaannik qaffasissusiliinermut tunngasut naapertorlugit.

 

Atorfik pillugu paasisaqarnerujumaguit attaviguuk ingerlatsiviup pisortaa Boris Klarsgaard mailikkkut bokl@kujalleq.gl imaluunniit oqarasuaatikkut +299 58 91 34.

 

Atorfinikkumasunik oqaloqatiginninnerit 28. april 2020 pissapput.

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 15. juni 2020 kommunimit tiguneqareersimassapput,  kommunillu mailianut nassiunneqassallutik:


Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq