airplanebooksbriefcase business cogs cross election entertainment fish house law lockmedicalpeopleselfservices socialtax

$name

Kingusinnerpaamik ulloq:
30. juni 2020
Ulloq sulilerfissaq:
1. august 2020

Kommune Kujalleq, Tasersuup atuarfiani sulisut, atuartut minnerunngitsumillu angajoqqaat aqutsisut allat atuarfiullu sulisui allat peqatigalugit atuarfimmik kivitsisinnaasumik, perorsaanerup aamma angusat tungaatigut siuariariartortitsisinnaasumik, aalajangersimasumik siumullu isigisumik pisortap tullersortissaanik pissarsiorput.

 

Tasersuup Atuarfia pillugu paasissutissat

  • Atuartut 430-iupput.
  • Ilinniartitsisutut atorfiit 62-nut amerlassusiligaapput. Sulisut katillugit 75-inik amerlassuseqarput.
  • Atuarfik immikkoortunut sisamanut agguataagaavoq, immikkoortorlu ataaseq immikkut atuarfitsiviuvoq immikkuullarissuulluni.
  • Ilinniartitsisut suleqatigiilluartartuupput suleqatinullu nutaanut tikilluaqqusisuullutik.
  • Init atuartitsiviusut tamarmik whiteboardeqarput.
  • Atuartut tamarmik atuartitsinermi atorneqartartunik iPadseqarput.
  • Ilinniartitsisut Lærerintra atorluartarpaat angajoqqaanullu Forældreintra atulersinneqarsimalluni.
  • Nunaqarfinni atuarfeqarpoq, savaateqarfinni angerlarsimaffimmi atuartitsisoqartarluni taakkulu suleqatigilluarpavut.
  • Perorsaanermi ikiorteqarpugut, isumaginninnermi siunnersorteqarluta, ilaqutariinnut klasseqarluta kiisalu atuarfimmi mentoreqarluta iPad atorlugu atuartitsinermi atorneqartartumik.
  • Innarluutilinnut atuarfeqarpugut, tassa Tungujortuaraq

 

Atuarfiup pisortaata tullianik kissaateqarpugut ukununnga akisussaassusilimmik piginnaanilimmillu:

  • Aqutsinissamik, siunnersuinissamik, ilitsersuinissamik aamma nakkutilliinissamik piginnaasaqartumik
  • aningaasaqarnermik paasisimasalimmik aammalu missingersuutinik annertuunik suliaqarsinnaasumik, kontunut inissitsiterinermut, uppernarsaassiinermut akiligassanngortitsinermullu paasisimasalimmik. Atuartitsinermi atortussanik pisiniartartussamik
  • Anguniakkanik sulissutiginnittartumik aamma aaqqissuussinerup iluani eqimattat assigiingitsut ataqqillugit qaffasinnerusumiittunik appasinnerusumiittunillu suleqateqarsinnaassasumik.
  • atuartut angerlarsimaffiannik sulisuinillu, atuareersunik paaqqinnittarfinnik, sulisunik kiisalu pedelinik aqutseqataasumik
  • nunatsinnni atuarfiit pillugit inatsisinik
  • TRIO program atorlugu skemaliornermik (TEA), skemaliornermut programmimut ilisimasaqartumik kiisalu ullaakkut paarsisoqarnermi ataqatigiissaarisuusumik
  • Skoleintramik atuisinnaasumik
  • Terminsprøvertitsinerit allattariarsornikkullu misilitsinnernik isumaginnittussamik
  • Atuartut tammaarsimaarnerinik pilersaarusiortussamik
  • Atuarfiup pisortaa sulinngikkaangat pisortamut tullersortaasartussamik

 

Piginnaasat:

  • Ilinniartitsisutut ilinniarsimasutit
  • Ilinniartitsisunik, suleqatinik aamma qullersarisannik suleqatiginnilluarsinnaanissat
  • Pisortatut inissisimaninnut tassanilu akisussaaffimmut paasinnissinnaanissat.
  • Atuarfik immikkoortortanut agguataagaq perorsaanikkut aaqqissugaanikkullu ineriartortitseqataaffigissagit
  • Qarasaasianik atuinermut misilittagaqartutit (IT+iPad) – ajornanngippat allaffissornermi atortutut
  • Allakkatigut oqaatsitigullu attaveqarnermut pikkorissuusutit
  • Ulluinnarni sulininni ulapaarsinnaanissannut sapertuunnginnissat
  • Sulisitsisunnut tunniusimanissat
  • Kalaallisut qallunaatullu oqaatsinik atuilluarsinnaanissat, immikkulli piumasaqaataanngillat

 

Neqeroorutigaavut:

  • Aqutsisutut ineriartoq
  • Ilinniarneq
  • Suliatigut siunersioqatigiinneq
  • Suleqatit pikkorissut
  • Aqutsisooqatigiit nukittuut

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Piumasaqaatit uku naammassisinnaasorigukkit qinnuteqaasiussaatit.

 

Atuarfiup pisortaata qullersaa qaninneq tassaavoq Kommune Kujallermi Atuarfeqarnermut Meeqqeriveqarnermut Nutaaliornermullu Ingerlatsiviup pisortaa Qaqortumi kommunip allaffeqarfiani inissisimasoq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Kommune Kujallermi pissarsiariniarneqartumik naammaginartumik peqarneq apeqqutaatillugu atorfinitsitsisoqassaaq.

 

Atorfinitsitaanermi atugassarititaasut:

Kalaallit Nunaanni Namminersornerullutik Oqartussani kommuninilu tjenestemandit pillugu Inatsisartut inatsisissaat nr. 21, 18. december 2003-imeersoq kiisalu Naminersorlutik Oqartussat IMAK-illu isumaqatigiissutaat imaluunniit Naalakkersuisut IMAK-illu isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.

 

Nunasinni atuarfinni tjenestemanditut atorfiit qaffasissusiligaanerat naapertorlugu siuliani isumaqatigiissusiortut taaneqartut isumaqatigiissutaat naapertorlugit atorfimmi akissarsiaqartitsisoqassaaq.

 

Atorfik massakkut akissaateqarfiit 34-ianniippoq qaffakkiartorfimmi 47-miilluni, immikkullu taperitinneqarlutik kr. 31.350, ukiumut aningaasartat 1. april 1991-imeersut naapertorlugit.

 

Nunatsinni tjenestemanditut atorfimmiit allamiit toqqaannartumik tjenestemanditut atorfinittoqarsinnaavoq.

 

Isumaqatigiissutit naapertorlugit atorfinikkaanni Naalakkersuisut IMAK-illu nunatsinni atuarfinni ilinniartitsisut pillugit isumaqatigiissutaanni akissaateqarfik 33 atorneqassaaq ima immikkut tapilik kr. 10.160, tassa 1. april 1991-mi aningaasartat naapertorlugit.

 

Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamullu utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.

 

Paasissutissat sukumiinerusut pissarsiarineqarsinnaapput atuarfiup pisortaaneranut saaffiginninnikkut: Sarah Rødgaard oqarasuaat toqqaannartoq atorlugu +299 64 50 34 imaluunniit mail: saro@kujalleq.gl

 

Qinnuteqaammut ilanngunneqassapput ilinniakkanik suliffigisimasanillu allaaserisaq, soraarummeernermut / Pikkorissarnermut uppernarsaatit pisariaqartut, kiisalu oqaaseqaatit kissaatigineqarput kingusinnerpaamillu tunniunneqassallutik: Qinnuteqarfissaq kingulleq 30. juni 2020 nal. 12:00.